ایس ڈاڈھی بپتا دے دوران، ساڈی صحت وی خطرے وچ ہے اتے ساک تے یار بیلیاں دے وچھوڑے دا سوگ وی ہے۔ معاشی مندا سرکاراں لئی بوہت وڈا چیلنج اے اتے بے شمار لوکاں دی روٹی کمان دی یوگتا دی راہ وچ سمسیا پیدا کر رہیا اے۔
اجیہے سمے وچ اساں ایس گل اوپر گوہ کرنی ہے کہ اوہ کیہڑی شے وے جو سانوں اک انسانی پریوار سمان آپس وچ جوڑدی اے۔ ایس لئی، اساں اک دوجے دی درد مندی نال مدد کرنی ہے۔ انسان ہون دے ناطے اسی سب اکو جیہے آں۔ اسی اک جیہے خوف، اک جیہی آساں، اتے اک جیہے پلیکھے نال دوچار ہونے آں، فیر وی اسی سب خوشی دی آشا راہیں آپس وچ جڑے ہوئے آں۔۔ ساڈی انسانی سرت اتے حقیقت دی پچھان دی یوگتا سانوں کسے بپتا نوں اک چنگے موقع وچ بدل دین دی شکتی دیندی ہے۔
ایہ بپتا اتے ایس دی اوڑک خطرے دی اوہ گھنٹی ہے جو ایہ دس پاوندی ہے کہ ایس وڈے پیمانے دے چیلنج جس دی کوئی مثال نہیں ملدی نال نبڑن لئی جگتائی پدھر اوپر منظم اتے اکٹھے ہونا ہووے گا۔ میں دعا کرنا واں کہ اسی سب "اتحاد دی دعوت" اوپر توجہ دئیے۔
دلائی لاما، مئی ۳، ۲۰۲۰