គន្លឹះណែនាំនៃព្រះពុទ្ធសាសនាសំរាប់ជីវិត

How to tips for life ridwan meah unsplash

មានពេលខ្លះយើងមានអារម្មណ៏ថាវង្វែងស្មារតីហើយគិតមិនឃើញអំពីរបៀបដោះស្រាយបញ្ហាប្រឈមនានានៅក្នុងឆាកជីវិតនិងត្រូវសម្រេចបាននូវគោលបំណងជាវិជ្ជមានរបស់យើងនោះដោយរបៀបណា។យើងក៏មិនយល់អំពីថាតើត្រូវរាប់អានជាមួយអ្នកដ៏ទៃអោយល្អប្រសើរជាងនេះបានដោយរបៀបណា។នៅពេលដែលយើងក្រឡេកមើលទៅលើការបង្រៀនតាមទំនៀមនៃព្រះពុទ្ធសាសនានោះយើងឃើញថាមានគោលការណ៏ណែនាំជាក់ស្តែងជាច្រើនដែលជាជំនួយសំរាប់មនុស្សរាល់គ្នាគ្រប់ពេលនិងគ្រប់វប្បធម៌ទាំងអស់។

គុណតម្លៃត្រូវបណ្តុះសំរាប់ជួយដល់អ្នកដ៏ទៃ

  • សប្បុរសធម៌៖មានដូចជាពេលវេលាដំបូមានជំនួយនិងទ្រព្យធនរបស់អ្នក
  • អត្តវិន័យ៖ធ្វើការជៀសវាងនូវរបៀបនៃការប្រព្រឹត្តជាអកុសលឬការនិយាយនិងធ្វើការជួយដល់អ្នកដ៏ទៃទៅតាមវិធីណាដែលអ្នកអាចធ្វើបាន
  • ខន្តី៖ការលំបាកដែលកើតមានមកពីការជួយអ្នកដ៏ទៃនោះសូមកុំខឹងច្រឡោតនិងកុំមួម៉ៅសៅហ្មង
  • សេចក្តីក្លាហាននិងការស៊ូទ្រាំ៖នៅតែបន្តរដំណើរមិនថារឿងនោះវាពិបាកប៉ុណ្ណានោះទេ
  • ស្ថេរភាពផ្នែកចិត្តនិងអារម្មណ៏៖នៅតែមានការផ្តោតអារម្មណ៏ខ្ពស់ដោយមិនត្រូវងាករេពីបុព្វហេតុដើម
  • ការវិនិច្ឆ័យ៖រវាងអ្វីជាប្រយោជន៏និងអ្វីជាទុក្ខទោសនិងរវាងអ្វីដែលសមរម្យនិងអ្វីដែលមិនសមរម្យ

វិធីសាស្រ្តដែលធ្វើអោយមានឥទ្ធិពលជាវិជ្ជមានលើអ្នកដ៏ទៃ

  • មានចិត្តសប្បុរស៖ជាមួយពេលវេលាជាមួយប្រយោជន៏និងជាមួយកំលាំងកាយរបស់អ្នក
  • និយាយស្តីស្លូតបូតល្អ៖ត្រូវមានសតិរលឹកដឹងថាវាមិនមែនគ្រាន់តែអ្វីដែលអ្នកនិយាយនោះប៉ះពាល់ដល់អ្នកដ៏ទៃប៉ុណ្ណោះទេតែសូម្បីតែរបៀបដែលអ្នកនិយាយក៏ប៉ះពាល់ដែរ។
  • និយាយស្តីនិងប្រព្រឹត្តធ្វើនៅក្នុងឥរិយាបថដ៏មានន័យ៖ជំរុញលើកទឹកចិត្តអ្នកដ៏ទៃអោយគេបង្កើតនូវជំនាញជាកុសលរបស់គេ។
  • ធ្វើជាគំរូល្អ៖ដោយធ្វើការអនុវត្តនូវអ្វីដែលអ្នកណែនាំអោយគេធ្វើ

