ప్రజలు బౌద్ధమతం వైపు ఎందుకు ఆకర్షించబడుతున్నారు

ఇప్పుడు, పరిష్కారాలను అందించడానికి బౌద్ధమతాన్ని చూసే ఈ ఫ్రేమ్ వర్క్ లో, బౌద్ధమతం యొక్క వివిధ అంశాలు వేర్వేరు ప్రజలను ఆకర్షిస్తాయి. దలైలామా గారు ఏం చెబుతున్నారో, చాలా మందికి ఆకర్షణీయంగా అనిపిస్తుందో లేదో అని పరిశీలిస్తే, బౌద్ధమతంలోని హేతుబద్ధమైన, విశ్లేషణాత్మక, ఆచరణాత్మక కోణాలు కనిపిస్తాయి. బౌద్ధమతంలోని విధానం విజ్ఞాన శాస్త్రంలోని విధానం లాగానే ఉంటుందని, అంటే కేవలం గుడ్డి విశ్వాసం మరియు భక్తితో వివిధ సూత్రాలను మనం అంగీకరించబోమని ఆయన అభిప్రాయపడ్డారు. కానీ దానికి బదులుగా మనం లాజిక్ మరియు కారణాన్ని ఉపయోగించే శాస్త్రీయ పద్ధతిని అనుసరిస్తాము. లోతైన విశ్లేషణ మరియు దాన్ని స్వయంగా ప్రయత్నించే ఆచరణాత్మక విధానాన్ని అనుసరిస్తాము. బౌద్ధమతంలో బోధించిన పద్ధతులు నిజంగా ఫలితాలను ఇస్తాయో లేదో పరీక్షించడం, లేదా సమస్యలను మెరుగైన మార్గంలో ఎదుర్కోగలగడం లాంటివి. మరియు మన విధానంలో చాలా ఆచరణాత్మకమైనవి ఉంటాయి, ఆదర్శవాదమైనవి కావు, మన జీవితంలో నిజంగా మనకు సహాయపడేవి.

దీనికి తోడుగా, సాంప్రదాయ బౌద్ధమత బోధనలలో సైన్స్ కనుగొన్న విషయాలతో తప్పు లేదా అసంబద్ధంగా నిరూపించబడిన అంశాలు ఉంటే - ఉదాహరణకు, విశ్వం యొక్క నిర్మాణం గురించి – అప్పుడు బౌద్ధమత బోధనల నుంచి వాటన్నిటినీ తొలగించి, దానికి బదులుగా సైన్స్ నుంచి విషయాలను తీసుకుని వాటిని చెప్పడానికి ఆయన చాలా సంతోషంగా ఉంటారు, ఎందుకంటే ఇందులో విరుద్ధంగా ఏమీ ఉండదు. బౌద్ధమతం వాస్తవికతను చూపిస్తుంది ఊహను కాదు, బుద్ధుడు మనకు భౌగోళిక శాస్త్రాన్ని బోధించడానికి కాదు, జీవితంలో మన సమస్యలను ఎదుర్కోవటానికి మార్గాన్ని బోధించడానికి వచ్చాడు. ఈ గ్రహం యొక్క సైజు గురించి, మన భూమి నుంచి సూర్యుడికి మరియు చంద్రుడికి ఉన్న దూరం గురించి - ఈ రకమైన విషయాలను రెండున్నర వేల సంవత్సరాల క్రితం ప్రజలు అర్థం చేసుకున్న సాంప్రదాయ పద్ధతులలో వివరించారు. కాబట్టి, ఆ విషయాల గురించి సాంప్రదాయ బోధనలు నిజంగా ముఖ్యమైనవి కావు; అది బుద్ధుని బోధనల ప్రధాన ఉద్దేశం కూడా కాదు. ఉదాహరణకు గురువు గారు పునర్జన్మ విషయంలో "నేను అలా అనుకోవడం లేదు" అని చెప్పినంత మాత్రాన దానిని పరిగణనలోకి తీసుకోకుండా తిరస్కరించలేమని శాస్త్రవేత్తలకు సవాలు విసురుతున్నారు. "నేను అలా అనుకోవడం లేదు" అనేది ఏదో ఉనికిలో లేదని చెప్పడానికి సరైన కారణం కాదు అని.

