અન્યો પર સકારાત્મક પ્રભાવ કેવી રીતે બનવું

જ્યાં આપણે કરી શકીએ, આપણે બીજાઓ સાથે ઉદાર બનવાની જરૂર છે. જ્યારે કોઈ આપણને મળવા આવે છે, ત્યારે આપણે તેમને નાસ્તો આપીએ છીએ; જો આપણે જમવા માટે બહાર જઈએ, તો આઓને તેમની સારવાર કરવા અને તેમના માટે પણ ચૂકવણી કરવા માંગીએ છીએ. ઉદાર હોવાનો અર્થ એ નથી કે માત્ર કોઈને કંઈક સામગ્રી આપવી. આપણા સમય સાથે ઉદાર બનવું એ ખરેખર મહત્વનું છે. કોઈ વ્યક્તિ વિશે જાણવું, તેમની સમસ્યાઓમાં સાચો રસ અને ચિંતા સાથે સાંભળવું અને તેમના જીવનને ગંભીરતાથી લેવા માટે તૈયાર હોવું એ એક મહાન ભેટ છે જેને આપણે ક્યારેય ઓછો આંકવો જોઈએ નહીં. તેનાથી લોકો સ્વીકાર્ય અને હળવાશ અનુભવે છે, અને પરિણામે, તેઓ ખુશ થશે અને આપણી સાથે આરામદાયક અનુભવશે. આપણા સકારાત્મક પ્રભાવ માટે ખુલ્લા રહેવાનું આ પ્રથમ પગલું છે.

લોકોને આપણા પ્રત્યે વધુ ખુલ્લા બનાવવા માટે, આપણે તેમની સાથે દયાળુ અને રમણીય રીતે વાત કરવાની જરૂર છે. આનો અર્થ એ છે કે એવી રીતે જે તેઓ સમજી શકશે, અને એવી પ્રકારની ભાષામાં જેની સાથે તે સંબંધિત થઈ શકે અને તેમની રુચિઓના સંદર્ભમાં બોલવું. મૂળભૂત રીતે, આપણે બીજાઓને આપણી સાથે આરામ અનુભવે એ જરૂર છે. આપણે તેમના સ્વાસ્થ્ય વિશે પૂછીએ છીએ અને તેમના જીવનમાં શું થઈ રહ્યું છે તેમાં રસ બતાવીએ છીએ. જો કોઈને ફૂટબોલમાં રસ હોય, તો આપણે ફક્ત એમ જ નથી કેહતા, "તે મૂર્ખ છે, સમયનો કેટલો બગાડ છે!" આ એક મહત્વપૂર્ણ મુદ્દો છે, કારણ કે જો આપણે એમ કહીએ, તો તેઓ આપણને સ્વીકારશે નહીં. તેઓને લાગશે કે આપણે  તેમને નીચું જોઈ રહ્યા છીએ. આજે રમત કોણે જીત્યું તે વિશે વધુ વિગતમાં જવાની જરૂર નથી, પરંતુ આપણે તેના વિશે થોડી વાત કરી શકીએ છીએ જેથી તેઓ સ્વીકાર્ય લાગે. જો આપણે બીજાને મદદરૂપ બનવાની મહત્વાકાંક્ષા રાખીએ, તો દરેક વ્યક્તિમાં અને તેઓને શું રસ છે તેમાં રસ લેવો મહત્વપૂર્ણ છે. જો આપણે આ ન કરીએ, તો આપણે અન્ય લોકો સાથે કેવી રીતે સંબંધ રાખી શકીએ?

એકવાર કોઈ વ્યક્તિ ખુલ્લી જાય અને તેમને લાગે કે આપણે તેમને સ્વીકારો છો, તો આપણી બોલવાની રમણીય રીત વધુ અર્થપૂર્ણ બાબતો તરફ વળી શકે છે. યોગ્ય સમયે, યોગ્ય સંજોગોમાં, આપણે બૌદ્ધ ઉપદેશોના એવા પાસાઓ વિશે વાત કરી શકીએ જે સંબંધિત છે અને વ્યક્તિ માટે મદદરૂપ થશે. તેઓ આમ કરવાથી કેટલા લાભ મેળવશે આપણે તે સૂચિત કરવાની ખાતરી કરવી જરૂર છે.

