အားလုံးနှင့်ဆိုင်သော တန်ဖိုးများ

စေတနာကဲ့သို့ အားလုံးနှင့်ဆိုင်သော တန်ဖိုးများတွင် အခြေခံသည့် လောကီကျင့်ဝတ်များသည် ပျော်ရွှင်မှုအတွက် အဓိကကျပါသည်။

ဖြစ်နိုင်လျှင် အခြားသူများကို ကူညီပါ။ သို့သော် သူတို့ကို အန္တရာယ် မပေးခြင်းမှာ ကျင့်ဝတ်နှင့်ညီသော နေထိုင်နည်း ဖြစ်ပါသည်။

လက်တွေ့ကျသော သဘောထား၊ ရိုးသားမှု၊ ကရုဏာနှင့် ပရဟိတစိတ်တို့ ရှိလျှင် စိတ်ငြိမ်းချမ်းမှု ရရှိပါသည်။

စေတနာကဲ့သို့ အားလုံးနှင့်ဆိုင်သော တန်ဖိုးများတွင် အခြေခံသည့် လောကီကျင့်ဝတ်များသည် ပျော်ရွှင်မှုအတွက် အဓိကကျပါသည်။

စစ်မှန်သော ပျော်ရွှင်မှုနှင့် ကျေနပ်မှုသည် ကရုဏာနှင့် လူသားချင်း မေတ္တာထားမှု၊ အတွင်းစိတ်မှ ပေါ်ထွက်လာပါသည်။

ဉာဏ်ဖြင့်ယှဉ်သောအသိဖြင့် အခြေခံလူ့တန်ဖိုးများ ပျိုးထောင်ခြင်းသည် အဓိပ္ပာယ်ရှိသောဘဝကို ရရှိစေမည့် နည်းလမ်းဖြစ်ပါသည်။

ရင်းနှီးခင်မင်မှုသည် အခြားသူများ ပျော်ရွှင်မှုကို ရိုးသားစွာ အလေးထားခြင်းမှ ပေါ်ထွက်လာပါသည်။

ကြင်နာမှုနှင့် ရိုးသားမှုတို့၏ အများနှင့်ဆိုင်သော တန်ဖိုးများက ဘာသာရေးဆိုင်ရာ ကွဲပြားခြားနားမှုတိုင်းကို ကျော်လွှားသွားပါသည်။

အားလုံးနှင့်ဆိုင်သော ကျင့်ဝတ်ဆိုသည်မှာ ကမ္ဘာပေါ်ရှိလူသားတိုင်း လက်ခံနိုင်သော တန်ဖိုးများ ဖြစ်ပြီး ငြိမ်းချမ်းမှု၊ ညီညွတ်မှုနှင့် ပျော်ရွှင်မှုတို့ကို ရရှိစေပါသည်။

လူကောင်းတစ်ယောက် ဖြစ်ရန်အတွက် ကျင့်ဝတ်တန်ဖိုးများကို လက်ခံကျင့်သုံးဖို့ လိုပါသည်။ ဤအတွက် အခြေခံမှာ မိမိနှင့် အခြားသူများအပေါ်တွင် ရိုးသားခြင်း ဖြစ်ပါသည်။

မေတ္တာနှင့် ကရုဏာ ကျင့်ဝတ်ပေါ်တွင် အခြေခံသော ကောင်းမွန်သည့် နှလုံးသားသည် ပျော်ရွှင်သောဘဝ ရရှိစေရေးအတွက် အဓိကအချက် ဖြစ်ပါသည်။

အားလုံးနှင့်ဆိုင်သော ကျင့်ဝတ်သည် ကမ္ဘာ့ပြဿနာအားလုံးကို ကမ္ဘာ့အဆင့်တွင်ရော၊ တစ်ဦးချင်း အဆင့်မှာပါ ဖြေရှင်းပေးနိုင်စွမ်းရှိပါသည်။

ကျင့်ဝတ်သီလ၏ အနှစ်သာရသည် ငြိမ်းချမ်းရေးနှင့် အကြမ်းမဖက်ရေး ဖြစ်ပါသည်။ လက်တွေ့ကျင့်သုံးပါက မိမိအတွက် သာမက လူမှုအဖွဲ့အစည်း တစ်ခုလုံးအတွက်ပါ အကျိုးရှိစေပါသည်။

