ຫົນທາງສູ່ການຕັດສະຮູ້

ເສັ້ນທາງພຣະພຸດທະສາສະໜາທິເບດ ວ່າດ້ວຍການປະຕິຮູບຕົນເອງຈະເປັນໄປຕາມບາດກ້າວທີ່ຈະແຈ້ງ, ມີຮູບແບບທີ່ເອີ້ນວ່າ ລຳ-ຣິມ, ເຊິ່ງຈະໃຫ້ຄວາມຮູ້ກ່ຽວກັບວິທີການກ້າວຈາກສະພາບໃນປະຈຸບັນສູ່ພາວະຄວາມເປັນພຣະພຸດທະເຈົ້າ.

ກັມ ແລະ ການກັບຊາດມາເກີດ

ກັມ ໝາຍເຖິງແຮງກະຕຸ້ນທີ່ຜັກດັນການກະທຳ, ການເວົ້າ, ແລະ ການຄິດຂອງເຮົາເມື່ອຢູ່ພາຍໃຕ້ອາລົມທີ່ບໍ່ທ່ຽງ, ທັດສະນະເອົາຕົນເອງເປັນໃຈກາງ, ແລະ ຄວາມສັບສົນກ່ຽວກັບຊີວິດ. ພຶຕິກຳທີ່ໄປຕາມແຮງກະຕຸ້ນ, ບໍ່ວ່າຈະຍ້ອນຄວາມໂມໂຫ ຫຼື ຄວາມຢາກສົມບູນແບບ, ຈະສ້າງນິໄສໃຫ້ເຮັດແບບເກົ່າຊ້ຳໆ ແລະ ນຳໄປສູ່ຄວາມບໍ່ເປັນສຸກ ຫຼື ຄວາມບໍ່ພໍໃຈ, ແລະ ຍັງຈະນຳມາເຊິ່ງການໄປເກີດເປັນສິ່ງມີຊີວິດທີ່ຊຸກຍູ້ການເຮັດແບບຊ້ຳເກົ່າແນວນີ້, ແລະ ຈະ ສືບຕໍ່ຊ້ຳໆ ຈົນກວ່າເຮົາຈະສາມາດອອກຈາກວົງຈອນຕະຫຼອດໄປ ແລ້ວເປັນອິສະຫຼະ.

ສະມາທິ

ດ້ວຍສະມາທິ, ຈິດຂອງເຮົາຈະສຸມຢູ່ທີ່ພາວະສ້າງສັນ, ເປັນຕົ້ນແມ່ນການເປີດຮັບ, ຄວາມເມດຕາ ແລະ ຄວາມເຂົ້າໃຈ ເຊັ່ນໃນເວລາຮັບຟັງຄົນອື່ນ ແລະ ພະຍາຍາມຊ່ວຍເຂົາ. ການຮັກສາສະມາທິຈຳເປັນຕ້ອງສະຫງົບຈິດຂອງເຮົາຈາກການຮ່ວນແຮ ແລະ ຄວາມໂງ່ເຂົາ, ແລະ ກໍ່ຕ້ອງການສະຕິ, ຄວາມຕື່ນຕົວ ແລະ ວິໄນ. ດ້ວຍສະຕິ, ເຮົາຈະຮັກສາພາວະຂອງຈິດທີ່ເຮົາຕັ້ງໄວ້ໄດ້ໂດຍທີ່ບໍ່ຕ້ອງເສຍແຮງຄິດກັບມັນ. ຄວາມຕື່ນຕົວຈະຈັບຈຸດ ດ້ເມື່ອເຮົາເສຍສູນ, ແລະ ດ້ວຍວິໄນ, ເຮົາຈະສາມາດຄືນສູ່ພາວະຂອງຄວາມເອົາໃຈໃສ່ ແລະ ມີຈຸດສຸມ. ດ້ວຍຄວາມເອົາໃຈໃສ່ຢ່າງຈິງໃຈກ່ຽວກັບພາວະຈິດໃຈຂອງເຮົາ ແລະ ຜົນກະທົບຕໍ່ຕົນເອງ ແລະ ຄົນອື່ນ, ເຮົາຈະສາມາດຝຶກຕົນໃຫ້ພັດທະນາທັກສະເຫຼົ່ານີ້ໄດ້ໂດຍການຝຶກສະມາທິຢູ່ເລື້ອຍໆ.

ການສະຫງົບຄວາມຄິດ

ດຣ ອາເລັກຊານເດີ ເບີຊີນ

ຄວາມຄິດແນວມະໂນພາບມີຫຼາກຫຼາຍ. ບາງອັນເປັນປະໂຫຍດ ແລະ ບາງອັນເປັນໄພໃນການທຳສະມາທິ ແລະ ຊີວິດປະຈຳວັນ.

ຄວາມວ່າງເປົ່າ

ຍ້ອນຄວາມສັບສົນກ່ຽວກັບຄວາມເປັນຈິງ, ເຮົາຈະສ່ອງເຫັນແຕ່ທາງທີ່ເປັນໄປບໍ່ໄດ້ສຳລັບຕົນເອງ ແລະ ທຸກຄົນທຸກສິ່ງທີ່ເຮົາພົບ. ຕົວຢ່າງເຊັ່ນ ເຮົາຈິນຕະນາການວ່າບັນຫາໃນຊີວິດຂອງເຮົານັ້ນເກີດຂຶ້ນໂດຍທີ່ບໍ່ກ່ຽວກັບທັດສະນະ ແລະ ພຶຕິກຳຂອງເຮົາເລີຍ. ເມື່ອເຮົາເຂົ້າໃຈຄວາມວ່າງເປົ່າ, ເຊັ່ນການທີ່ບໍ່ມີຄວາມເປັນຈິງອັນໃດເລີຍທີ່ສອດຄ່ອງກັບຈິນຕະນາການຂອງເຮົາ, ແລະ ເຂົ້າໃຈວ່າບັນຫາຂອງເຮົານັ້ນເກີດຈາກອິທິພົນຂອງຫຼາຍສາເຫດ ແລະ ສາມາດປ່ຽນແປງໄດ້, ເຮົາຈະສາມາດສ້າງຍຸທະສາດທີ່ເປັນປະໂຫຍດເພື່ອໃຫ້ຕົນເອງພົ້ນຈາກບັນຫາເຫຼົ່ານັ້ນໄດ້.

ຄວາມວ່າງເປົ່າແມ່ນຫຍັງ?

ດຣ ອາເລັກຊານເດີ ເບີຊີນ

ສິ່ງທີ່ວ່າງເປົ່າ, ຫຼື ຄວາມວ່າງເປົ່າ, ໝາຍເຖິງການປາສະຈາກການມີຕົວຕົນຢູ່ໃນທາງທີ່ເປັນໄປບໍ່ໄດ້ເລີຍ. ບໍ່ມີສິ່ງໃດມີຕົວຕົນຢູ່ໄດ້ໃນທາງທີ່ເປັນໄປບໍ່ໄດ້.