آگو سمادھ اوپر کس طراں عمل کیتا جائے

مدعا – تبتی بدھ مت پنتھ وچ سمادھ دا کیہ مطلب اے؛ ایس نوں کرنا سکھو؛ اتے سکھیا لین دے دوران ہدائتاں پراپت کرو

ناظرین – ہر پدھر اتے ہر عمر دے لوکی

ڈھانچہ

• وستر(مسلہ، سبب، مثال، طریقہ)
• سمادھ (ضروری شبداں دے نال رہنمائی)
• مکدی گل

سمادھ کتھے کیتا جائے – کوئی وی تھاں جو خموش اتے صاف ستھری ہووے نہ کہ گندی

سمادھ کدوں کیتا جائے – تڑکے ویلے حیاتی دا کاروبار شروع کرن توں پہلاں۔ پر جے ایہ ممکن نہ ہووے، تے فیر دن دے اخیر وچ سون توں پہلاں۔ 

بیٹھک کِویں بنھی جائے – چوکڑی مار کے کسے گدی نال ٹیک لا کے جو بوہتی اچی نہ ہووے، نہ ہی بوہتی نیویں، نہ ہی بوہتی سخت نہ نرم۔ جے  ایہ ممکن نہ ہووے تے کوئی سدھی پٹھ  والی کرسی استعمال کرو۔ دونواں صورتاں وچ، اپنا لک سدھا رکھو اتے ہتھ بنھ کے جھولی دے اندر۔ سب توں ودیہ صورت ایہ ہووے گی کہ اکھیاں ادھی کھلیاں ہون، تھوڑی کو دھیان وچ، فرش ول ویکھدی ہوئی۔

سمادھ دی گینتی کِنی ہونی چاہیدی اے – دن وچ گھٹ توں گھٹ اک وار، جے ممکن ہووے تے دو وار(سویرے کم شروع کرن توں پہلاں اتے رات سون توں پہلاں)، ہر روز گھٹ توں گھٹ اک ہفتہ ہر آگو سمادھ  لئی وقف کرو، ایس ترتیب نال جس وچ ایہناں دا ویب سائٹ اوپر بیان اے۔ کسے وقت وی جے تسی چاہو تے کسے سمادھ نوں دوہرا سکدے او۔

ہور ہدائتاں لئی  -  (ویکھو :سمادھ کس طراں کیتا جائے)