ایس ای ای ودیا: جگتائی سنسکار دا تربیتی پروگرام

سماجی، جذباتی اتے اخلاقی ودیا کیہ چیز اے؟

سماجی، جذباتی اتے اخلاقی ودیا اک اجیہا پروگرام اے جس دا مقصد جذباتی طور تے صحت مند اتے اخلاقی لحاظ نال ذمہ وار پرش، سماجی گروہ اتے پوری دی پوری برادریاں پنگرنا اے۔ بھاویں ایس نوں بناون دا اصل مقصد سکولاں اتے کالجاں وچ ایس نوں لاگو کرنا اے، پر ایہ پروگرام دوجیاں دَشا وچ استعمال لئی وی سوتر اے۔

ایہ تربیتی پروگرام ایموری یونیورسٹی وچ گیان دھیان دی سائنس اتے درد مندی دی بنیاد اوپر قائم اچار ونت دے مرکز وچ تیار کیتا گیا اے، جس دی توجہ دا سارا مرکز اچار ونت اے.اچار ونت، ایتھے کسے خاص سنسکرتی یا دھرم اوپر قائم نئیں اے، بلکہ ایس دی بنیاد عالمی بنیادی سنسکار جویں درد مندی، رواداری اتے در گزر اوپر ہے- ایس ای ای شکشا  دے طریقے انفرادی پدھر اوپر اپنی اتے دوسریاں دی دیکھ بھال کرن دی یوگتا پیدا کردے نیں، جو جسمانی اتے جذباتی صحت دونواں لئی ضروری اے- ایتھے آپس دے میل جول دا شعور ودھان اتے ناقدانہ سوچ دی کلا پنگرن اوپر وی زور دتا جاندا اے، تا کہ پسردی ہوئی ولیویں دنیا وچ لوکاں دی جگتائی شہری بنن وچ مدد کیتی جا سکے.

 ایہ پروگرام "جگتائی سنسکار" اوپر مبنی اے اتے ایس لئی جگتائی سطح  اوپرمختلف دیساں اتے سنسکرتیاں وچ استعمال کیتا جا سکدا اے. عام سجھ بجھ ، عام تجربہ اتے سائنس دی بنیاد اوپر قائم پروگرام  دے مختلف اصول اتے طریقے اپنی اصل حالت وچ لاگو کیتے جا سکدے نیں یا کجھ تبدیلی دے نال، جس دی اکساوٹ مختلف لوکاں دے دھرم اتے سنسکرتی سنسکاراں  توں لئی گئی ہووے۔ ایس سارے دے سارے اتے مکمل پروگرام دا مقصد ہر عمر دے لوکاں دی سماجی، جذباتی اتے اخلاقی یوگتا نوں نِکھارنا اے۔ ایس معاملہ وچ ایس دی ودیا ریاضی، سائنس، غیر ملکی زباناں اتے ہوراں وشے دی ودیا توں کسے طراں  وی مختلف نئیں اے. ودیا، بےشک سنسکار اتے یوگتا نوں ودھان دا فرض پورا کردی اے جس توں وڈے پیمانے اوپر انساناں اتے سماج لئی زیادہ خوشی اتے آپس دا سمبندھ  پیدا کرن وچ مدد ملدی اے.

تن پرت، تن اثر دے حلقے

ایس ای ای دی ودیا دے تن پرت نیں جو قابلیت دے پرتندھاں نوں ودھا دیندے نیں:

• سرت
• درد مندی
• مصروفیت

 ہور ایہ کہ ایہ تن پرت تن مختلف حلقئہ اثر وچ کھلردے نیں:

• ذاتی
• سماجی
• عالمی

تن پرت

سرت- اپنے وچار، احساس اتے جذبیاں دی سجھ بجھ نوں پنگرن نوں کہندے نیں- شعور ساڈی اپنی اندرلی زندگی، اتے  دوسریاں دی موجودگی اتے ضرورتاں نوں سمجھن وچ ساڈی مدد کردا اے، اتے ساڈی زندگیاں اتے ایہ دنیا جس وچ ساڈا وجود اے دے وچکار آپس دی محتاجی دی صفت دا احساس دلاندا اے- ایس نوں ودھان لئی مشق اتے توجہ دی اصلاح دی ضرورت ہوندی اے.