સલાહ આપતી વખતે આપણો અવાજ નો સ્વર અતિ મહત્વનું. આપણે દબાણયુક્ત, નિંદા અથવા મોટાઈભર્યું અવાજો ટાળવાની જરૂર છે. રમણીય રીતે બોલવાનો અર્થ આ છે. આપણે એવી રીતે બોલવાની જરૂર છે જે અન્ય વ્યક્તિ સ્વીકારવામાં સરળતા અનુભવે, ભય અનુભવ્યા વિના અથવા અનિચ્છનીય સલાહ સાથે આક્રમણ કર્યા વિના. યોગ્ય ક્ષણ અને સલાહ આપવાની યોગ્ય રીત જાણવા માટે ખૂબ જ સંવેદનશીલતા અને કૌશલ્યની જરૂર છે. જો આપણે અતિશય તીવ્ર હોઈએ અને હંમેશા ઊંડી અને અર્થપૂર્ણ વાતચીતનો આગ્રહ રાખીએ, તો લોકોને આપણા સાથે રેહવું કંટાળાજનક લાગશે અને આપણે જે કહી શકીએ તે સ્વીકારશે નહીં. એટલા માટે આપણે કેટલીકવાર વાતચીતના સ્વરને હળવા કરવા માટે રમૂજનો ઉપયોગ કરવાની જરૂર છે, ખાસ કરીને જો વ્યક્તિ જ્યારે આપણે સલાહ આપીએ ત્યારે રક્ષણાત્મક બનવાનું શરૂ કરે.

કોઈને અમુક ઉપદેશો સમજાવતી વખતે આપણે રમણીય, છતાં અર્થપૂર્ણ રીતે માયાળુ રીતે બોલવાના પરિણામે, તેઓ આપણે જે સલાહ આપી છે તેના ઉદ્દેશ્યોને પ્રાપ્ત કરવામાં રસ લે છે. આ એટલા માટે છે કારણ કે સલાહ શું છે તે અંગે તેઓ સ્પષ્ટતા અને વિશ્વાસ રાખે છે અને, તેના ફાયદાઓને સમજીને, તેઓ તેની કદર કરશે.

આપણે જે સલાહ આપીએ છીએ તેને ફક્ત બૌદ્ધ સિદ્ધાંતના સ્તરે છોડતા નથી; અન્ય વ્યક્તિની વ્યક્તિગત પરિસ્થિતિમાં શિક્ષણને કેવી રીતે લાગુ કરવું તે આપણે સ્પષ્ટપણે સમજાવવાની જરૂર છે. આ રીતે, આપણે અન્ય લોકોને આપણી  સલાહને અમલમાં મૂકવા પ્રેરિત કરીએ છીએ જેથી કરીને તેઓ શિક્ષણના ઉદ્દેશ્યો સિદ્ધ કરી શકે. માત્ર ત્યારે જ જ્યારે તેઓ જાણે છે કે શિક્ષણને કેવી રીતે લાગુ કરવું - બરાબર શું કરવું, પગલું-દર-પગલું - તે અજમાવવા માટે તેઓ ઉત્સાહી બને છે.

અન્ય લોકોને તેમના જીવનમાં ઉપદેશો લાગુ કરવા પ્રેરિત કરવા માટે, આપણે એવા સંજોગો પ્રદાન કરવાનો પ્રયાસ કરીએ છીએ જેથી તે તેમના માટે સરળ બને. આનો અર્થ એ છે કે શરૂઆતમાં વસ્તુઓને સરળ બનાવવી, ખાસ કરીને એવા લોકો માટે કે બૌદ્ધ ધર્મનો અનુભવ નથી ધરાવતા. માત્ર ધીમે ધીમે જ આપણે તેમને વધુ જટિલ, અદ્યતન તકનીકો તરફ દોરીએ છીએ. પરિણામે, તેઓ સતત રહેવા અને પદ્ધતિઓ સાથે આગળ વધવા માટે આત્મવિશ્વાસ મેળવે છે. તેઓ અમુક શિક્ષણ જે તેમના વર્તમાન સ્તરની બહાર છે તેને લાગુ કરવાનો પ્રયાસ કરીને નિરાશ થશે નહીં.

