కరుణ - ఇతరులు బాధల నుంచి మరియు వాటి కారణాల నుంచి విముక్తి పొందాలనే కోరిక - మానవాళి యొక్క అత్యంత అందమైన లక్షణాలలో ఇది ఒకటి. అయితే, ఒక ఆలోచనగా కరుణ అనేది ఉద్ధరించినప్పటికీ, మనం దీన్ని నిజానికి ఆచరణలో పెట్టినప్పుడు అది నిజంగా శక్తివంతమవుతుంది. కాబట్టి, ఆచరణలో కరుణ అనేది బౌద్ధమత సాధకులుగా మన లోతైన విలువల ఒక స్వరూపం. ఇది అన్ని జీవుల మంచి పట్ల మన నిబద్ధతకు స్పష్టమైన వ్యక్తీకరణ. మన కరుణాపూరిత ఉద్దేశాలను నిజమైన, అర్థవంతమైన పనులుగా మార్చినప్పుడు, మన చుట్టూ ఉన్న ప్రపంచానికి శాంతిని చేకూర్చగలము. ఇంతకంటే అర్థవంతమైనది ఇంకేమైనా ఉంటుందా?
కరుణను ఎందుకు ఆచరణలో పెట్టాలి
బాధను ఉపశమనంగా మార్చడం
నాలుగు దివ్యమైన సత్యాలలో మొదటిది జీవితం జననం నుంచి మరణం వరకు బాధ మరియు అసంతృప్తితో నిండి ఉంటుందని బోధిస్తుంది. జ్ఞానంతో పాటు, కరుణ ఈ బాధకు పరిష్కారం. అయితే, కరుణ తన సంపూర్ణ భావంలో అర్థం లేదా సహానుభూతి మీద మాత్రమే ఆగిపోదు - ఇది పనిని కోరుకుంటుంది. కరుణను కార్యరూపంలోకి తీసుకొచ్చి, ఇతరుల బాధను మనమే తగ్గించవచ్చు. ఒకరిని కష్టంలో సహాయం చెయ్యడం, ఒక పనికి సపోర్ట్ చెయ్యడం లేదా కేవలం అక్కడ ఉండడం ద్వారా, మన దయాభావానికి ప్రోత్సాహకమైన పనులు ఇతరుల జీవితాలలో మంచి మార్పుని తీసుకురాగలవు. పనులలో కరుణ చూపించడం వలన కూడా మనం మారుతాము. మనం దయా పనుల్లో నిమగ్నమైనప్పుడు, మనం ప్రపంచానికి ఒక మంచి మరియు ఓపెన్ హార్ట్‌ను నెమ్మదిగా పెంపొందిస్తాము.
సానుకూల కర్మ శక్తిని రూపొందించడం
బౌద్ధమతంలో, మన పనుల యొక్క ఆలోచనలు కీలకమైనవి. నిజమైన ఆలోచనతో ప్రేరితమైన పనులు పాజిటివ్ శక్తిని ఉత్పత్తి చేస్తున్నాయి, ఇది బుద్ధుడు భవిష్యత్తులో సంతోషానికి కారణమవుతుందని చెప్పారు. మనం కరుణతో పనులు చేస్తే, మన జీవితములో మరియు ఇతరుల జీవితాలలో పండించే పండ్లను పెంచుతున్నాము అని అర్థం. కరుణాత్మక పని కూడా వినాశకం చేసే శక్తుల ఛాయలను నాశనం చేస్తుంది. కోపం లేదా స్వార్థం కంటే దయ మరియు అవగాహనతో పరిస్థితులకు ప్రతిస్పందించడం ద్వారా, మన మనస్సులను మరియు హృదయాలను నిర్మాణాత్మక పనులకు అలవాటు చేసుకోవడం ప్రారంభిస్తాము, అవి రెండవ స్వభావంగా మారే వరకు చేస్తాము. ఇది మనకు ఒక గొప్ప అంతర్గత శాంతికి మరియు జ్ఞానోదయం వైపు స్పష్టమైన మార్గాన్ని అందిస్తుంది.
