روشن ضمیری دی راہ

تبتی بدھ مت دا ذاتی تحویل دا سربندھ کھلے اتے منظم درجیاں اوپر مشتمل ہے جس نوں لم -رم آکھدے ہین۔ لم -رم سانوں ایہ ودیا دیندا ہے کہ اسی کس طراں اپنی موجودہ حالت توں ترقی کر کے بدھیت نوں پا سکنے آں۔

تدریجی راہ، کرم اتے پنر جنم

کرم اوس جبری دَشا دا نام ہے جو ساڈے عمل، قول اتے وچار نوں مِتھدی اے جد اسی جذباتی بکھیڑے، من دی رجھتا دا سبھاو اتے زندگی بارے عمومی پلیکھے وچ پھنسے ہُنے آں۔ ساڈا جبری رویہ، بھاویں ایس وچ غصہ بھریا ہووے یا ڈاڈھی کمال پسندی، اجیہی عادتاں نوں جنم دیندا اے جو ایس عمل نوں بار بار دوہراندیاں نیں اتے دکھ یا اشانتی لیاوندیاں نیں۔۔ ایس توں وکھ وکھ حیاتی روپاں وچ ساڈا پنر جنم وی ہوندا رہندا اے جس وچ اسی ایہناں ہی عادتاں نوں دوہرانے آں۔ ایہ چلار چلدا رہندا اے اودوں تیکر کہ اسی ایس نوں ہمیش لئی توڑ کے مکش پا لئیے۔

ڈوہنگی گوہ

گوہ ساڈے مناں نوں بھلے وچار، کھلے ذہن، پیار اتے رواداری اوپر پکیاں رکھدا اے۔ مثلاّ، جدوں اسی کسے دی مدد کرن لئی اوہناں دی گل سن رہے ہونے آں، گوہ قائم رکھنے دی خاطر سانوں اپنے مناں نوں بھٹکن اتے کند ہون توں بچانا اے۔ ایس لئی ذہنی خبرگیری، چوکسی اتے سنسکار دی لوڑ اے۔ ذہنی خبر گیری راہیں اسی ایس حالت نوں جو اساں پیدا کیتی اے دھیان وچ رکھنے آں بغیر اوس اوپر اختیار کھوۓ۔ ذہنی چوکسی سانوں دسدی اے جے ساڈی من دی پکڑ ڈھلی پے جاۓ، اتے سنسکار راہیں اسی ایہناں نوں توجہ اتے گوہ دی اصلی حالت اوپر قائم کرنے آں۔ اپنے من دی حالت اتے اوس دے ساڈے اتے دوجیاں اوپر اثر دی فکر نال اسی بار بار مراقبہ کر کے اوہناں گناں دے پنگرن دی سرکھشا لینے آں۔

فکراں نوں شانت کرنا

ڈاکٹر الیگزینڈر برزن

سوچ دے کئی روپ ہوندے نیں۔ سمادھ اتے روز دی حیاتی وچ کجھ بھلے ہوندے نیں اتے کجھ مندے۔