شانت ہونا

ساہ اوپر گوہ کرن نال اتے اوس دے چکراں نوں گندے ہوئے، اسی اپنے آپ نوں شانت بنانے آں تا کہ اسی من دی مثبت دشا پنگر سکئیے۔
Meditation calming down cesar couto unsplash

وستر

سمادھ مثبت عادتاں کسے کم نوں وار وار کر کے پنگرن دا اک طریقہ اے، جویں اک نواں نیوراتی ڈھو ڈھب بنانا اتے کسے پرانے نوں کمزور کر دینا۔ انج کرن دی خاطر، ایہ ضروری اے کہ پہلے اسی اپنے تیز رفتار من نوں سکون دی حالت وچ لیائیے تا کہ نویں، زیادہ عقل مت اتے نویں سبھاو لئی پسار تھاں پیدا کر سکئیے۔ شانت ہون دی یوگتا آپوں اک مفید عادت اے، جس نوں کوئی تعمیری یا ہانی کارک رویہ بنان لئی بنیاد بنایا جا سکدا اے۔ اسی ایس من دی شانت حالت نوں اک کشادہ مکانی دے طور تے من دی کوئی تعمیری حالت بنان لئی کم وچ لیانا چاہنے آں، اتے ایس لئی ایہ اک ڈاڈھا ضروری پہلا  قدم اے۔ 

شانت ہو کے اسی زندگی دے مسلیاں نال بہتر طریقے نال نبڑ سکنے آں۔ کئی وار، جو چیز سانوں اوہناں نال مناسب ول نال نبڑن توں باز رکھدی اے اوہ ساڈے من دا پلیکھا اے؛ ایس وچ تھکیواں اتے پریشانی دے سبب من دی اوارگی بھری ہوندی اے۔ مثال دے طور تے ساڈا کم اوپر دن لما اتے اوکھا رہیا؛ ساڈے گھر جان وچ حالی اک گھنٹہ باقی اے، اتے حالی کرن نوں بوہت کم پیا اے۔ جے اسی ساہ  اوپر سمادھ کرئیے تے ایس توں اسی شانت ہوواں گے اتے ایس مشکل دشا نال نبڑن دے اک شفاف من دے نال ایس جوگے ہوواں گے۔ 

سمادھ

  • سدھے بیٹھو، ہتھ جھولی وچ، اکھیاں تھوڑی کو کھلیاں، فرش ول ویکھدے ہوئے اتے دند بھیچے ہوئے نہ ہون۔ 
  • شریر دے تناؤ نوں ڈھلا چھڈو، خاص طور تے تہاڈے موڈھے، منہ اتے متھا۔ جدوں تک جسم ڈھلا نہ ہووے من شانت نئیں ہو سکدا۔ نک راہیں ہمیش وانگوں ساہ لوو۔ 
  • اپنے من وچ یارہ یارہ ساہ دے دور دی وار وار گنتی کرو، ساہ دی ناساں دے رستے اندر باہر آن جان نوں محسوس کردے ہوئے۔
  • ساہ دے احساس اتے گنتی دے متعلق با خبر رہو (من دی گوند نال جوڑ رکھو)۔
  • ہوشیار رہو تا کہ جے اکتاہٹ یا من دی اوارگی دے سبب توجہ کمزور پین لگے تے اوس دی ٹوہ لگ جاوے۔ 
  • جد تسی محسوس کرو کہ تہاڈی توجہ ہٹ گئی تے فیرتوں اپنی توجہ ساہ اتے گنتی اوپر مرکوز کرو۔ 
  • جے تسی من دی اوارگی دا شکار ہووو، تے ہولی نال خیال نوں دور کرو، انج محسوس کردے ہوئے کہ جد تسی ساہ باہر کڈدے او تے ایہ خیال وی ایس دے نال خارج ہو جاندا اے، اتے فیر اپنی توجہ ساہ اتے گنتی ول پھیر لوو۔ 
  • جے تہاڈے موڈھے یا منہ فیر توں تناؤ وچ آ گئے نیں، تے اک وار فیر اوہناں نوں ڈھلا چھڈ دیو۔
  • اخیر وچ، سمادھ توں  باہر آون دی صورت وچ، اک وار فیر خموش من دے نال شانت ہو جاؤ۔

مکدی گل 

جدوں اسی تھکے ہوئے اتے کجھ پریشان ہوئیے تے مسلیاں نال نبڑن لئی سانوں من دی صاف حالت اتے جذباتی سنتولن درکار اے، سانوں شانت ہو کے من اتے جذبیاں دی خاطر جمعی درکار اے۔ اک کمپیوٹر سمان اسی اپنے من نوں نویں سرے توں تازگی تے شکتی دینے آں۔ ایس لئی اساں اپنے شریر نوں ڈھلا چھڈنا اتے ساہ  اوپر توجہ قائم کرنی اے، ایس دوران ساہ دے چکراں دی گنتی کردے ہوئے۔ گھر وچ سمادھ راہیں ایس طریقے دی مشق کرن نال، ایس توں من دی اک راہ اتے اک عادت بندی اے، تا کہ جد سانوں روز دی زندگی وچ ایس دی لوڑ پوے تے اسی ایس طریقے دا ورتو کر سکئیے، اتے ایس طراں ایس دا ورتو اتے قیام سوکھا ہو جاندا اے۔

Top