مشکل سمبندھ دا نبیڑ

اپنے پیار دے رشتے بہتر بنان لئی اساں اپنی غیر حقیقت پسند آساں جو مشکلاں پیدا کر رہیاں نیں نوں دور کرنا اے اتے احساس تے فکر دا سبھاو اپناونا اے۔

وستر 

بودھی سمادھ دا مقصد اوکڑاں اوپر قابو پاںا اے۔ ایسے لئی مہاتما بدھ نے سانوں چار اُچی سچائیاں دا سبق دتا تا کہ اسی اوہناں مسلیاں نال چنگی طراں نبڑ سکئیے ۔ سانوں سب نوں زندگی وچ مسلے پیش آندے نیں۔ کجھ دوجیاں دی نسبت زیادہ گھمبیر ہوندے نیں۔ پر اوہناں وچوں اک جس نال ساڈا سب دا واہ پیندا اے اوہ دوجے لوکاں نال تعلق بارے ہے۔

اوہناں وچوں بعض سمبندھ ڈاڈھے اوکھے اتے صبر ازما ہو سکدے نیں۔ پر مہاتما بدھ نے سانوں اوہناں نال نبڑن دا  اک چنگا طریقہ دسیا۔ مسلیاں دے سبب نوں جانن لئی سانوں اپنے اںدر جھاتی مار کے ویکھنا چاہیدا اے۔ ایس دی وجہ ایہ ہے کہ دوجے  لوکی ایس دے بھاویں کنے ہی ذمہ وار کیوں نہ ہون، جو چیز ساڈے اختیار وچ اے اوہ اوہناں بارے ساڈا رد عمل اے۔ ایس دا مطلب اے کہ اسی کس طراں دا سبھاو رکھنے آں۔  

کیوں جے ساڈے ورتاؤ دی بنیاد ساڈے من دے رویہ اوپر اے، ایس لئی اپنے من دے رویہ نوں بہتر بناون اوپر توجہ دینی چاہیدی اے۔ جے اسی پریشان کرن والے رویہ دی تھاں صحت بخش رویہ لے آئیے جو حقیقت اتے درد مندی اوپر قائم ہووے تے ایس نال ساڈا دکھ درد جو اسی مشکل سمبندھ توں  پانے آں اوہ بھاویں مکمل طور تے ختم ہووے  یا نہ ہووے، پر گھٹ  ضرور ہو سکدا اے۔ 

سمادھ

  • ساہ اوپر گوہ راہیں شانت ہو جاؤ۔
  • سب توں پہلی اُچی سچائی دی اک مثال یعنی حقیقی دکھاں دے طور تے کسے اجیہے اںسان دا تصور کرو جس نال تہاڈے سمبندھ وگڑے ہوئے نیں۔
  • روسے دے احساس نوں جنم لین دیو۔
  • ایس گل دی پرکھ کرو کہ تسی کیوں ایس نوں دوجی اُچی سچائی یعنی دکھاں دے اصل سبب دا ادھارن تصور کردے او۔ شائد ایس دی وجہ ایہ ہے کہ اوہناں دی بیٹھک اک اوکھا مرحلہ اے اتے اوہ سانوں پریشان کردے نیں، یا سانوں اوہناں دی کوئی گل پسند ننئں، یا جدوں اسی اوہناں نوں ملنا چاہنے آں تے اوہ ویلے نئیں ہوندے یا اوہناں دا مزاج ہر ویلے خوش نئیں ہوندا۔
  • جد اسی ہور ڈوہنگ وچ جائیے تے اسی ویکھنے آں کہ اسی اوہناں نوں کیول اک ہی پرت نال نسبت دینے آں اتے اوہناں نوں انج دا مانس منن توں منکر آں جس دی زندگی وچ ہور وی لوکی نیں اتے ساڈے سوا ہور اوہ سب شیواں جو اوہناں دی زندگی اوپر اثر کردیاں نیں، اتے ایہ کہ اوہناں دے وی ساڈے وانگوں جذبے نیں اتے اوہ وی تعریف دے بھکے نیں، بالکل ساڈے وانگوں۔
  • ہر کوئی اوہناں بارے انج محسوس نئیں کردا، پس اوہناں دی بیٹھک وچ روسا اتے بے ارامی دا احساس جو کہ تیجی اُچی سچائی یعنی دکھاں دا مک مکا دی اک مثال نوں ختم کر دینا ممکن اے۔ 
  • ایس بے چینی نوں ختم کرن لئی، سانوں ایس گل دا احساس ہونا ضروری اے کہ، چوتھی اُچی سچائی دی اک مثال، یعنی من دا سچا میل جس توں درست سرت  پیدا ہوندی اے دے مطابق، کہ جے اوہ کوئی پریشان کرن والا پرش ہوندا تے سب لوکی اوس نوں اوس دے جنم سمے توں ہی انج دا مندے۔ پر ایہ انہونی اے۔ 
  • اسی اوہناں بارے ایہ تصور کہ اوہ اک پریشان کرن والا شخص اے مٹا دینے آں۔ 
  • تاں اسی اوہناں نوں بغیر ناراضگی دے ویکھنے آں۔ ہن اوہ صرف سانوں ہی پریشان کرن والا انسان لگدے نیں، پر ایہ کیول خام خیالی اے۔
  • فیر اسی اوہناں لئی مثبت سبھاو بنانے آں– اوہ اک اںسان اے جو پسند کیتا جانا اتے خوشی دا تمنائی اے، اتے نہیں چاہندا کہ لوکی اوس نوں پسند نہ کرن۔ بالکل انج ہی جویں میں ایہ نہیں چاہندا  کہ ایہ شخص میرے نال بھیڑا ورتاو کرے، جویں کہ کوئی مچھر – اوس توں میرے جذبے پھٹڑ ہون گے -  انج ہی اوہ وی ایہ پسند نئیں کردا اتے ایس توں اوہناں دے جذبے پھٹڑ ہوندے نیں۔  
  • اوس شخص نال چنگا ورتاو کرو۔

مکدی گل

 مشکل لوکاں نال معاملہ کرن دے سلسلہ وچ، میل دے سمے سانوں شانت  ہونا چاہیدا اے، یا اوہناں نال ملن توں پہلاں جے موقع ملے تے۔ فیر جدوں اسی اوہناں دے نال ہوئیے تے سانوں اوہناں نوں بالکل اُنج دا ہی اںسان تصور کرنا چاہیدا اے جو جذبیاں دا مالک ہووے جویں کہ اسی آپوں آں اتے دل  پرچان دا رویہ رکھنا چاہیدا اے۔ ایس قسم دا رویہ اپناون وچ اک وڈی رکاوٹ  اوہناں نوں زندگی دی وڈی تے پسار حقیقت دے درپن وچ نہ ویکھنا اے۔ جے اسی اپنے جھوٹے وچاراں نوں رد کر دئیے اتے اوہناں نوں حقیقت دے درپن وچ ویکھئیے، تے اک وڈا دل اتے دل پرچان والے سبھاو دے نال اسی اوہناں نال زیادہ کامیابی نال معاملہ کر سکاں گے۔

Top