కాబట్టి ఇది మంచి హేతుబద్ధమైన మనస్సు ఉన్నవారిని ఖచ్చితంగా ఆకర్షించే విషయం. దలైలామా గారి నాయకత్వంలోని బౌద్ధ పక్షానికి, శాస్త్రవేత్తల పక్షానికి మధ్య క్రాస్ ఫెర్టిలైజేషన్ అని మనం పిలిచేవి చాలా ఉన్నాయి, ముఖ్యంగా వైద్యరంగంలో. ఎందుకంటే, ఈ విషయంలో బౌద్ధమత బోధనలు చెబుతున్న ప్రధాన అంశాలలో ఒకటి మన మానసిక స్థితి వల్ల మన ఆరోగ్యం చాలా ప్రభావితమవుతుంది అని. మనం చాలా నిరాశావాదంగా ఉంటే - చాలా నెగెటివ్ గా ఉంటే, ఎప్పుడూ నా గురించి, నేను, నేను అని ఆందోళన చెందుతుంటే – ఇది మన శక్తిని బలహీనపరిచి అనారోగ్యాలకు కారణమవుతుంది. దీని నుంచి మనం త్వరగా కోలుకోలేము. అయితే ఈ రకమైన అనారోగ్యం ఉన్న ప్రతి ఒక్కరి గురించి, మన కుటుంబం గురించి ఆలోచిస్తే మనం ఎందుకు ఫిర్యాదు చెయ్యడం లేదు. మన మనస్సులు మరియు హృదయాలు చాలా ప్రశాంతంగా ఉంటాయి మరియు ఇది మన రోగనిరోధక వ్యవస్థను బలోపేతం చేస్తుంది. శాస్త్రవేత్తలు ఈ విషయాల గురించి వివిధ పరిశోధనలు చేశారు మరియు అవి నిజమని తేలింది, కాబట్టి ఈ పద్ధతులు ఇప్పుడు చాలా ఆసుపత్రులలో ప్రోత్సహించబడుతున్నాయి.

అలాగే, బౌద్ధమతంలో అనేక ఇతర పద్ధతులు ఉన్నాయి, అవి నొప్పి నియంత్రణకు చాలా సహాయపడతాయి. నొప్పి చాలా చెడ్డది, కానీ మీరు భయాన్ని జోడిస్తే మరియు దాని గురించి భావోద్వేగపరంగా నిర్భయంగా ఉంటే, అది ఇంకా పెరిగిపోతుంది. బౌద్ధమతం శ్వాస ధ్యానంతో బోధించే వివిధ పద్ధతులు ఉన్నాయి, ఇవి నొప్పితో మరింత మెరుగైన మార్గంలో వ్యవహరించడానికి మనకు సహాయపడతాయి. ఇవి పరీక్షించబడ్డాయి మరియు వివిధ ఆసుపత్రులలో ప్రోత్సహించబడ్డాయి కూడా. ఈ పద్ధతులను తీసుకువెళ్లడానికి బౌద్ధమత గుర్తింపు ఉండే కవరు ఏమీ అవసరం లేదు. ప్రజలు ఈ పద్ధతులను అనుసరించాలంటే బౌద్ధమత బోధనలను వివరించాల్సిన అవసరం లేదు. ఇవి విశ్వవ్యాప్తంగా అందుబాటులో ఉన్న పద్ధతులు. ఇవి ఏ నమ్మక వ్యవస్థలోనైనా ఎవరైనా పాటించవచ్చు. కానీ అవి బౌద్ధమత బోధనల నుంచి వచ్చాయి కాబట్టి, ఈ బోధనల గురించి ఇంకా వివరంగా తెలుసుకోవాలని ప్రజలు కొంచెం ఆసక్తి చూపుతారు. మార్షల్ ఆర్ట్స్ ప్రాక్టీస్ చేసేవారి విషయంలోనూ ఇదే పద్ధతినే మనం చూస్తాము. బౌద్ధమత సమాజాలలో మార్షల్ ఆర్ట్స్ అభివృద్ధి చెందాయి, మరియు వాటిని అభ్యసించిన చాలా మంది ఈ బోధనల యొక్క బౌద్ధమత నేపథ్యాలు ఏమిటనే వాటిపై ఆసక్తి చూపారు.

