གོ་ལ་སྤྱིའི་རིན་ཐང་།

ཆོས་དང་མ་འབྲེལ་བའི་བཟང་སྤྱོད་ནི། ཚོར་བ་འདྲེན་ནུས་ཀྱི་སེམས་པ་བཟང་པོ་ལྟ་བུ་གོ་ལ་སྤྱིའི་རིན་ཐང་ཁག་ལ་གཞི་རྩ་བཞག་ཡོད།

གལ་སྲིད་བྱུང་ན་གཞན་ལ་ཕན་ཐོགས་བྱེད་དགོས་ཤིང་། དེ་ལྟར་མ་བྱུང་ན་གཞན་ལ་གནོད་མི་སྐྱེལ་བ་ནི་བཟང་སྤྱོད་ལྡན་པའི་མི་ཚེ་སྐྱེལ་སྟངས་རེད།

ནང་སེམས་ཀྱི་ཞི་བདེ་ནི་དངོས་ཡོད་དང་མཐུན་པའི་བསམ་ཕྱོགས་དང། དྲང་བདེན། སྙིང་རྗེ། གཞན་ཕན་གྱི་ལྟ་བ་ལས་ཡོང་བ་ཡིན།

འཛམ་གླིང་ཞི་བདེ་ནི་གཞན་དང་ཚོར་བ་འདྲེན་ནུས་ཀྱི་སེམས་བཟང་འབྲེལ་ལམ་བརྒྱུད་ནང་སེམས་ཀྱི་ཞི་བདེ་འཚོལ་བ་དང་མཉམ་དུ་འགོ་བཙུག་གི་ཡོད།

བཅོས་མིན་གྱི་བདེ་སྐྱིད་དང་བློ་ཡིད་ཚིམ་པ་ནི་ནང་སེམས་དང་། སྙིང་རྗེ། འགྲོ་བ་མིའི་བྱམས་བརྩེ་ལ་བརྟེན་ནས་ཡོང་གི་ཡོད།

རྣམ་དཔྱོད་བེད་སྤྱོད་ཀྱི་རོགས་ལ་བརྟེན་ནས་འགྲོ་བ་མིའི་གཞི་རྩའི་རིན་ཐང་རྣམས་གོང་འཕེལ་གཏོང་བ་ནི་མི་ཚེ་དོན་དང་ལྡན་པ་ཞིག་སྐྱེལ་ཚུལ་དེ་རེད།

གྲོགས་འདྲིས་ནི་གཞན་གྱི་བདེ་སྐྱིད་དོན་དུ་ལྷག་བསམ་རྣམ་དག་གི་སེམས་འཁུར་ཡོད་པ་ལ་བརྟེན་ནས་ཡོང་གི་ཡོད།

གོ་ལ་སྤྱིའིི་རིན་ཐང་ལྡན་པའི་ཕན་སེམས་དང་དྲང་བདེན་ནི་ཆོས་ལུགས་མི་འདྲ་བའི་ཁྱད་པར་ཀུན་ལས་འདས་པ་ཡིན།

ཕྱི་ལོ་ ༢༠༡༧ ཟླ་ ༠༤ པའི་ནང་། རྒྱ་གར་རྒྱལ་ས་ལྡི་ལི་གསར་པར་ “ཆེས་མཐོའི་ཤེས་ཡོན་གྱི་ནང་གོ་ལ་སྤྱིའི་བཟང་སྤྱོད་ཀྱི་འགན་འཁྲི་” ཞེས་པའི་བཞུགས་མོལ་བགྲོ་གླེང་ཞིག་གི་ཟུར་འདོན་ཞུ་སྒྲིག་བྱས་པ། དགེ་བཤེས་རྡོ་རྗེ་དགྲ་འདུལ་ལགས་ནི། རྒྱག་གར་ལྡི་ལི་གསར་པར་ཡོད་པའི་༧སྤྱི་ནོར་༧གོང་ས་༧སྐྱབས་མགོན་ཆེན་པོའི་རིག་གཞུང་གི་བསྡི་གནས་ཁང་། བོད་ཀྱི་ཁང་པའི་དབུ་འཛིན་ཡིན། ཨིན་སྐད་ནས་ཨཱཙཱརྱ་གྲགས་པ་རྒྱ་མཚོས་བསྒྱུར།

མི་བཟང་པོ་ཞིག་བྱེད་པར། ང་ཚོས་བཟང་སྤྱོད་ཀྱི་རིན་ཐང་དང་དུ་ལེན་དགོས། འདིའི་རྨང་གཞི་ལྟ་བུ་ནི་སོ་སོ་རང་ཉིད་དང་གཞན་ལ་དྲང་བདེན་བྱ་རྒྱུ་དེ་རེད།

བྱམས་པ་དང་སྙིང་རྗེའི་བཟང་སྤྱོད་ཀྱི་རྣམ་གཞག་ལ་གཞི་བྱས་པའི་སེམས་བཟང་པོ་ནི། མི་ཚེ་བདེ་སྐྱིད་དང་ལྡན་པ་ཞིག་ཡོང་བར་མེད་དུ་མི་རུང་བ་ཡིན་པ་རེད།

གོ་ལ་སྤྱིའི་བཟང་སྤྱོད་ནི་གོ་ལ་སྤྱི་དང་སྒེར་གཉིས་ཀའི་ཆ་ནས་འཛམ་གླིང་གི་དཀའ་ངལ་ཚང་མ་སེལ་བའི་ནུས་པ་དང་ལྡན་པ་རེད།

