အဲလက်စ်ဘာဇင်းသည် ကျွန်ုပ်၏ဆရာတော်ဖြစ်သော ဇန်ဟဗ်ဆခုန် ယင်းပိုချီ၏ တပည့်ရင်းဖြစ်ပြီး ဘာသာပြန်သူလည်း ဖြစ်ပါသည်။ ကျွန်ုပ်၏ ဘဝတစ်လျှောက်တွင်လည်း ဓမ္မရေးရာအတွက် စဉ်ဆက်မပြတ် အဆက်အသွယ် ရှိပါသည်။ ဘာဇင်းမော်ကွန်းတိုက် (Berzin Archives) တွင် အဲလက်စ် ဘာသာပြန်ပေးသည့် ကျွန်ုပ်ဆရာတော်၏ တရားတော် များစွာ ပါဝင်ပါသည်။ ဆရာတော်ထံမှ အဲလက်စ်ကိုယ်တိုင် သင်ယူပြီး ဟောကြားသည့် ရှင်းလင်းသောတရားများလည်း ပါဝင်ပါသည်။ ကျွန်ုပ်ဆရာတော်၏ အဆင့်အတန်း ခွဲခြားမှု မရှိသော ကျယ်ပြန့်သည့် အစဉ်အလာကို ဆက်လက် ထိန်းသိမ်းကာ သူ့ဝက်ဘ်ဆိုက်ဖြင့် ဤမျှများပြားသည့် ပရိသတ်များစွာထံသို့ ဘာသာစကားများစွာဖြင့် တင်ဆက်ထားသည်ကို အလွန် ဝမ်းမြောက်မိပါသည်။
ဤလုပ်ငန်း ဆက်လက်ကြီးထွားကာ ဤဝက်ဘ်ဆိုက်သည် နောင်လာမည့် မျိုးဆက်များအတွက် မှန်ကန်သော သတင်းအချက်အလက်နှင့် စိတ်ဓာတ်မြှင့်တင်ပေးသည့် ရင်းမြစ်တစ်ခုအဖြစ် ဆက်လက်တည်ရှိနေပါစေဟု အလေးအနက် ဆုတောင်းပါသည်။ ဤနေရာမှ ရရှိသည့် အသိအမြင်များဖြင့် ထိုသူတို့၏ ဉာဏ်အလင်းရရှိသည်အထိ အလျင်အမြန် အကျိုးဖြစ်ထွန်းကြပါစေသတည်း။
နိုဝင်ဘာ ၂၂၊ ၂၀၀၈
ဇန်ဟဗ် ဆခုန် ဆက်ခံသည့်ဆရာတော်
