Гэгээрэлд хүрэх зам мөр

Төвөдийн Бурханы шашны өөрийгөө өөрчлөх зам мөр нь лам-рим хэмээх тодорхой үе шаттай дарааллыг дагадаг. Лам-рим нь одоо бидэнд буй нөхцөлийг Бурханы хутаг хэмээх их зол жаргалд хэрхэн хүргэх мэдлэгийг олгоно.

Төвлөрөл

Төвлөрлийн үр дүнд бидний сэтгэл жишээлбэл бусдыг сонсох, тэдэнд туслах үед аливааг олон талаас харах, бусдыг асарч хайрлах, ойлгох гэх мэт эерэг сэтгэлийн төлөв дээр тогтож чаддаг. Төвлөрлийг хадгалахад сэтгэл сарних, сэтгэл бүүдийх байдлыг багасгах хэрэгтэй болно. Энэ нь эргээд дурдал, сэрэмж, сахилгыг шаардана. Дурдал гэдэг нь сэтгэлдээ бий болгосон сэтгэлийн төлөв байдлыг түүн дээр тогтоосон сэтгэлийн хяналтын тусламжтайгаар алдахгүй хадгалахыг хэлнэ. Сэрэмжээр сэтгэлийн хяналтаа алдаж байгааг олж илрүүлж, сахилгаар анхаарал, төвлөрлийг өмнөх сэтгэлийн төлөв дээр буцаан авчирна. Сэтгэлийн төлөв байдал, түүний өөрт болон бусдад нөлөөлөх нөлөөлөлд чин сэтгэлээсээ анхаарал тавьж байгаа бол дээрх чадваруудыг олон удаагийн бясалгал бүтээлээр төлөвшүүлэх шаардлагатай.

Бодлыг багасгах

Доктор Александер Берзин

Оюун төсөөллүүд нь олон төрөл байх бөгөөд нэг хэсэг нь бясалгал, өдөр тутмын амьдралд хэрэгтэй байхад нөгөө хэсэг нь сөргөөр нөлөөлдөг байна.

Гүнзгий түвшний материал унших

Хоосон чанар

Бодит байдлын талаарх буруу ойлголтын улмаас бид өөрийн болон бусад хүмүүсийн, бидэнтэй учирч буй бүх зүйлийн орших байдлыг байх боломжгүй хэлбэрээр тусган хардаг. Жишээ нь, бид амьдралд тохиолдож буй бэрхшээлүүд бидний хандлага, зан байдлаас хамаарахгүй өрнөдөг гэж эндүүрдэг. Хэрэв бид хоосон чанарыг, тухайлбал байх боломжгүй зүйлийг бий болгон төсөөлсөн бидний төсөөлөлтэй адил ямар ч бодит зүйл байхгүй гэдгийг ойлгож, бидний асуудал олон шалтгааны харилцан нөлөөллөөс гарч байгаа, тийм учраас өөрчлөгдөх боломжтой гэж ухаарвал тэдгээр асуудлуудыг гаргахгүй байх ухаалаг стратегийг боловсруулах болно.

Гүнзгий түвшний материал унших