بدھ مت اتے اسلام دے وچکار ایکتا دا پچھواڑا

بدھ مت اتے اسلام دے وچکار سمبھاشن دا پچھواڑا کیہ اے؟

 میرے خیال وچ ایس دی ڈاڈھی یوگتا پائی جاندی اے۔ میں پشلے بارہ وریاں توں ایس سمبھاشن وچ حصہ لے رہیا واں، ۱۹۹۷ توں لے کے ہن تک۔ بعض اسلامی دیساں دے سفر دے دوران میں محسوس کیتا کہ لوکی جانکاری پراپت کرنا چاہندے نیں۔ اکثر مینوں اوہ کہندے نیں کہ "دنیا نوں دسو کہ اسی سب ات وادی نئیں آں۔"

 تقدس مآب دلائی لاما نے دھرمی ایکتا، خاص طور تے اسلامی دیساں دے نال، پیدا کرن اوپر بوہت زور دتا اے۔ اوہ ایس گل اوپر زور دیندے نیں کہ سانوں اک دوجے دی دھرمی منوتی نوں جانن لئی شکشا دی لوڑ اے، اتے ایس وچ کسے نوں دوجے دا دھرم تبدیل کرن دی ضرورت نئیں۔ بے شک بعض اجیہے عقیدے نیں جنہاں اوپر ساڈے وچار اک دوجے توں وکھ  نیں، پر ایس اوپر توجہ دین توں کجھ حاصل نئیں۔ سانوں اک دوجے دے عقیدیاں نوں آدر دینا چاہیدا اے، اتے ایس گل نوں سمجھن دی کوشش کرنی چاہیدی اے کہ مختلف لوکاں دے دھرمی عقیدے کس طراں اوہناں نوں فیدہ پوہنچاندے نیں، اتے اوہناں شیواں اوپر رل مل کے کم کرنا چاہیدا اے جو ساڈے وچکار سانجھیاں نیں۔ ایس دا تعلق اچیچ ایس گل نال اے کہ مڈھلے سنسکار کیہ نیں، جنہاں نوں تقدس مآب "جگتائی سنسکار " کہند ے نیں۔
 
ایس طراں اساں امن اتے ایکتا پان لئی کم کرنا اے، اوہ شیواں جنہاں نوں ہر کوئی عزیز جاندا اے۔ ایس دا مطلب اپنے ہر کم وچ مسلماناں نوں شامل کرنا اے، اتے کدی وی "اسی" بالمقابل "تسی" والا سبھاو نہیں رکھنا۔ مثال دے طور تے میری ویب سائٹ اوپر بدھ مت اتے اسلام دا سیکشن جس وچ اسلامی زباناں وچ ترجمے موجود نیں، بھاویں ایس نوں ایہناں  زباناں وچ پڑھن والے لوکی تھوڑے ہی ہون گے، پر فیر وی مسلماناں نوں ستکار دین دی ایہ اک علامت اے۔ عزت دینا بوہت ہی ضروری اے، اتے تقدس مآب دلائی لاما ایس دی حوصلہ افزائی کردے نیں اتے ایس دی سہائیتا کردے نیں۔
 
ایہناں دوناں سنسکرتیاں دے وچکار ایکتا دے اتحاس اوپر جو کم میں کیتا اے، تے میں حقیقت پسند تصویر کشی کرن دی کوشش کیتی اے، نہ کہ اوہ پرانا پراپیگنڈہ دوہران دی کہ مسلماناں نے ہندوستان وچ ہر بودھی شے نوں تباہ کر چھڈیا۔ اتحاس دے اجیہے بیان مسلمان حملہ آوراں  نوں دھرمی کٹر انساناں دے روپ وچ پیش کردے نیں، پر سچ تے ایہ ہے کہ کسے وی فاتح حملہ آور دے سمان اوہناں دے وی مخصوص لکشن سان: دولت، طاقت، وغیرہ۔ ایس دی بجاۓ سانوں اوہناں مثبت پرتندھاں دی پچھان کرنی چاہیدی اے اتے اوہناں اوپر زور دینا چاہیدا اے جو اوہناں نے اک دوجے نوں دتے: مسلماناں کولوں اساں اپنی بیشتر اجوکی سائنس پراپت کیتی۔ مسلماناں دی ایس مثبت سہائیتا اوپر اسی جنا زیادہ زور دئیے اتے ایس نوں باعزت طریقہ نال اپنے کم وچ شامل کرئیے، تے فیر میرے خیال وچ آپس دے سنجوگ دے امکان روشن ہون گے۔ جنہاں مسلمان لیڈراں نال مینوں ملن اتے ایہناں مسلیاں اوپر گل بات کرن دا اتفاق ہویا اوہناں نے میرے ایس طریق کار نوں بے حد پسند کیتا۔