حیاتی بتان دے بودھی گر

کدی کدار اسی گواچے گواچے محسوس کرنے آں اتے سانوں کجھ اندازہ نئیں ہوندا کہ زندگی دے مسلیاں نال کویں نبڑئیے اتے اپنے مثبت لکشن کویں پراپت کرئیے۔ حتیٰ کہ اسی دوجیاں دے نال معاملہ کرن بارے وی حیران اتے پریشان ہونے آں۔ پر جے اسی بدھ مت دی روائیتی شکشا دا جائزہ لئیے تے ایس وچ سانوں ان گنت صلاح مت ملدی اے جو ہر کسے لئی، کسے وی تھاں اتے کسے وی سنسکرتی وچ کار آمد اے۔

دوجیاں دی مدد لئی پنگرن والے گن

• اپکار – اپنے سمے، صلاح مشورہ، مدد، اتے مال اسباب دے معاملہ وچ
• اچار وہار –نقصان پوہنچان والے سبھاو اتے گل کرن دے ول توں پرہیز اتے دوجیاں دی ہر ممکن طریقے نال مدد
• صبر – دوجیاں دی مدد دے سلسلہ وچ موہرے آون والی اوکڑاں دے معاملہ وچ، تا کہ غصہ وچ نہ آئیے اتے دل برداشتہ نہ ہوئیے
• حوصلہ اتے برداشت –اوکھی توں اوکھی دشا وچ وی اگے ودھدے جانا
• من اتے جذبیاں دی استقامت – اپنے لکشن اوپر مرتکز رہنا اتے رستے توں گواچنا نہیں
• انتر– فیدہ مند اتے نقصان پوہنچان والے دے وچکار فرق نوں پچھاننا، اتے کیہ سوتر اے تے کیہ نئیں اے۔

[ہور جانکاری لئی ویکھو: چھ اتم سمپتاں دا جائزہ: چھ  پرامت]

دوجیاں اوپر مثبت اثر پان دے طریقے

• فراخدلی توں کم لوو – اپنے سمے، مصروفیت اتے شکتی دے معاملہ وچ
• نرمل سبھاو نال گل کرو – ایس گل نوں دھیان وچ رکھو کہ نہ صرف اوہ جو تسی کہندے او بلکہ کویں کہندے او دا دوجیاں اوپر ڈوہنگا اثر ہوندا اے
• اپنے کرم اتے کلام نوں ارتھک بناؤ - مثبت صفتاں پنگرن وچ دوجیاں دا حوصلہ ودھاؤ
• اتم ادھارن قائم کرو – اپنے قول اتے فعل وچ جوڑ پیدا کر کے۔

[ہور جانکاری لئی ویکھو:دوجیاں اوپر مثبت اثر کویں پایا جاۓ]

اپنے مثبت لکشن پان دے طریقے

• اپنے لکشن دی صحیح پچھان – ایس گل دی تسلی کر لو کہ ایہ حقیقت اوپر مبنی اے اتے تہاڈے اندر ایس نوں پان دی یوگتا موجود اے
• اچار وہار قائم رکھو – اپنے لکشن اوپر توجہ قائم رکھو، ایدھر اودھر بھٹکن یا کوئی اجیہا کم کرن توں پرہیز کرو جس توں ایس نوں پراپت کرن وچ خطرہ ہووے
• اپکار توں کم لوو – لکشن نوں پان دے معاملہ وچ اپنے سمے اتے جتن نوں دل کھول کے ورتو
• نرول من کولوں کم لوو – اپنے لکشن نوں پان دے سلسلہ وچ اپنی شکشا وچ وادھا کردے رہو
• من دی آدرتا قائم رکھو – شرمناک طریقہ دے کرم توں پرہیز جو کہ لکشن نوں پان وچ خطرہ بن سکدا اے
• چنتا وان – کہ کویں کوئی غیر ذمہ وار سبھاو تہاڈی ٹیم اوپر منفی اثر پا سکدا اے
• انتر وچ احتیاط – اجیہی پچھان کہ ترقی دی راہ وچ کیہ سہائت ہووے گا اتے کیہڑی شے رکاوٹ دا سبب بنے گی۔

