دس مُڈھلے بودھی عقیدے

Study buddhism 10 buddhist beliefs

(۱) ہر کوئی اک خوش زندگی گزارنا چاہندا اے، پر تھوڑے لوکی ایس دا مطلب سمجھدے نیں اتے ایہ        جاندے نیں کہ ایس نوں کِویں پراپت کیتا جاۓ۔

(۲) ساڈے جذبے اتے ساڈے سبھاو ساڈے احساساں اوپر اثر پاوندے نیں۔ سرکھیا راہیں، اسی منفی جذبیاں توں جان چھڈا سکنے آں اتے اجیہے جذبے پُنگر سکنے آں جو زیادہ مثبت اتے صحت مند ہون۔ انج کرن نال ساڈی زندگی چوکھی خوش اتے شانت ہووے گی۔

(۳) پریشان کرن والے جذبے مثلاً غصہ، ڈر، لوبھ اتے لگاوٹ ساڈے من دی شانتی نوں برباد کردے نیں اتے وسوں باہر دَشا پیدا کردے نیں۔ سرکھیا راہیں، اسی ایہناں دے پنجے توں جان چھڈا سکنے آں۔

(۴) وسوں باہر سبھاو جو غصہ اتے لوبھ دا نتیجہ ہووے ساڈے لئی سمسیاواں پیدا کردا اے اتے دکھ دا سبب بندا اے۔ سرکھیا راہیں اسی شانت ہونا، صاف بینی اتے سرت دا کرم سکھ سکنے آں۔

(۵) مثبت جذبے مثلاً پیار، درد مندی ، صبر اتے معاملہ فہمی سانوں شانت، سرتیلا بناندے نیں اتے ساڈی خوشی وچ وادھا کردے نیں۔ سرکھیا دی مدد نال اسی ایہناں نوں پنگر سکنے آں۔

(۶) نفس پرستی، خود غرض رویہ اتے سوچ سانوں ہوراں کولوں وکھ کر دیندے نیں اتے دکھ دا سبب ہوندے نیں۔ سرکھیا نال اسی ایہناں اوپر قابو پا سکنے آں۔ 

(۷) ایس گل دا احساس کہ اسی سب آپس وچ جڑے ہوۓ آں اتے ایہ کہ ساڈی بقاء دا نربر اک دوجے اوپر ہے نال ساڈے دل اتے من کُھلدے نیں، اتے ہوراں لئی خیر پنگردے نیں اتے سانوں ہور خوشی بخشدے نیں۔

(۸) زیادہ تر جو سانوں اپنے آپ وچ نظر آوندا اے، اتے جو اسی ہوراں وچ ویکھنے آں ایہ پلیکھے اوپر قائم ساڈے وہم ہوندے نیں۔ جد اسی پلیکھے سبب اپنے وچاراں نوں حقیقت سمان خیال کرنے آں، تے اسی اپنے لئی اتے ہوراں لئی مصیبتاں پیدا کرنے آں۔ 

(۹) صحیح سرت راہیں، اسی پلیکھیاں توں جان چھڈا سکنے آں اتے حقیقت نوں سمجھ سکنے آں۔ انج اسی زندگی وچ موہرے آون  والی سمسیاواں نال تسلی نال اتے سرت راہیں نبڑ سکنے آں۔

(۱۰) اپنی سرکھیا اتے اصلاح تاں جے اسی تا حیاتی چیلنج نال نبڑن لئی بھلے مانس بن سکئیے، ایہ ساڈی زندگی دا سب توں ضروری کم ہووے گا۔

ویڈیو: چودھویں دلائی لاما – «اک ارتھک زندگی گزارنا»
نکے وشے نوں سنن/تکن لئی ویڈیو سکرین اوپر سجی نکر وچ تھلے نکے وشے آئیکان اوپر کلک کرو۔ نکے وشے دی بولی بدلن لئی "سیٹنگز" اوپر کلک کرو، فیر "نکے وشے" اوپر کلک کرو تے اپنی من پسند بولی دی چون کرو۔
Top