བཟང་སྤྱོད་རྣམ་གཞག་གི་སྙིང་པོ་ནི་ཞི་བདེ་དང་འཚེ་བ་མེད་པ་དེ་རེད། དེ་ཡང་དག་པར་ལག་བསྟར་བྱས་ན། དེས་ང་ཚོ་སོ་སོ་རང་ཉིད་ལ་ཕན་པ་ཙམ་དུ་མ་ཟད། སྤྱི་ཚོགས་ཁྱོན་ཡོངས་ལ་ཕན་གྱི་རེད།།

སེམས་དང་སེམས་ཚོར་དེ་བཞིན་ཤེས་པ་དང་རྒྱུ་མཚན་རིགས་པ་བཅས་རྒྱ་གར་གྱི་གནའ་རབས་རིག་གཞུང་དེ་དེང་དུས་འཛམ་གླིང་ལ་ཕན་རླབས་ཆེན་པོ་ཞིག་ཆགས་སྲིད་པ་རེད།

ཨེ་མོ་རི་གཙུག་ལག་སློབ་ཁང་ Emory University གི་གོ་ལ་སྤྱིའི་རིན་ཐང་ལ་སྦྱོང་བརྡར་གྱི་ལས་གཞིའི་སྐོར་བསྐྱར་ཞིབ་ཉུང་ངུ་།

ཨེ་མོ་རི་གཙུག་ལག་སློབ་ཁང་ཆེན་མོའི་སྤྱི་ཚོགས་དང་། སེམས་ཚོར། བཟང་སྤྱོད་དེ། སྤྱི་སེམས་བཟང་གསུམ་གྱི་སློབ་གཉེར་ལས་གཞིའི་སྒྲོམ་གཞི་དང་གོ་དོན་གཙོ་བོ་ཁག་གསལ་པོར་མདོར་བསྡུས་སུ་བཀོད་ཡོད།

ང་ཚོའི་སེམས་དང་། སེམས་ཚོར། ཚོར་བ་དང་བཅས་པར་ཡང་དག་པའི་གོ་རྟོགས་ཤིག་ཇི་ལྟར་སྐྱེད་པའི་ཚུལ།

མི་ཚེ་ཞི་མཐུན་ལྡན་པ་ཞིག་སྐྲུན་པར། ང་ཚོའི་གྲོགས་པོ་དང་། ནང་མི་ཁྱིམ་ཚང་། དེ་བཞིན་ལས་རོགས་བཅས་ལ་འབྲེལ་བ་ཇི་ལྟར་བྱེད་པའི་ཚུལ།

གོ་ལ་ཡོངས་ཀྱི་འགྱུར་ལྡོག་ཕན་ཐོགས་ཅན་ལ་མཐུན་རྐྱེན་སྦྱོར་བའི་ཆེད་འཛམ་གླིང་ལ་ཇི་ལྟར་འཇུག་པའི་ཚུལ།

གནམ་གཤིས་འགྱུར་ལྡོག་དང་འབྲེལ་བའི་ཚོགས་འདུ་ཀོབ་༢༦ (COP26) དང་བསྟུན་ནས་༸གོང་ས་མཆོག་གི་གསུང་འཕྲིན།

འཛམ་གླིང་ནང་རྒྱ་ཁྱབ་ཏུ་འགྲོ་བཞིན་པའི་ཏོག་དབྱིབས་ནད་ཡམས་འདིས་ང་ཚོར་ཕན་ཚུན་མཉམ་ལས་ཀྱིས་སྙིང་རྗེ་དང་། རྣམ་དཔྱོད། སྙིང་སྟོབས་བཅས་ལག་བསྟར་བྱས་ཏེ། དཀའ་ཉེན་ཅན་གྱི་འཐབ་རྩོད་འདི་ལས་ཐར་བ་དང་གོ་ལ་ཡོངས་ཀྱི་སྤྱི་ཚོགས་སླར་གསོ་ཡོང་བར་ཐུན་མོང་མ་ཡིན་པའི་གོ་སྐབས་ཤིག་མཁོ་སྤྲོད་བྱེད་ཀྱི་ཡོད།

ང་ཚོས་སོ་སོའི་ཁྱིམ་ཞེས་བརྗོད་པའི་གོ་ལ་འདི་ནི་གཉན་འཕྲང་ཅན་གྱི་ནང་ཡོད་དེ། མཁའ་རླུང་འབགས་བཙོག་དང་རྒྱ་མཚོའི་ཆུའི་འཕར་ཆ་མཐོ་རུ་འགྲོ་བཞིན་པ་བཅས་ཀྱིས་ང་ཚོ་ཚང་མར་ཤུགས་རྐྱེན་སྤྲོད་ཀྱི་ཡོད། དཀའ་ཉེན་འདི་དག་ལ་མཐུན་འགྱུར་མཉམ་ལས་ཁོ་ནས་གདོང་ལེན་བྱེད་ཐུབ་པ་ཞིག་རེད།

The Call to Unite ཞེས་པའི་ཆིག་སྒྲིལ་ལ་འབོད་སྐུལ་གྱི་ཚོགས་པ་ཞིག་གིས་གསོལ་འདེབས་ཞུས་དོན་ལྟར་བཀའ་གནང་བ་ཞིག་ཡིན།