درد مندی - اپنے آپ نال تعلق، دوسریاں نال اتے  پوری انسانیت نال ہمدردی، تعلق خاطری اتےسب دی خوشی اتے سب دی پریشانی نوں محسوس کرن دی سرکھشا اے. ایس وچ مہارت پراپت کرن لئی ناقدانہ سوچ، اپنی لوڑاں اتے آشا دی سمجھ اتے اجیہی اُتم یوگتا دی لوڑ اے جو ساڈے اپنے لئی ہمیش دی خوشحالی دا سبب بن سکے- ایس صلاحیت نوں دوسریاں دی  ضرورتاں  نوں پورا کرن لئی وی وڈا  کیتا  جا سکدا اے اتے اخیر ساری انسانیت دی عام ضرورتاں  نوں قبول کرن وچ مدد دیندی اے-

مصروفیت – توں مراد سرت اتے درد مندی دی تربیت توں پراپت ہون والے طریقیاں اوپر عمل کرنا اے- ایس وچ رویے اتے مختلف طراں دے عمل دے ارتھ  بارے سکھنا شامل اے جو ذاتی، سماجی اتے لوکاں دی بھلائی لئی کارگر ہون. ایس لئی ذاتی با قاعدگی ، اتے سماجی کلا توں اک جگتائی شہری دے طور تے کم کرن دی ضرورت ہووے گی-

ایہناں تن پرتندھاں نوں بطور مُول سنسکار دے پنگرنا کیول جانکاری پراپت کرن تک ہی محدود نئیں اے سغوں ایہناں دے پربھاؤ دا احساس  ذاتی پدھر اوپر ہونا اتے فیر اوہناں نوں ڈونگی اندرلی پدھر اوپر محسوس کرنا وی شامل اے- انج کئی منزلاں وچ کرنا ہووے گا:

• شروع وچ اسی سنن ، پڑھن اتے تجربہ کرن توں سکھنے آں- ایس طراں مڈھلی جانکاری اوپر قائم ہر سنسکار دی سمجھ آ سکے گی۔
• پرکھ وچار نوں کم وچ لیاوندیاں ہویاں اسی مختلف طریقیاں نوں ورت  کے سنسکار دی پرکھ پرچول کرنے آں اتے اوس نوں اپنے حال اوپر لاگو کرنے آں جو کہ اپنی ذاتی "تنقیدی سرت" دے احساس نوں جنم دیندا اے۔ ایس دا تعلق "آہا" سمے نال اے جدوں اسی وچل واہی سرت توں باخبر ہونے آں اتے گیان دی بنیادی پدھر نوں اپنی زندگی نال جڑیا ہویا پانے آں۔
• وار وار ہون والی کثرت شناسی سنسکاراں  نوں اچار وہار دی مضبوطی اتے شخصیت دے سبھاو وچ بدل دیندی  اے۔ ایس نوں متواتر مشق اتے وچار ونڈ راہیں پراپت کیتا جاندا اے حتیٰ کہ ایہ سنسکار خود کار اتے بے ساختہ ہو جان۔ 

تن حلقہ اثر

ذاتی -  دوجے  لوکاں دی اتے ساری برادری دی ضرورتاں نوں پورا کرن لئی، سانوں سب توں پہلاں اپنی ضرورتاں  اتے اپنی اندرلی زندگی اوپر توجہ دینا سکھنا ضروری اے۔ انج جذبیاں بارے شکشا  لین نال ممکن ہوندا اے، جس وچ جذبیاں دی پچھان اتے اوہناں دے اثر دی سرت شامل اے جو سانوں ایس طراں دے غیر ارادی عمل توں باز رکھدی اے جو ساڈی اتے دوجیاں دی ذات نوں نقصان پوہنچا سکے۔

سماجی - انسان ہون دی حیثیت نال اسی فطری طور تے سماجی آں- اتے ایہ بوہت ضروری اے کہ اسی دوجیاں نال اچھا تعلق رکھنے آں- اسی سکھن، سوچن اتے عملی مصروفیت راہیں سماجی پرم پرا نوں ترقی دے سکنے آں۔

عالمی- تیزی نال ودھدی ہوئی ولیویں دنیا وچ، کیول درد مندی ہی کافی نئیں اے- سانوں ایہناں اک دوجے اوپر نربر جگتائی نظام جنہاں وچ اسی وسنے آں دے بارے وچ وی ڈونگی سجھ بجھ رکھن دی ضرورت اے- صورت حال نوں ون سونی اکھ دھرائی نال ویکھن دی یوگتا مسلیاں نوں حل کرن دا اک ڈاڈھا طریقہ اے جو مسلیاں نوں چھوٹے چھوٹے ان جوڑ، وکھو وکھ انگ وچ ونڈے جان توں بچاوندا اے۔