కానీ, నిజానికి, చాలా హేతుబద్ధంగా దృష్టి సారించని, వారి జీవన విధానంలో చాలా శాస్త్రీయ దృక్పథం లేని ప్రజలు చాలా మంది ఉన్నారు, కాబట్టి బౌద్ధమతం యొక్క వివిధ అంశాలు వారిని ఆకర్షించాయి. గొప్ప ఆధ్యాత్మిక గురువుల ప్రేరణ గురించి నేను ప్రస్తావించినప్పుడు నేను ఇప్పటికే సూచించిన ఒక అంశం: ఎక్కువ మంది గొప్ప ఆధ్యాత్మిక గురువులు ప్రపంచవ్యాప్తంగా పర్యటించడం, మరియు వారి బోధనలు ఇంటర్నెట్లో పుస్తకాలు మరియు ఆడియో మరియు వీడియో రికార్డింగ్ ల రూపంలో అందుబాటులో ఉండటంతో, మరింత భక్తి ఆలోచన ఉన్న వ్యక్తులు చాలా ప్రేరణను పొందారు. ఆర్థిక రంగంలోనైనా, రాజకీయ రంగంలోనైనా, మరేదైనా సరే తాము విన్న లేదా ఎదుర్కొన్న వివిధ నాయకుల పట్ల చాలా మంది నిరాశ చెందినప్పుడు - వారు ఈ బౌద్ధమత గురువుల వైపు చాలా ఆశతో చూస్తారు, ఇక్కడ వారు స్వచ్ఛమైన వ్యక్తిని కనిపెడతారు.

నిజానికి, మనం రియలిస్టిక్ గా ఉండాలి: బౌద్ధమత నేపథ్యం నుంచి వచ్చిన ప్రతి ఆధ్యాత్మిక గురువు పూర్తిగా స్వచ్ఛమైనవాడు అని కాదు. ఎంతైనా, వారు కూడా మనలాగే మనుషులే. కాబట్టి, వారికి వారి బలమైన మరియు వారి బలహీనమైన పాయింట్లు ఉంటాయి. కానీ వాళ్లలో చాలా మంది అసాధారణమైన వారు ఉన్నారు. అందువల్ల, ప్రజలు చాలా ప్రేరణను పొందారు - కొంతమంది ఈ గురువుల నుంచి చాలా ప్రేరణను పొందారు. నేను చెప్పినట్లుగా, వారిలో ప్రధానమైన వ్యక్తి దలైలామా గారు. కాబట్టి, వారి మనస్సులలో మరియు వారి హృదయాలలో వచ్చేది ఏమిటంటే: "నేను అలా మారాలని కోరుకుంటున్నాను." మనలో ప్రతి ఒక్కరూ వ్యక్తిగతంగా సాధించగలిగినదానికి వాళ్ళు ఆదర్శంగా నిలుస్తారు. ఎందుకంటే దలైలామా లాంటి వారు 'నాలో ప్రత్యేకత ఏమీ లేదు' అని ఎప్పుడూ చెబుతుంటారు. నిజానికి, బుద్ధుడు కూడా ఇలానే అన్నాడు, "నా గురించి ప్రత్యేకమైనది ఏమీ లేదు. మీలాగే నేనూ ప్రారంభించాను. మనస్సు, హృదయం, ఇతరులను జాగ్రత్తగా చూసుకునే ప్రాథమిక మానవ విలువలు మొదలైనవి మీలాగే నాకు కూడా ఉన్నాయి. వాటిని అభివృద్ధి చెయ్యడానికి నేను చాలా కష్టపడ్డాను, మీరు కూడా కష్టపడితే మీరు కూడా వాటిని అభివృద్ధి చెయ్యగలరు అని. కాబట్టి, దలైలామా లాంటి వారు ఆయనను అత్యంత పవిత్రమైన వ్యక్తిగా, ఆయనతో సంబంధం పెట్టుకోవడం లేదా ఆయనలా మారడం అసాధ్యమని ప్రజలను ప్రోత్సహించడానికి ప్రయత్నిస్తారు. ఇది మంచి భక్తి ఆలోచనలు ఉన్నవారికి చాలా ఆకర్షణీయంగా ఉంటుంది మరియు వారి జీవన విధానంలో అంత శాస్త్రీయ ఆలోచన రాదు.