సంబంధితత్వాన్ని అర్థం చేసుకోవడం
పనిలో కరుణ అన్ని జీవుల పరస్పర అనుసంధానాన్ని గుర్తించడంలో మనకు సహాయపడుతుంది. విశ్వంలో ఒక్క జీవి కూడా దుఃఖాన్ని కోరుకుంటూ నిద్ర లేవదు; మనమందరం సమానంగా ఆనందాన్ని కోరుకుంటాము. మనం కరుణతో వ్యవహరించినప్పుడు, మనమందరం ఈ విస్తృత ప్రపంచంలో భాగమని మరియు ఇతరుల ఆనందం మరియు బాధలు మనకు దగ్గరి సంబంధాన్ని కలిగి ఉన్నాయని మనం గుర్తిస్తాము. ఈ అవగాహన మనలో ఐక్యతా భావాన్ని పెంచుతుంది. ఇది తరచుగా బాధలకు కారణమయ్యే సెపరేషన్ మరియు ఒంటరితనం యొక్క అడ్డంకులను పోగొడుతుంది. తరచుగా విభజించబడినట్లు అనిపించే ప్రపంచంలో, కరుణ అనేది ఒక శక్తివంతమైన శక్తి, ఇది మనమందరం కలిసి ఉన్నామని మరియు ఒకరినొకరు ఆదరించడం ద్వారా మరింత సామరస్యపూర్వకమైన ప్రపంచాన్ని సృష్టించగలమని గుర్తు చేస్తుంది.
కరుణను ఆచరణలో పెట్టే మార్గాలు
ఉదారత
ఆరు దూరదృష్టి గల వైఖరులలో మొదటిది, ఉదారత. కరుణను ఆచరణలో పెట్టడానికి ఉత్తమ మార్గాలలో ఇది ఒకటి. ఇది అనేక రూపాలను తీసుకుంటుంది, ఉదాహరణకు మనం అందించగలిగితే అవసరమైన వారికి భౌతిక సహాయాన్ని అందించడం. మన సమయాన్ని మరియు శక్తిని అనేక విధాలుగా పంచుకోవడం. బౌద్ధమతంలో, దానం అనేది కేవలం స్వీకరించే వ్యక్తి గురించి మాత్రమే కాదు; అది ఇచ్చే వ్యక్తి గురించి కూడా ఉంటుంది. మనం స్వచ్ఛమైన మరియు సంతోషకరమైన హృదయంతో ఇచ్చినప్పుడు, ముఖ్యంగా ప్రతిఫలంగా ఏదీ ఆశించకుండా ఇవ్వగలిగితే, మనం మన స్వంత కోరికలను విడిచిపెట్టి, నిస్వార్థ ఆనందాన్ని పొందగలుగుతాము.
ఎమోషనల్ సపోర్ట్ మరియు కంఫర్ట్ ను అందించడం
ఎవరైనా కష్టకాలంలో ఉన్నప్పుడు, వారికి తరచుగా సలహా అవసరం లేదని మీరు గమనించారా - వారికి పక్కన ఎవరైనా ఉంటే చాలు? అని అనిపిస్తే ఇలాంటి అందర్భాల్లో కొన్నిసార్లు మనం చేయగలిగే అత్యంత కరుణామయమైన పని, వారికి అందుబాటులో ఉండటం. ఎమోషనల్ సపోర్ట్ అందించడం - దయగల మాటలు, కంఫర్ట్ లేదా తీర్పు లేకుండా వినడం - అపారమైన ఓదార్పు మరియు ఉపశమనాన్ని అందిస్తుంది. ఈ రకమైన కరుణామయమైన పనికి గొప్ప హావభావాలు అవసరం లేదు; తరచుగా, ఈ చిన్న దయగల పనులే పెద్ద తేడాను తీసుకొస్తాయి. ఇతరులకు అవసరమైన సమయాల్లో వారికి సహాయం చేయడం ద్వారా, మనం శ్రద్ధ వహిస్తున్నామని మరియు వాళ్ళు ఒంటరిగా లేరని చూపిస్తాము.
కమ్యూనిటీలో స్వచ్ఛంద సేవ
కరుణను ఆచరణలో పెట్టడానికి స్వచ్ఛంద సేవ ఇంకొక మార్గం. చాలా చోట్ల, మనకు చాలా అవకాశాలు ఉన్నాయి: ఉదాహరణకు, ఫుడ్ బ్యాంకులో సహాయం చెయ్యడం లేదా కమ్యూనిటీ క్లీన్-అప్ లో పాల్గొనడం. స్వచ్ఛంద సేవ ఇతరుల శ్రేయస్సుకు ప్రత్యక్షంగా దోహదపడటానికి మరియు జీవితంలో మనకు బలమైన ఉద్దేశ్యాన్ని కూడా ఇస్తుంది. ఇతరులకు సహాయం చెయ్యడానికి మన సమయాన్ని మరియు కృషిని అంకితం చెయ్యడం ద్వారా, మనం సహనం మరియు కరుణను పెంపొందించుకోవచ్చు. మనం విశ్వానికి కేంద్రం కాదని మరియు ప్రతి ఒక్కరికీ కష్టాలు ఉంటాయని గ్రహించి, వినయాన్ని పెంపొందించుకుంటాము, ఇది మన కరుణామయ మనస్సును బలపరుస్తుంది.
