ལས་ཀར་ཕན་པའི་ནང་པའི་གཏན་ཚིགས་རིགས་པ།

སྐད་ཡིག་གཞན།
བརྙན་པར། དགེ་སློང་མ་ཐུབ་བསྟན་ཆོས་སྒྲོན། “ནང་ཆོས་ནང་གི་གཏན་ཚིག་རིགས་པ་དང་རྩོད་གླེང་།”

སངས་རྒྱས་ཀྱིས། ཁོང་གིས་གང་གསུངས་པ་རྣམས་དད་པ་གཞིར་བཞག་ཐོག་ཁས་ལེན་བྱ་རྒྱུ་མེད་པར། རྒྱུ་མཚན་རིགས་པའི་སྒོ་ནས་བསྲེག་བཅད་བརྡར་བའི་གསེར་བཞིན་དུ་བརྟག་དཔྱད་བྱེད་དགོས་ཞེས་གསུངས། 

ནང་ཆོས་ཀྱི་ནང་གཏན་ཚིགས་རིགས་པ་གཉིས་བེད་སྤྱོད་བྱེད་ཀྱི་ཡོད། གཅིག་ནི་ཁྱད་ཆོས་འགའ་ཞིག་རྒྱུ་མཚན་རིགས་པར་བརྟེན་ནས་འཇུག་གི་ཡོད་མེད་ཀྱི་རྩོད་གཞི་ཞིག་སྒྲུབ་པའམ་བདེན་པ་ར་སྤྲོད་བྱེད་ཀྱི་ཡོད། དཔེར་ན། རྩོད་གཞི་ཆོས་ཅན་ནི། ངས་བྱེད་བཞིན་པའི་ལས་གཞི་འདི་རྟག་པ་བརྟན་པ་མིན་ ༼འགྱུར་བ་འགྲོ་གི་རེད་༽ ཏེ། འདི་ནི་ངའི་ལུས་པོ་ནང་བཞིན་རྒྱུ་དང་རྐྱེན་གྱིས་བྱས་པ་ཡིན་པའི་ཕྱིར་ཞེས་པ་ལྟ་བུ་རེད། ཐབས་ལམ་གཞན་ཞིག་ནི། ཁུངས་ལུང་མེད་པའི་མཇུག་སྡོམ་རྒྱག་པའི་སྒོ་ནས་ཁྱད་ཆོས་འགའ་ཞིག་འཇུག་གི་ཡོད་མེད་རྩོད་གཞི་ཆོས་ཅན་སུན་འབྱིན་པ་དེ་རེད། དཔེར་ན། རྩོད་གཞི་ཆོས་ཅན་ནི། ངས་ལས་ཀ་བྱེད་བཞིན་པའི་ལས་གཞི་འདི་རྟག་པ་ ༼འགྱུར་མེད་བརྟན་པོ་༽ ཡིན་པ་དེ་རེད། རྒྱུ་མཚན་རིགས་པ་གཉིས་ཀའི་དགོས་དོན་ནི། རྒྱུ་མཚན་རིགས་པ་གཞི་ལ་བཞག་ཏེ་དངོས་ཡོད་དང་མཐུན་པའི་ཐབས་བྱུས་བཀོལ་སྤྱོད་བྱེད་པའི་ཐོག་ལམ་ལྷོང་མི་འབྱུང་བ་ལས་ཐར་བ་དང་ལམ་ལྷོང་དང་ལྡན་པ་ཞིག་ཡོང་བར་ངེས་བརྟན་བཟོ་རྒྱུ་དེ་རེད། 

དང་པོ། ངས་ལས་ཀ་བྱེད་བཞིན་པ་འདི་རྟག་པ་དང་བརྟན་པོ་མིན་ ༼འགྱུར་བ་འགྲོ་གི་རེད་༽ ཏེ། འདི་ནི་ངའི་ལུས་པོ་ནང་བཞིན་རྒྱུ་དང་རྐྱེན་གྱིས་བྱས་པ་ཡིན་པའི་ཕྱིར། རྩོད་གཞི་ཆོས་ཅན་དེ་ཡང་དག་པར་སྒྲུབ་དགོས་པའི་རྒྱུ་མཚན་ཡང་དག་ལ་ཁྱད་ཆོས་གསུམ་ཡོད། སྐབས་འདིར་རྟགས་སམ་རྒྱུ་མཚན་ནི། “རང་གི་ལུས་ལྟར་རྒྱུ་དང་རྐྱེན་གྱིས་བྱས་པ་ཡིན་པའི་ཕྱིར་ཞེས་པ་དེ་རེད།”