సాంప్రదాయకంగా బౌద్దులు ఉన్న ప్రదేశాలలో, వివిధ పరిస్థితుల కారణంగా, బౌద్ధమత ఆచరణ తగ్గినా ప్రదేశాలలో, ఆధునిక కాలంలో బౌద్ధమతం యొక్క మరొక ఆలోచన సంప్రదాయాన్ని పునరుద్ధరించడానికి ప్రయత్నిస్తుంది. ఇది చాలా ముఖ్యమైన మరియు చెల్లుబాటు అయ్యే విధానం. ఎందుకంటే, ఆధునికీకరణ యొక్క సవాళ్లను ఎదుర్కుంటున్నప్పుడు, ఆత్మవిశ్వాసం మరియు సొంత-విలువ యొక్క భావాన్ని కలిగి ఉండటం చాలా ముఖ్యం. మన పూర్వీకులు నమ్మినవన్నీ పూర్తిగా చెత్తవి అని, మనం నిజంగా ఆధునిక ప్రపంచంలోకి ప్రవేశించాలనుకుంటే వాటన్నిటినీ మరచిపోవాలని చెప్తే, మన గురించి, మన పూర్వీకుల గురించి మనకు చాలా చెడు అభిప్రాయం ఉంటుంది. ఏదో విధంగా మనం మంచివాళ్లం కాదు, మూర్ఖులమనే ఫీలింగ్ కలుగుతుంది. అది ఒక నమ్మకంగా, భావోద్వేగ విశ్వాసంగా, మనలో ఆత్మగౌరవం, ఆత్మవిశ్వాసం పోయేలా చేస్తుంది. మనం ఎదగగలమని గర్వపడటానికి మనకు ఆధారం ఉండదు. కాబట్టి, మన సాంప్రదాయ ఆచారాలు మరియు నమ్మకాల వైపు వెళ్ళడం మరియు వాటిని పునరుద్ధరించడం మంచి ఎదుగుదల మరియు ఆధునికీకరణకు భావోద్వేగ పునాదికి చాలా ముఖ్యమైన భాగం అని నేను నమ్ముతున్నాను.