సామాజిక న్యాయం కోసం స్పందించడం
కరుణ అనేది సామాజిక న్యాయం కోసం స్పందించడం రూపంలో కూడా ఉంటుంది. ఇందులో అన్ని జీవుల హక్కులు మరియు గౌరవం కోసం నిలబడటం, అన్యాయాన్ని సవాలు చెయ్యడం మరియు న్యాయమైన మరియు దయగల సమాజం కోసం పనిచెయ్యడం ఉంటాయి. అవగాహన పెంచడం, విధాన మార్పులకు సపోర్ట్ చెయ్యడం లేదా శాంతియుత కార్యకలాపాలలో పాల్గొనడం లేదా వీటిని చేసే సంస్థలకు విరాళం ఇవ్వడం ద్వారా మనం అలా చేయవచ్చు. న్యాయవాదం సవాలుతో కూడుకున్న పని, కానీ ఇది కరుణను ఆచరణలో పెట్టడానికి ఒక శక్తివంతమైన మార్గం, ఎందుకంటే ఇది తరచుగా సమాజంలో అత్యంత అణగారిన వర్గాలపై దృష్టి పెడుతుంది. కష్టాల్లో ఉన్నవారికి సహాయం చెయ్యడానికి మన శక్తిని ఉపయోగించేందుకు మనం సిద్ధంగా ఉన్నామని ఇది చూపిస్తుంది.
కరుణను ఆచరణలో పెట్టడం వల్ల కలిగే ప్రయోజనాలు
మనం కరుణతో వ్యవహరించినప్పుడు, అది కేవలం పక్కన ఉన్న వ్యక్తికి సహాయం చేసే పనే కాదు; అది మనకు ఆనందాన్ని మరియు మన జీవితానికి ఒక అర్థాన్ని ఇస్తుంది. మీరు నిజంగా ఒకరి భారాన్ని కొంచెం తగ్గించారని తెలుసుకోవడం వల్ల కలిగే ఆనందాన్ని ఒకసారి ఊహించుకోండి. ఈ ఆనందం ప్రాపంచిక భౌతిక లాభాలలో లాగా క్షణికమైనది కాదు - ఇది లోతైన మరియు స్థిరమైన దీర్ఘకాలిక ఆనందం. మరియు దీని కోసం ఎటువంటి డబ్బు అవసరం లేదు; మనమందరం ఇందులో పాల్గొనవచ్చు. ఇంకా, ప్రతి కరుణాపూరిత పని మన మనస్సులలో కరుణతో కూడిన పనులు చేసే అలవాటును బలపరుస్తుంది. అలా మనం తొందరలోనే, ఏ వ్యక్తిని లేదా పరిస్థితిని ఎదుర్కొన్నా, కరుణతో వ్యవహరించడం రెండవ స్వభావంలా ఉంటుంది.
బౌద్ధమతాన్ని ఆచరించాలనుకునే మనలో, కరుణ బహుశా అత్యంత విలువైన సహచరులని మనం చెప్పగలం. కరుణతో, ఇతరులతో కనెక్ట్ అవ్వకుండా మనల్ని నిరోధించే అడ్డంకులను మనం తొలగించుకోగలం. మరియు, దలైలామా మనకు ఎప్పుడూ గుర్తు చేస్తున్నట్లుగా, మనం సామాజిక జీవులం, మరియు ఇతరులతో మనకున్న అనుబంధమే నిజంగా సంతోషకరమైన మరియు అర్థవంతమైన జీవితాన్ని సృష్టిస్తుంది.
ముగింపు
బౌద్ధ ఆచరణకు క్రియాత్మక కరుణే మూలం; మరియు ప్రస్తుత ప్రపంచానికి ఇది ఎంతో అవసరం. ఇది మన మనస్సులలో ఉన్న అందమైన కరుణామయ ఆలోచనలను బాధలను తగ్గించడానికి మరియు మెరుగైన ప్రపంచాన్ని సృష్టించడానికి స్పష్టమైన ప్రయత్నాలుగా మారుస్తుంది. పైన చెప్పిన ఏ మార్గాల్లోనైనా, మరియు ఇంకా అనేక ఇతర మార్గాల్లోనైనా కరుణామయ చర్యలలో పాల్గొనడం ద్వారా, మనం అవసరంలో ఉన్నవారికి సహాయం చేయడమే కాకుండా జ్ఞానోదయ మార్గంలో ముందుకు వెళ్తాము.