لنگ رنپوچے دا پیغام

جویں جویں انٹرنیٹ راہیں جانکاری لمے چوڑے پیمانے تے سوکھ نال ملن لگ پئی اے، اوس طراں ہی چوکھے لوکیں، بدھ مت اتے تبتی سنسکرتی بارے جانکاری لین لئی، سب توں پہلاں ایس ول (انٹر نیٹ ول) منہ کردے نیں۔ جیہڑے لوک ایس دا ڈوہنگا مطالعہ کرنا چاہندے نیں اوہ قابل استاداں نوں پھڑدے، اتے چنگا سبب لگن اوپر اوہناں کولوں شکشا لیندے نیں۔ اجیہے لوکاں لئی انٹرنیٹ وِدیا پاون دا اک چنگا وسیلہ ثابت ہوندا ہے۔ کجھ نصیباں مارے لوکاں نوں کسے سبب قابل استاد نئیں لبھدا۔ پرجے کوئی (استاد) مل وی جاوے، تے ہو سکدا اے کہ اوہ اوس توں پیسے دھیلے یا ماڑے سربندھ ہتھوں پورا فائدہ نہ چُک سکن۔ اوہناں لئی، بدھ مت بارے جانکاری لین لئی انٹرنیٹ ہور وی چوکھا ضروری ہو جاوندا اے۔

انٹرنیٹ بدھ مت اتے تبتی سنسکرتی بارے سائیٹاں نال بھریا پیا ہے۔ ایہناں وچوں کجھ تے صحیح جانکاری دیندیاں نیں، پر کجھ ہور، بد قسمتی نال، بھروسے جوگیاں نئیں۔ ایہو جئے حال وچ، مینوں ایس گل توں بڑی خوشی ہے کہ ایلیکس برزن نے ذخیرہ برزن دی ویب سائیٹ بنائی اے، اتے ایس اوپر اوہ کئی زباناں وچ صحیح مواد مفت پئے ونڈدے نیں۔ مینوں ایس گل دی وی بڑی خوشی اے کہ اوہ ایس مواد نوں معذور لوکاں دی پوہنچ ہیٹھ وی لیا رہے نیں – ایہ اوہ ودھدے ہوۓ لوک نیں جنہاں نوں، افسوس نال کہنا پیندا اے، کہ اکثر کوئی نئیں پُچھدا۔

الیکس میرے پُرکھے یونگدزین لنگ رنپوچے دے شاگرد اتے کدی کدار التھاؤ وی رہئے۔ ایس جنم وچ وی ساڈا ایہ جوڑ قائم ہے۔ میں دعا کرناں کہ جانکاری اتے روحانی تربیت نوں ودھان والے روائتی اتے اجوکے ولاں دی سرت اتے دردمندی دے ایس میل توں جگ وچ شانتی اتے خوشی دا وادھا ہووے۔

(دستخط) ۱۹/مئی/۲۰۰۹

لنگ رنپوچے دے پیغام دے اصلی پتر دا عکس
لنگ رنپوچے دے پیغام دے اصلی پتر دا عکس

Top