हामी सबै खुशीको अनुभूति गर्न चाहन्छौं, चाहे जे सुकै होस्। तर कसरी सधैं खुशी भैरहने ? खुशी हुनका लागि केही बौद्ध सल्लाहहरू यहाँ प्रस्तुत छन्।
- हरेक दिन केही समय शान्तिका लागि छुट्याउनुहोस्। श्वासमा ध्यान केन्द्रित गर्दै केही समय शान्त रहनुहोस्।
- अरूसँग भएको बेला आफूले कस्तो व्यवहार गर्छु र कसरी बोल्छु भन्ने कुरालाई ध्यान दिनुहोस्। आफू एक्लै भएको बेला मनमा के भइरहेको छ, त्यसप्रति सजग हुनुस्। रचनात्मक तरिकाले कार्य गर्ने, बोल्ने र सोच्ने प्रयास गर्नुहोस्।
- दिनहुँ कसैका लागि केही राम्रो काम गर्नुहोस्। भित्रदेखि नै उनीहरूको खुशीको ख्याल राख्नुहोस्।
- अरुप्रति उदार हुनुहोस्। यसले तपाईंको आत्म–सम्मानको भावनामा बृद्धि हुनेछ।
- आफ्नै र अरुको राम्रा पक्षहरूमा ध्यान दिनुहोस्। समस्याहरू आएमा उपयोगी सल्लाह दिनुहोस्।
- अरूले गरेका गल्तीलाई छाडिदिनुस्। क्षमाको अभ्यास गर्नुहोस्।
- आफ्नै गल्तीहरूलाई पनि जान दिनुहोस्। आफैँलाई माफ गर्नुहोस्।
- वास्तविकता स्वीकार्नुहोस्। जीवनमा उतार–चढावहरू आउँछन्, तर जे भए पनि नराम्रा चीजहरू एक न एक दिन सकिन्छन्।
खुशी कतै बाहिरबाट आउने होइन, यसमा तपाईंले आफैँ काम गर्नुपर्नेछ। अभ्यास गर्यो भने सबैजना खुशीपूर्वक जीवन बिताउन सक्छन्।