វិធីសាស្រ្តដើម្បីសម្រេចបាននូវគោលបំណងជាវិជ្ជមានរបស់អ្នក

  • មានភាពច្បាស់លាស់លើគោលបំណងរបស់អ្នក៖ត្រូវធានាថាវាគឺជាការប្រាកដនិយមនិងមានជំនឿចិត្តលើសមត្ថភាពរបស់អ្នកដើម្បីសម្រេចវាបាន
  • ធ្វើការរក្សានូវអត្តវិន័យ៖ផ្តោតអារម្មណ៏ខ្ពស់លើគោលបំណងនោះដោយមិនបែកអារម្មណ៏ឬក៏មិនប្រព្រឹត្តធ្វើរឿងអ្វីមួយដែលបង្ករគ្រោះថ្នាក់ដល់ការសម្រេចបាននូវគោលដៅនោះ
  • មានចិត្តសប្បុរស៖ជាមួយពេលវេលានិងការខំប្រឹងប្រែងរបស់អ្នកដើម្បីធ្វើការឆ្ពោះទៅរកគោលដៅនោះ
  • បើកចិត្តអោយទូលាយ៖រក្សាការរៀនសូត្របន្ថែមទៀតដែលនឹងជួយអ្នកអោយសម្រេចគោលបំណងរបស់អ្នក
  • រក្សានូវស្មារតីនៃសេចក្តីអត្តថ្លៃថ្នូរ៖មិនប្រព្រឹត្តធ្វើបែបគួរអោយអាម៉ាសដែលអាចបង្ករជាគ្រោះថ្នាក់ដល់ការសម្រេចបាននូវគោលដៅរបស់អ្នក
  • រក្សានូវសេចក្តីខ្វល់ខ្វាយយកចិត្តទុកដាក់៖ចំពោះទង្វើដែលគ្មានការទទួលខុសត្រូវណាដែលនឹងបង្ករការប៉ះពាល់ដល់ក្រុមរបស់អ្នក
  • ធ្វើការវិនិច្ឆ័យដោយប្រុងប្រយ័ត្ន៖រវាងអ្វីដែលជាជំនួយនិងអ្វីដែលទប់ស្កាត់ការរីកចំរើនរបស់អ្នក

គុណតម្លៃដើម្បីបណ្តុះសំរាប់ការសម្រេចបាននូវគោលបំណងជាវិជ្ជមានរបស់អ្នក

  • ពេញចិត្ត៖នឹងសម្រេចបាននូវគោបំណងដែលមានលក្ខណៈប្រាកដនិយមដោយមិនលោភលន់ចំពោះអ្វីែដលមិនប្រាកដនិយម
  • មិនខឹងមួម៉ៅមិនតូចចិត្តនិងមិនប្រទូសរាយជាមួយអ្នកដ៏ទៃ៖នៅពេលដែលមានរឿងអ្វីមួយកើតឡើងមិនល្អដោយជៀសមិនផុតនោះ
  • រក្សាជំហរផ្តោតអារម្មណ៏របស់អ្នកទៅលើគោលដៅនោះ៖វានឹងផ្តល់ប្រយោជន៏នៅពេលដែលអ្នកសម្រេចវាបាន
  • ហ្វឹកហាត់ចិត្តរបស់អ្នក៖ធ្វើចិត្តអោយនៅតែត្រជាក់និងរក្សាលំនឹងនៃអារម្មណ៏បើទោះជាមានអ្វីកើតឡើងក៏ដោយ
  • ត្រូវចង់ចាំថាអ្វីៗគ្រប់យ៉ាងប្រែប្រួល៖មិនថាយើងស្ថិតនៅក្នុងសភាពអារម្មណ៏មួយណានោះទេគឺសភាពនៃចិត្តនិងអារម្មណ៏របស់អ្នកនោះមិនឋិតឋេរនោះទេគឺវាអាចប្រសើរឡើងវិញបាន
  • រក្សាសន្តិភាពនៃចិត្ត៖ដោយចេញពីការទទួលដឹងថាអ្នកព្យាយាមអស់ពីសមត្ថភាពរបស់អ្នកហើយ

