ಜೀವನದಲ್ಲಿ ಏನೇ ನಡೆಯುತ್ತಿದ್ದರೂ ನಾವೆಲ್ಲರೂ ಸಂತೋಷವಾಗಿರಲು ಬಯಸುತ್ತೇವೆ. ಆದರೆ ಜೀವನದಲ್ಲಿ ಏನೇ ನಡೆಯಲಿ, ಅದನ್ನು ನಿಭಾಯಿಸುವಂತಹ ಒಬ್ಬ ಸಂತೋಷದ ವ್ಯಕ್ತಿಯಾಗಿರುವುದು ಹೇಗೆ? ಇಲ್ಲಿ ಕೆಲವು ಬೌದ್ಧ ಸಲಹೆಗಳಿವೆ:
- ಪ್ರತಿದಿನವು ಶಾಂತತೆಗಾಗಿ ಸ್ವಲ್ಪ ಸಮಯವನ್ನು ಮೀಸಲಿಡಿ - ನಿಮ್ಮ ಉಸಿರಾಟದ ಮೇಲೆ ಕೇಂದ್ರೀಕರಿಸುವ ಮೂಲಕ ಶಾಂತವಾಗಿರಿ.
- ಇತರರೊಂದಿಗೆ ಇರುವಾಗ, ನೀವು ಹೇಗೆ ವರ್ತಿಸುತ್ತೀರಿ ಮತ್ತು ಮಾತನಾಡುತ್ತೀರಿ ಎಂಬುದರ ಬಗ್ಗೆ ಗಮನವಿರಲಿ; ನೀವು ಒಬ್ಬಂಟಿಯಾಗಿರುವಾಗ, ನಿಮ್ಮ ಮನಸ್ಸಿನಲ್ಲಿ ಏನಾಗುತ್ತಿದೆ ಎಂಬುದರ ಬಗ್ಗೆ ಗಮನವಿರಲಿ - ರಚನಾತ್ಮಕ ರೀತಿಯಲ್ಲಿ ವರ್ತಿಸಲು, ಮಾತನಾಡಲು ಮತ್ತು ಯೋಚಿಸಲು ಪ್ರಯತ್ನಿಸಿ.
- ಪ್ರತಿದಿನವು ಯಾರೊಬ್ಬರಿಗಾದರೂ ಒಳ್ಳೆಯದನ್ನು ಮಾಡಿ - ಅವರ ಸಂತೋಷದ ಬಗ್ಗೆ ಪ್ರಾಮಾಣಿಕವಾಗಿ ಕಾಳಜಿ ವಹಿಸಿ.
- ಇತರರೊಂದಿಗೆ ಉದಾರತೆಯಿಂದಿರಿ - ಇದು ನಿಮ್ಮ ಸ್ವಾಭಿಮಾನದ ಭಾವನೆಯನ್ನು ಹೆಚ್ಚಿಸುತ್ತದೆ.
- ನಿಮ್ಮಲ್ಲಿರುವ ಮತ್ತು ಇತರರಲ್ಲಿರುವ ಉತ್ತಮವಾದ ಗುಣಗಳ ಮೇಲೆ ಕೇಂದ್ರೀಕರಿಸಿ - ಸಮಸ್ಯೆಗಳು ಉದ್ಭವಿಸಿದಾಗ ಸಹಾಯಕವಾಗುವ ಸಲಹೆಗಳನ್ನು ನೀಡಿ.
- ಇತರರು ಮಾಡಿದ ತಪ್ಪುಗಳನ್ನು ಹೋಗಲು ಬಿಡಿ – ಕ್ಷಮಾಶೀಲಿತೆಯನ್ನು ಬೆಳೆಸಿಕೊಳ್ಳಿ.
- ನಿಮ್ಮ ಸ್ವಂತ ತಪ್ಪುಗಳನ್ನು ಹೋಗಲು ಬಿಡಿ – ನಿಮ್ಮನ್ನು ನೀವೇ ಕ್ಷಮಿಸಿಕೊಳ್ಳಿ.
- ವಾಸ್ತವವನ್ನು ಒಪ್ಪಿಕೊಳ್ಳಿ - ಜೀವನವು ಏರಿಳಿತಗಳಿಂದ ತುಂಬಿದೆ, ಆದರೆ ವಿಷಯಗಳು ಎಷ್ಟೇ ಹದಗೆಟ್ಟಿದರೂ, ಅವೆಲ್ಲವೂ ಹಾದುಹೋಗುತ್ತವೆ.
ಸಂತೋಷವಾಗಿರುವುದು ಎಲ್ಲಿಂದಲೋ ಬರುವುದಿಲ್ಲ; ಅದರ ಮೇಲೆ ನೀವು ಕೆಲಸ ಮಾಡಬೇಕು. ಅಭ್ಯಾಸದೊಂದಿಗೆ ಎಲ್ಲರೂ ಸಂತೋಷವಾಗಿರುವ ಜೀವನವನ್ನು ನಡೆಸಬಹುದು.