سکھن دے رستے

سکھن دے سلسلے وچ کھوج، ٹیوا اتے اکھ دھرائیاں نوں اپناونے دی مشق توں اُپرلے تن سنسکاراں نوں پراپت کیتا جا سکدا اے-  اوہ ساڈی جانکاری اتے ایس دی سمجھ نوں وقت دے نال اک مضبوط بنیاد اوپر بناوندے اتے ڈونگا روپ دیندے نیں-  اوہ چار طریقے ایہ نیں:

تنقیدی سوچ - منطقی دلیل بازی، کئی اکھ دھرائیاں، گل بات، وچار ونڈ، اتے ڈونگی سجھ بجھ دے ذریعہ مختلف وشے اتے تجربیاں بارے ڈونگی سرت پنگرنا ۔

ڈونگے وچار - مہارت نوں اپنان لئی اک منظم طریقے نال ذاتی تجربیاں ول توجہ دینا۔

 سائنسی سوچ - اپنے جذبیاں  اتے دنیا نوں سائنس دے نقطہ نظر نال سمجھنا تا کہ اک اجیہا لائحہ عمل اختیار کیتا جاۓ جو سنسکرتی اتے دھرم توں انجان ہووے۔

ودیائی مصروفیت - سکھن دی شراکت دار  حکمت عملی وچ حصہ لینا جویں کوئی تخلیقی کلا (مصوری، سنگیت، یا لکھن دا عمل)  یا واتا ورن نال جُڑے ہوۓ علمی شغل (جویں بغیر وسیلے دے قدرتی دنیا دے نال مصروفیت) جو بعد وچ سوچ وچار وچ ڈھل جائَے-

ایہ چار سکھن دے طریقے درد مندی دے اصول اوپر قائم نیں جو تن پرت دے مرکز اوپر واقع اے- چوکھی وار درد مندی نوں پلیکھے نال کمزوری سمجھیا جاندا اے- جویں دوجے ساڈے توں ناجائز فیدہ چک رہے ہون بلکہ اسی اوہناں نوں اکثر غنڈہ گردی اتے منفی کرماں دی اجازت دے رہے  آں- ایس ای ای ودیا دا ول درد مندی نوں زور اتے درد مندی دے روپ وچ  سمجھدا اے – اوہناں دا منورتھ  دوجیاں لئی احساس اتے لحاظ دے جذبے رکھنا اے جنہاں دا شروع  اتے نتیجہ دونویں زبردست  اندرلی شکتی دا وکھالا ہون-

خلاصہ

ایس ای ای ودیا ول دے وسیلے نال اسی سب توں پہلے اپنے اتے دوجیاں دے اندرلے وچار  اتے احساس تے اوہناں دی  ذہنی زندگی دی ڈونگی پچھان پراپت کرنے آں- اسی ہوراں لئی شجاعت مند درد مندی دے نال جذباتی شریر دی سرکھشا اتے  ذاتی دیکھ بھال دی کلا نوں ترقی دینے آں، اتے عام انسانیت دے وجود نوں سویکار کرنے آں  جو ہر تھاں سب لوکاں  دی قدر کردا اے-  اخیر ہانی کارک رویے توں فیدہ مند رویے دے وچکار  انتر کرن دی یوگتا دے راہیں دوجیاں دے نال تعمیری دیکھ بھال دا ناطہ قائم کر سکئیے، اتے جگتائی پدھر اوپر سارے پرشاں دی بھلائی اوپر کم کر سکئیے- چنانچہ ایس ای ای ودیا ول اک مکمل منصوبہ اے جو ساڈا منہ اجیہے سنسکار اتے ہنر ول موڑدا اے جو سانوں خود اعتمادی دا اک صحت مند احساس پیدا کرن وچ مدد دیندا اے، ساڈے آلے دوالے دوجے انساناں دے نال چنگے رشتے قائم کرن وچ اتے اک ذمہ وار عالمی شہری بنن وچ سہائت ہوندا اے-


جے تسی ہور ڈونگی کھوج لانا چاہندے او، تے ایس ای ای ودیائی ڈھانچہ دا مکمل مسودہ پڑھو اتے گیان دھیان دی سائنس اتے درد مندی دی بنیاد اوپر قائم اچاری ونت دے مرکز دے ہور پروگراماں دے متعلق جانکاری پراپت کرو۔