အားလုံးနှင့်ဆိုင်သော တန်ဖိုးများ လေ့ကျင့်သင်ကြားရန်အတွက် အမ်မရီတက္ကသိုလ်၏ အစီအစဉ် အနှစ်ချုပ်

အမ်မရီ တက္ကသိုလ်ရှိ လူမှုရေး၊ စိတ်ခံစားချက်နှင့် ကျင့်ဝတ်ဆိုင်ရာ သင်ကြားရေး အစီအစဉ်၏ ရှင်းလင်းသော ဖွဲ့စည်းပုံနှင့် အဓိကယူဆချက်များ။

စိတ်၊ စိတ်ခံစားချက်နှင့် ခံစားချက်များကို သေချာ နားလည်အောင် အားထုတ်ပုံ။

သဟဇာတဖြစ်သော ဘဝတစ်ခု ဖန်တီးရန် မိသားစု၊ မိတ်ဆွေများ၊ လုပ်ဖော်ကိုင်ဖက်များနှင့် ဆက်စပ်ပုံ

ကမ္ဘာလုံးဆိုင်ရာ အကျိုးရှိသော အပြောင်းအလဲ ဖြစ်စေရန် ကမ္ဘာကြီးနှင့် ထိတွေ့ဆက်သွယ်ပုံ။

ရာသီဥတုပြောင်းလဲမှုဆိုင်ရာ ကုလသမဂ္ဂညီလာခံ (COP26) ကျင်းပသည့်အခါသမယတွင် ဒလိုင်းလားမား ဆရာတော်ကြီးထံမှပေးပို့သော သတင်းစကား

ကိုရိုနာဗိုင်းရပ်စ် ကပ်ရောဂါကြောင့် ကျွန်ုပ်တို့သည် အတူတကွ အလုပ်လုပ်ခွင့် ထူးထူးခြားခြား ရရှိလာပါသည်။ ကျွန်ုပ်တို့၏ ကရုဏာ၊ ဉာဏ်ပညာနှင့် ရဲစွမ်းသတ္တိတို့ကို အသုံးပြုကာ ဤတိုက်ပွဲတွင် အောင်နိုင်ပြီး ကျွန်ုပ်တို့၏ ကမ္ဘာ့အသိုင်းအဝိုင်းကို ပြန်လည်တည်ဆောက်နိုင်ပါသည်။

ကျွန်ုပ်တို့၏အိမ်ဖြစ်သည့် ဤကမ္ဘာတွင် ဖြစ်ပေါ်နေသော လေထုညစ်ညမ်းမှုနှင့် ရေမျက်နှာပြင် မြင့်တက်မှုတို့သည် ကျွန်ုပ်တို့အားလုံးကို ထိခိုက်ပါသည်။ ပူးပေါင်းဆောင်ရွက်မှု ရှိမှသာ ဤစိန်ခေါ်မှုကို ရင်ဆိုင်နိုင်ပါသည်။

“The Call to Unite” မှတောင်းဆိုသည့် ဘုန်းတော်ကြီး ဒလိုင်းလားမား၏ သတင်းစကား

ဗုဒ္ဓဘုရားရှင်၏ ဖွားမြင်တော်မူသောနေ့၊ ဘုရားအဖြစ်သို့ ရောက်တော်မူနေသာနေ့၊ ပရိနိဗ္ဗာန် စံဝင်သောနေ့တို့၏ အထိမ်းအမှတ်ဖြစ်သည့် ယခုလို ကဆုန်လပြည့်နေ့တွင် ကျွန်ုပ်တို့သည် ကရုဏာ၊ အကြမ်းမဖက်မှုနှင့် အပြန်အလှန်မှီခိုမှုတို့အတွက် အားလုံးနှင့်ဆိုင်သော ဘုရားရှင်၏ဆုံးမသွန်သင်မှုကို အမှတ်ရနေပါသည်။ ယခုလို အခက်အခဲကြုံနေရသောခေတ်ကာလတွင် ထိုအချက်သည် ယခင်ထက်ပို၍ပင် ဆီလျော်မှု ရှိပါသည်။