ఇప్పుడు, ఏ సంప్రదాయంలోనైనా, బలమైన పాయింట్లు ఉంటాయి మరియు దుర్వినియోగం చేయబడిన బలహీనతలు కూడా ఉంటాయి, మరియు ఆ బలమైన అంశాలను నొక్కి చెప్పడం చాలా ముఖ్యం. ఆధునిక మనస్తత్వ శాస్త్రం యొక్క ఒక పాఠశాలలో, విధేయత సూత్రానికి గొప్ప ప్రాధాన్యత ఉంది. ప్రతి ఒక్కరు తమ కుటుంబానికి, తమ వంశానికి, తమ మతానికి విధేయతగా ఉండాలనే తపన ఉంటుంది. మరియు విశ్వసనీయత రెండు దిశలలో ఉంటుంది, ఒకటి సానుకూల లక్షణాలకు విశ్వసనీయంగా ఉండటం ఇంకొకటి ప్రతికూల లక్షణాలకు విశ్వసనీయంగా ఉండటం. ఉదాహరణకు, ఒక సంప్రదాయానికి ఇతర సంప్రదాయాల పట్ల అసహనం యొక్క నెగెటివ్ లక్షణం ఉంటే, ఆ సంప్రదాయం గురించి ఇదే పదే పదే చెప్తూ ఉంటే, ఆ సంప్రదాయాన్ని తిరస్కరించే వ్యక్తులు ఇప్పటికీ ఆ అసహన వైఖరికి విధేయతగా ఉంటారు. కాబట్టి, వారు దానిని తిరస్కరిస్తారు. ఆ విధంగా నమ్మే ఎవరినైనా వారు చాలా అసహనంతో చూస్తారు. ఇది ప్రతికూల విధేయత లేదా తప్పుడు విధేయత. మరోవైపు, ఒక సంప్రదాయంలోని బలహీనతలను, బలహీన అంశాలను తిరస్కరించకుండా, మళ్లీ పాజిటివ్ అంశాలకు ప్రాధాన్యమిస్తే, ప్రజలు వాటిని రిపీట్ చెయ్యడానికి కారణమయ్యే బలహీన అంశాలను చూడకుండా ఆ పాజిటివ్ అంశాలకు విశ్వసనీయంగా ఉండవచ్చు. ఇది బౌద్ధమతం యొక్క మరొక రూపం, ముఖ్యంగా ఇది సాంప్రదాయ వ్యవస్థగా ఉన్న ప్రాంతాలలో జరుగుతుంది. మన సంస్కృతి గురించి, మన పూర్వీకుల గురించి, మన గురించి, మన ఆత్మగౌరవం గురించి పునరుజ్జీవింపజేయడానికి మరియు పెంపొందించడానికి సహాయపడే విషయంగా ఇది మారింది.

వారి స్వంత ఊహల ఆధారంగా బౌద్ధమతాన్ని ఆకర్షణీయంగా భావించే ఇంకొక సమూహం ఉంది. వాళ్ళ జీవితంలో సమస్యలు ఉన్నాయి మరియు వాటికి ఏదైనా మాయా, ఊహల పరిష్కారం కోసం వాళ్ళు చూస్తారు. బౌద్ధమతం - ముఖ్యంగా టిబెటన్ / మంగోలియన్ / కల్మిక్ వెర్షన్లు - అన్ని రకాల ఊహలతో నిండి ఉంది: ఈ వివిధ దేవతలందరూ వారి ముఖాలు, చేతులు మరియు కాళ్లు, ఈ మంత్రాలు మరియు మరెన్నో మ్యాజిక్ పదాల్లా అనిపిస్తాయి – మనం చేయాల్సిందల్లా వాటిని లక్ష సార్లు చదివితే మన సమస్యలన్నీ పోతాయి అని చెప్తూ ఉంటారు. అన్ని చేతులు, కాళ్లతో ఉన్న ఈ బొమ్మలన్నింటిలో ఏదో ఒక మ్యాజిక్ ఉండాలి. అప్పుడు, వారు బౌద్ధమతాన్ని ఆనందాన్ని పొందే ఒక పద్ధతిగా చూస్తారు మరియు నేను చెప్పినట్లుగా, మాయా రకపు పద్ధతులను ఇష్టపడతారు.