સૌથી નિરાશાજનક બાબતોમાંની એક એવી છે કે જેને આપણે સલાહ આપીએ છીએ તેઓ આપણને દંભી તરીકે જુએ. તેમને ઉપદેશોથી દૂર થવાથી રોકવા માટે, આપણે જે સલાહ આપી છે તે મુજબ કાર્ય કરીને આપણે એક સારું ઉદાહરણ બેસાડવાની જરૂર છે. દાખલા તરીકે, જો આપણે કોઈને ક્રોધ પર કાબુ મેળવવાની બૌદ્ધ પદ્ધતિઓ શીખવીએ, પરંતુ પછી જ્યારે આપણે તેમની સાથે રેસ્ટોરન્ટમાં હોઈએ અને આપણા ભોજનને આવતા અડધા કલાકનો સમય લાગે ત્યારે એક કદરૂપું દ્રશ્ય બનાવો, તો તેઓ ગુસ્સાના સંચાલન પર બૌદ્ધ ઉપદેશો વિશે શું વિચારશે? ? તેઓ વિચારશે કે પદ્ધતિઓ બિનઅસરકારક છે અને છોડી દેશે. અને તેઓ ચોક્કસપણે આપણા પાસેથી કોઈપણ વધુ સલાહ લેવાનું બંધ કરશે. તેથી જ આપણે જે શીખવીએ છીએ તેની સાથે આપણે જે રીતે વર્તન કરીએ છીએ તે સુસંગત હોવું જોઈએ. ફક્ત તેના આધારે અન્ય લોકો આપણે જે કહીએ છીએ તેના પર વિશ્વાસ કરશે.

હવે અલબત્ત, આપણે હજી બુદ્ધ નથી અને તેથી કોઈ પણ માટે આપણે સંપૂર્ણ આદર્શ બની શકીએ એવો કોઈ રસ્તો નથી. તેમ છતાં, આપણે આપણા શ્રેષ્ઠ પ્રયાસો કરીએ છે. દંભી ન હોવાનો અર્થ એ નથી કે જ્યારે આપણે કોઈની સાથે હોઈએ ત્યારે આપણે મદદ કરવાનો પ્રયાસ કરીએ ત્યારે ફક્ત ઉપદેશોનું પાલન કરવાનું બતાવવું, પરંતુ જ્યારે આપણે એકલા અથવા આપણા પરિવાર સાથે હોઈએ ત્યારે શરમજનક વર્તન કરીએ. ધર્મના ઉદ્દેશ્યો સાથે સતત કાર્ય કરવા માટે પૂર્ણ-સમય અને નિષ્ઠાવાન હોવું જરૂરી છે.

બૌદ્ધ ઉપદેશો દ્વારા અન્યોને એકત્ર કરવા અને પરિપક્વતા પ્રાપ્ત કરવામાં મદદ કરવા માટેના ચાર પગલાં ફક્ત આપણા અંગત સંબંધોમાં જ નહીં, પરંતુ વિશ્વમાં ધર્મને ઉપલબ્ધ કરાવવા માટે મોટા પાયે પણ સંબંધિત છે.

• ઉદાર બનવું - ઉપદેશો મફતમાં આપો
• રમણીય રીતે બોલવું - ઉપદેશોને સમજવામાં સરળ ભાષામાં અને માધ્યમોની વિશાળ શ્રેણી દ્વારા સુલભ બનાવો: પુસ્તકો, વેબસાઇટ્સ, પોડકાસ્ટ, વિડીયો, સોશિયલ મીડિયા વગેરે.
• અન્યને તેમના લક્ષ્યો સુધી પહોંચવા માટે પ્રેરિત કરવું - સ્પષ્ટપણે દર્શાવવો છે કે કેવી રીતે પગલું દ્વારા પગલું સામગ્રીનો અભ્યાસ અને આંતરિકકરણ કરવું અને રોજિંદા જીવનમાં ઉપદેશો કેવી રીતે લાગુ કરવી
• આ ધ્યેયો સાથે નિરંતર રહેવું - તમે જે રીતે તમારું જીવન જીવો છો તે રીતે બૌદ્ધ સિદ્ધાંતોનું અને, ધર્મ સંગઠનના કિસ્સામાં, સંસ્થાને જે રીતે ચલાવવામાં આવે છે તે રીતો નું ઉદાહરણ આપો.

આ ચાર પગલાં, એક નિષ્ઠાવાન પરોપકારી પ્રેરણા દ્વારા સમર્થિત, જો સંપૂર્ણ બોધિચિત્તનું લક્ષ્ય જ્ઞાન પ્રાપ્તિ સુધી નહીં, તો પણ આપણા હકારાત્મક પ્રભાવને અન્ય લોકો માટે ગ્રહણશીલ બનાવવાના શ્રેષ્ઠ માર્ગો છે.