វិធីក្នុងការគ្រប់គ្រងជីវិតរបស់អ្នក

  • កុំបណ្តោយខ្លួនឲ្យស្ថិតនៅក្នុងសភាពគ្មានអំណាចដើម្បីធ្វើការសម្រេចចិត្តរបស់អ្នក៖វានឹងធ្វើអោយអ្នកភ្លេចនូវគោលការណ៏របស់អ្នកហើយវានឹងធ្វើអោយអ្នកស្តាយក្រោយ
  • ជៀសវាងនូវភាពមិនស្មោះត្រង់ប្រសិនបើអ្នកស្ថិតនៅក្នុងទំនាក់ទំនងសេ្នហានោះ៖វានាំទៅរកភាពស្មុគស្មាញនិងបញ្ហាជៀសមិនផុតនោះទេ
  • កុំសំឡឹងទៅរកឋានៈបុណ្យសក្ត័ខ្ពង់ខ្ពស់ដែលមានទំនួលខុសត្រូវធំធេង៖វានឹងស្រូបយកនូវពេលវេលានិងរាល់ថាមពលរបស់អ្នក
  • កុំអនុញ្ញាតអោយអ្នកដ៏ទៃជះឥទ្ធិពលមកលើអ្នកធ្វើអោយអ្នកបោះបង់នូវទំលាប់ជាវិជ្ជមានរបស់អ្នកចោលដូចជាការញាំអាហារសុខភាពមិនជក់បារីនិងការហាត់ប្រាណជាដើម៖វានឹងបង្ករគ្រោះមហន្តរាយដល់សុខភាពនិងសុខមាលភាពរបស់អ្នក
  • កុំសន្យាចំពោះរឿងដែលអ្នកមិនអាចធ្វើវាបាន៖វានឹងធ្វើអោយអ្នកបាត់បង់នូវអត្តជំនឿទុកចិត្ត
  • ជៀសវាងពីការប្រព្រឹត្តធ្វើដោយគ្មានការពិចារណា៖វានាំមកនូវតែផលជាអកុសលតែប៉ុណ្ណោះ

គុណតម្លៃត្រូវអភិវឌ្ឍឡើងដែលអាចជួយអ្នកជៀសវាងពីបញ្ហានៅក្នុងកាលៈទេសៈលំបាក

  • មិនសប្បាយញាប់ញ័រ៖នៅពេលគេសរសើរឬពេលគេរិះគន់
  • ស្ថិតនៅជាប់ជាមួយសតិរលឹកដឹងមិនជាប់ជំពាក់ឬមិនប្រទូសរាយ៖នៅពេលជួបបុគ្គលណាម្នាក់ដែលយើងជាប់ជំពាក់ជាមួយឬដែលយើងមិនចូលចិត្ត
  • មិនប្រព្រឹត្តធ្វើខុសឬផ្ទុយពីគោលការណ៏របស់អ្នក៖នៅពេលអ្នកប្រលូកនៅក្នុងសកម្មភាពប្រចាំថ្ងៃធម្មតារបស់អ្នក
  • មិនងុមងុលនឹងសំភារៈ៖ពេលមានបាននូវទ្រព្យធននិងទ្រព្យសម្បត្តិច្រើនដែលធ្វើអោយភ្លេចនូវគោលបំណងខ្ពង់ខ្ពស់របស់អ្នក
  • មិនមានអារម្មណ៏សោកស្តាយចំពោះខ្លួនឯង៖នៅពេលមានជម្ងឺឬនៅពេលឈឺប៉ុន្តែត្រូវប្រើប្រាសវាជាឪកាសដើម្បីខំប្រឹងអភិវឌ្ឍនូវថាមពលខាងក្នុងនិងអាកប្បកិិរិយារឹងមាំឡើង
  • ខំប្រឹងប្រព្រឹត្តធ្វើដើម្បីជម្នះបាននូវរាល់កង្វះខាតរបស់អ្នកនិងសម្រេចបាននូវសក្កដានុពលភាពជាវិជ្ជមានពេញលេញរបស់អ្នក៖គ្រប់ពេលវេលាទាំងអស់

Top