ज्ञानप्राप्तीचा मार्ग

तिबेटी बौद्ध धर्मामध्ये आत्म-परिवर्तनासाठी सुस्पष्ट संरचनात्मक पायऱ्यांचा वापर केला जातो, ज्याला लाम-रिम म्हणतात. लाम-रिम आपल्याला सद्यस्थितीतून बुद्धत्त्वाच्या टप्प्यापर्यंत पोहोचण्यासाठी मार्गदर्शन करतं.

एकाग्रता

एकाग्रतेमुळे आपले मन इतरांना सहकार्य करताना स्वाभाविक मोकळेपणा, प्रेम आणि सामंजस्यासारख्या विधायक स्थितींवर केंद्रीत होते. एकाग्रतेसाठी मनाला चंचलता आणि निरुत्साहापासून दूर ठेवून मानसिक शांती मिळवणे आवश्यक असते. यासाठी स्वयंशिस्त आणि सावधपणा आवश्यक असतो. सावधपणा असल्यास आपण मन नियंत्रण ठेवण्याची स्थिती साध्य करू शकतो. सावधानतेतून आपण मनावरील पकड ठिली होत असल्याचे तत्काळ समजू शकतो आणि स्वयंशिस्त बाळगल्याने आपण मनास पूर्वस्थितीत आणून एकाग्रतेच्या अवस्थेत आणू शकतो. मनोवस्थांची आणि त्यांच्या आपल्यासोबतच इतरांवर होणाऱ्या परिणामांची अशी सुयोग्य काळजी घेतल्यास, आपण ध्यानधारणेच्या माध्यमातून अशी कौशल्ये विकसित करू शकतो.

अद्ययावत सामग्री वाचा

शून्यता

वास्तवाबाबतच्या भ्रमामुळे आपण स्वतः आणि आपणास भेटणाऱ्या इतरांनाही अस्तिवाच्या चुकीच्या मार्गांवर विश्वास ठेवायला लावण्याचा प्रयत्न करतो. उदाहरणार्थ आपण कल्पना करतो की आपल्या आयुष्यातील समस्यांचं आपला दृष्टिकोन आणि स्वभावाहून स्वतंत्र अस्तित्व असतं. पण आपण जेव्हा शून्यतावाद, अर्थात आपल्या कल्पनेत समाविष्ट असलेल्या कोणत्याही गोष्टीचा पूर्ण अभाव समजून घेतो आणि आपल्याला जाणीव होते की आपल्या समस्या या त्यांच्या कारणांच्या परस्पर क्रियांमधून उत्पन्न झाल्या आहेत आणि ते बदलणं शक्य आहे, तेव्हा आपण त्यांच्यापासून मुक्त होण्यासाठी सार्थ धोरण बनवू शकतो.

अद्ययावत सामग्री वाचा