مثبت لکشن پان لئی کیہڑیاں صفتاں پنگریاں جان

• سنتوشت – حقیقت اوپر مبنی لکشن نوں پانا، بغیر کسے غیر حقیقی شے دا لالچ کیتے
• مایوسی اتے دوجیاں دے نال ورودھ توں پرہیز – جد کوئی کم لا محالہ وگڑ جاۓ
• لکشن اوپر توجہ قائم رکھنا – اتے ایس دے پراپت ہون والے فیدے اوپر
• من نوں سِدھانا – ہر حال وچ شانت رہنا اتے جذباتی توازن قائم رکھنا
• ایس گل دا برابر چیتا کہ ہر شے ہر سمے بدل رہی اے – تسی کسے وی موڈ وچ ہووو، تہاڈی من اتے جذبیاں دی دشا ہمیش لئی نہیں اے، بلکہ ایس نوں بہتر بنایا جا سکدا اے
• من دا چین قائم رکھنا – ایس جانکاری نال کہ تسی اپنی پوری کوشش کر رہے او۔

زندگی دے معاملیاں نوں اختیار وچ رکھن دے طریقے

• اپنے فیصلے کرن بارے کمزوری دا وکھالا مت کرو – ایس توں تسی اپنے اصولاں دی قربانی دیندے او اتے اجیہے کم کردے او جنہاں اوپر پچھتاوا ہووے
• بے وفائی توں گریز کرو – جے تہاڈا کسے نال کوئی جنسی ملن اے تے انج کرن نال ہر صورت مسلے اتے پریشانی ہوندی اے
• کسے اعلیٰ رتبہ نوں پراپت کرن توں پرہیز کرو جس وچ بھاری ذمہ واری پیندی ہووے – ایس توں تہاڈا سارا سمے اتے شکتی ایس کم وچ خرچ ہو جاۓ گی
• کسے دے اثر ہیٹھ آ کے اپنے اتم گناں نوں مت گنوا دیو، مثلاً صحت بخش خوراک کھانا، تمباکو پین توں پرہیز،کثرت – ایس توں تہاڈی صحت اتے شانتی برباد ہووے گی
• اجیہے کم نوں ہتھ نہ پاؤ جس نوں کرن دی تسی یوگتا نہیں رکھدے – ایس توں تہاڈے اپنی ذات اوپر بھروسے  نوں ٹھوکر لگے گی
• نقصان پوہنچان والے سبھاو توں پرہیز کرو – ایس توں نرے منفی نتیجے نکلدے نیں۔

اوہناں صفتاں دی پنگرتا جو مصیبت وچ مسلیاں توں بچاندیاں نیں

• جوش وچ نہ آنا – جد تعریف یا تنقید کیتی جاۓ
• ایس گل دی سرت کہ موہ یا ورودھ توں پرہیز لازم اے – جد کسے نوں ملنا جس نوں تسی بوہت چاہندے او یا چنگا نئیں جاندے
• اجیہا سبھاو نہ اپنانا جس توں تہاڈے سنسکاراں دی خلاف ورزی ہووے – جد اپنا روز دا کم کر رہے ہوئیے
• مادی شیواں نال لگاوٹ توں پرہیز – جد مال  دولت دی فراوانی ہووے، تے اپنے اتم لکشن نوں نہ بھُلنا 
• خود ترسی توں گریز – بیماری یا تکلیف دی صورت وچ، اجیہی دشا نوں اپنی اندرلی شکتی ودھان اتے اچار ونت نوں پکا کرن لئی استعمال کرنا
• اپنی کمزوریاں اوپر قابو پانا اتے اپنی یوگتا نوں بھر پور ول نال ورتو وچ لیاونا – کل سمے۔