టిబెట్ నుంచి వచ్చిన వారికి, ఇక్కడున్న చైనీయులకు ఒక విషయం కచ్చితంగా చెప్పాల్సి ఉంది. కపట, తప్పుడు ఆధ్యాత్మిక గురువులు మీకు ఎదురైనప్పుడు, మీరు వారి అబద్ధాలను మరియు మోసాలను బయట పెట్టాలి. ఈ విషయంలో మీరు కచ్చితంగా ఉండాలి.
కొన్ని సంవత్సరాల క్రితం ధర్మశాలల్లో టిబెటన్ బౌద్ధం, జెన్ బౌద్ధం మొదలైన వాటిని బోధించే పాశ్చాత్య దేశాల నుంచి వచ్చిన ఉపాధ్యాయుల సదస్సు జరిగింది. ఈ సమావేశంలో, కొంతమంది పాశ్చాత్య ఉపాధ్యాయులు ఇలా చెప్పారు, "ఈ రోజుల్లో, జెన్ గురువులలో, కొంతమంది చాలా దుర్వినియోగంగా పిలువబడతారు, అదే విధంగా టిబెటన్ లామాలలో, కొంత మందిని చాలా దుర్వినియోగులుగా పిలుస్తారు. ఈ నేపథ్యంలో వారిని ఆపడానికి మంచి పద్ధతులు, మరియు మార్గాలు అవసరమని చెప్పారు."
ఆ సమయంలో నేను వాళ్లతో 'వాళ్లను ఆపడానికి మనము ఏమీ చేయలేం. భగవాన్ బుద్ధుడు దేన్ని విడిచి పెట్టాలో, దేనిని స్వీకరించాలో స్పష్టంగా, నిర్ణయాత్మకంగా చెప్పాడు. ఉదాహరణకు, 'బోధనల లక్ష్యాలకు అనుగుణ౦గా ప్రవర్తి౦చేలా ఇతరులను ప్రేరేపి౦చ౦డి, ఈ లక్ష్యాలకు అనుగుణ౦గా మీరే ప్రవర్తి౦చ౦డి' అని ఆయన స్పష్ట౦గా, నిర్ణయాత్మక౦గా చెప్పారు. కానీ వాళ్ళు ఆ మాట వినరు. వాటికి విలువ ఇవ్వరు. భగవాన్ బుద్ధుడు చెప్పిన దానికి వారు విలువ ఇవ్వకపోతే, మనం చెప్పడం వల్ల ఏం ప్రయోజనం ఉంటుంది? దానివల్ల ఎలాంటి ఉపయోగం ఉండదు.
"మీరు అక్కడి పరిస్థితిని బయట పెట్టాలి. ధర్మాన్ని బోధించినప్పటికీ నిర్లక్ష్యంగా ప్రవర్తించిన వాళ్ళు కూడా ఉన్నారని వాళ్ళ పేర్లను ప్రస్తావిస్తూ వార్తాపత్రికల్లో ప్రచురితమయ్యాయి. వాటిని ప్రచారం చెయ్యండి. ఇది కొంచెం సహాయపడుతుంది మరియు కొంత ప్రయోజనాన్ని కలిగిస్తుంది, కానీ అది తప్ప, మన వివరణలు వాళ్లను ఆపడానికి సహాయపడవు." అని ఆ విషయం వాళ్లకు చెప్పాను.
అది అలాంటిదని తెలుసుకోవాలి. కపట, తప్పుడు ఉపాధ్యాయుడు ఎదురైనప్పుడల్లా, వారి పేరును ప్రచారం చెయ్యండి, చివరికి, అవసరమైతే, వాళ్లను అరెస్టు చేయించండి. అమెరికాలో కొందరిని అరెస్టు చేశారని, బహుశా తైవాన్ లో కూడా కొందరు అరెస్టయ్యారని చెప్పారు. వారిని కచ్చితంగా చట్టప్రకారం పట్టుకోవాలన్నారు.
"లామా" అనే బిరుదును పట్టుకొని అవమానకరమని పిలువబడే కొందరు ధర్మ గురువులు ప్రజల దృష్టిలో ప్రముఖంగా ఉన్నప్పుడు, ఇది బుద్ధ ధర్మానికి హాని కలిగిస్తుందనే ఆలోచనలతో మీరు ఆందోళన చెందాల్సిన అవసరం లేదు. కొన్నేళ్ళ క్రితం నేను ఇంగ్లాండులో ఉన్నప్పుడు ఒక బ్రిటిష్ ధర్మా కేంద్రంలో ఒక లామా ఉండేవాడు. అతను మహిళలతో తన ప్రవర్తనకు సంబంధించి చెడుగా ప్రవర్తించి, అమెరికాలో పట్టుబడ్డాడు. దీంతో విద్యార్థులు తీవ్ర ఆందోళనకు గురయ్యారని నాకు చెప్పారు. అదే జరిగితే బుద్ధుని బోధనలకు నష్టం కలిగే ప్రమాదం ఉందని వాళ్ళు ఆందోళన చెందారు. దాని గురించి ఆందోళన చెందాల్సిన అవసరం లేదని నేను వాళ్లకు చెప్పాను. భగవాన్ బుద్ధుడు వచ్చి 2500 సంవత్సరాలు గడిచాయి. ఈ మధ్య, కొంతమంది ధర్మ ఉపాధ్యాయులు మాత్రమే అవమానకరంగా పిలువబడుతున్నారు. అవి బుద్ధుని బోధనలకు ఎలాంటి నష్టం కలిగించలేవు. ఇలా అవమానించబడిన ఉపాధ్యాయులు బుద్ధుని బోధనలకు ఎలాంటి హాని కలిగించలేరు. ఆ విషయం వాళ్లకు చెప్పాను. ఈ విషయంలో నాకు చాలా నమ్మకం ఉంది.