ఈ పద్ధతులను ఆచరించడం ద్వారా వాళ్ళు కొంత ప్రయోజనం పొందినప్పటికీ (మనం బౌద్ధమతాన్ని ఈ ఆదర్శవాద, అవాస్తవిక పద్ధతిలో సమీపించినప్పటికీ కొంత ప్రయోజనం ఉంటుందనడంలో సందేహం లేదు), దలైలామా గారు ఎప్పుడూ ఇది రియలిస్టిక్ గా ఉండదని చెప్పారు. ఇది కొంత ప్రయోజనాన్ని కలిగి ఉండవచ్చు, కానీ దీర్ఘకాలికంగా మీరు నిరాశ చెందుతారు అని. ఎందుకంటే, దురదృష్టవశాత్తు, మ్యాజిక్ పరిష్కారాలు లేవు కాబట్టి. మనం నిజంగా మనశ్శాంతిని పొందాలనుకున్నా, మన జీవితంలో సమస్యలను అధిగమించాలనుకున్నా, మనలోని చాలా మంచి లేదా సౌకర్యవంతంగా లేని అంశాలను మనం ఎదుర్కోవాలి. మన కోపాన్ని, మన స్వార్థాన్ని, మన దురాశను, మన అనుబంధాలను మనం ఎదుర్కోవాలి. కేవలం ఏదో మ్యాజిక్ సొల్యూషన్ కోసం వెతకడం, ఈ వ్యక్తిగత సమస్యలను పట్టించుకోకపోవడం వల్ల పెద్దగా ఏ ప్రయోజనం ఉండదు. అయితే, ఈ లక్షణాలలో బౌద్ధమతం యొక్క ఆకర్షణను ఇప్పటికి ఇష్టపడే వారు చాలా మందే ఉన్నారు.

క్లుప్తంగా చెప్పాలంటే, బౌద్ధమతంలోని అనేక విభిన్న అంశాలు ప్రజలకు ఆకర్షణీయంగా కనిపిస్తాయి, కానీ అవన్నీ జీవితంలో సమస్యలను మరియు బాధలను అధిగమించడానికి సహాయపడే బౌద్ధ పద్ధతులలో కనుగొనాలనే ప్రాథమిక కోరిక నుంచి వచ్చినవే. బౌద్ధమతం ద్వారా జీవితంతో వ్యవహరించే మార్గాన్ని కనుగొనడానికి మనల్ని ఏవైనా ఆకర్షించినప్పటికీ, ప్రతి ఒక్కరూ ఇష్టపడే బుద్ధుని బోధనలలో చాలా అద్భుతమైన విషయం ఏమిటంటే, ఇది వాస్తవానికి సమస్యలను అధిగమించడంలో మనకు సహాయపడటానికి ఉద్దేశించిన పద్ధతులను అందిస్తుంది. రెండున్నర వేల సంవత్సరాల అనుభవం ఉన్న సజీవ సంప్రదాయం ఇది. దీన్ని ఆచరించి ఫలితాలను పొందే వారు ఇప్పటికీ ఉన్నారు. కాబట్టి, నిజానికి ఈ పద్ధతులను అనుసరించడం మాత్రమే ఇక మిగిలి ఉంది; అన్నీ సిద్ధంగానే ఉన్నాయి. ఒక్క పద్ధతి మాత్రమే కాదు, ప్రతి ఒక్కరికి వేర్వేరు పద్ధతులను బాగా ఉపయోగకరంగా ఉంటాయని గ్రహించి బుద్ధుడు అనేక రకాల పద్ధతులను బోధించాడు. వీటిని ప్రజలు చాలా అద్భుతమైనవిగా భావిస్తారు. ఎందుకంటే రెస్టారెంట్లో చాలా పెద్ద మెనూను కలిగి ఉండటం లాంటి వివిధ రకాల బౌద్ధమత పద్ధతులలో, మనం సాధారణంగా మనకు సరిపోయేదాన్ని కనిపెట్టవచ్చు; మనం ఒక విషయాన్ని ప్రయత్నిస్తే అది మనకు సరిపోకపోతే, అనేక ఇతర విషయాలు అందుబాటులో ఉంటాయి. మరియు మనం ఈ సమాచార యుగంలో నివసిస్తున్నాము, కాబట్టి మనం ఎక్కడ ఉన్నా ఈ పద్ధతులు మనకు చాలా సులువుగా అందుబాటులో ఉంటాయి.