  • རྒྱུ་མཚན་རིགས་པ་དེ་རྩོད་གཞི་ཆོས་ཅན་ལ་འཇུག་པའམ་གྲུབ་པ་ཞིག་དགོས་ཏེ། དེ་ལ་ཕྱོགས་ཆོས་ཟེར། ངའི་ལས་ཀའི་དཀའ་ངལ་དེ་རྒྱུ་རྐྱེན་གྱིས་བྱས་པ་ཞིག་རེད་དམ། རེད། གལ་ཏེ་དཔལ་འབྱོར་གྱི་གནས་སྟངས་འགྱུར་བ་ཕྱིན་པ་དང་། ལས་གཞི་དེའི་ལས་བྱེད་པ་འགའ་ཞིག་ལ་ན་ཚ་བྱུང་བ། གལ་ཏེ་ང་རང་ན་བ་སོགས་བྱུང་ན། དེས་ལས་གཞི་ལ་གནོད་རྐྱེན་བྱེད་ཀྱི་རེད།
  • རྒྱུ་མཚན་རིགས་པ་དེ་ཁྱད་ཆོས་སྒྲུབ་པར་བྱེད་པའི་ཆོས་ཐམས་ཅད་ལ་མཉམ་སྤྱོད་བྱེད་པའི་དཔེ་ལ་འཇུག་དགོས་ཏེ། དེ་ལ་རྗེས་ཁྱབ་ཟེར། རེད། འགྱུར་བ་འགྲོ་བའི་ཆོས་ཐམས་ཅད་རང་གི་ལུས་ལྟར་རྒྱུ་རྐྱེན་གྱིས་བྱས་ཡོད། རང་གི་ལུས་ནི་དེའི་དཔེ་མཚོན་ཡིན། ཁྱེད་ཀྱིས་དཔེ་མཚོན་གཞན་དག་ལའང་བསམ་བློ་གཏོང་ཆོག །དཔེར་ན། སོ་སོ་རང་ཉིད་རང་གི་རོགས་ཟླ་དང་། ཕ་མ། ཕྲུ་གུའི་དབར་གྱི་འབྲེལ་ལམ་སོགས་དེ་དག་ཐམས་ཅད་འགྱུར་བ་འགྲོ་བ་དང་། རྒ་བ་ནང་བཞིན་རྒྱུ་དང་རྐྱེན་གྱིས་ཤུགས་རྐྱེན་བྱས་ཡོད། དེར་མ་ཚུད་པའི་དམིགས་བསལ་དེ་འདྲ་ཡོད་ན་ཁྱེད་ཀྱིས་ལོགས་སུ་འཇོག་དགོས།
  • རྒྱུ་མཚན་རིགས་པ་དེ་གང་སྒྲུབ་པར་བྱེད་པའི་ཁྱད་ཆོས་དང་བྲལ་བའི་ཆོས་ཐམས་ཅད་དང་འགལ་བར་འཇུག་རྒྱུ་མེད་པ་སྟེ། དེ་ནི་བསྒྲུབ་བྱའི་ཆོས་ཀྱི་དོན་ལྡོག་དང་འབྲེལ་བས་ལྡོག་ཁྱབ་ཟེར། རེད། རྟག་པ་དང་བརྟན་པོ་གནས་ཤིང་ནམ་ཡང་འགྱུར་བ་མེད་པའི་ཆོས་ཐམས་ཅད་རྒྱུ་རྐྱེན་གྱིས་བྱས་མེད་པ་དཔེར་ན། དངོས་ཡོད་ལྟར་འཇིག་རྟེན་འདི་ན་ཉིན་མ་གཅིག་གི་ནང་ཆུ་ཚོད་ཉེར་བཞི་ལས་མེད་པ་ལྟ་བུ་རེད། བདེན་དོན་དེ་དག་ནི་ལྡོག་ཕྱོགས་ཀྱི་དཔེ་མཚོན་རྣམས་ཡིན་ཞིང་། དེ་དག་གང་གིས་ཀྱང་ཤུགས་རྐྱེན་བྱས་མེད། ང་ཚོས་ལས་ཀ་བྱེད་མཁན་ག་ཚོད་གླས་ནའང་ད་དུང་ལས་ཀ་བསྒྲུབ་ཐུབ་པའི་དུས་ཡུན་ནི་ཉིན་གཅིག་ལ་ཆུ་ཚོད་ཉེར་བཞི་ལས་མེད།

རྒྱུ་མཚན་རིགས་པ་རྣམས་ལ་གཞི་བྱས་ཏེ། ངས་བྱེད་བཞིན་པའི་ལས་གཞི་འདི་རྟག་པ་དང་བརྟན་པ་མིན་པའི་མཇུག་སྡོམ་རྒྱག་ཆོག །གང་ཡིན་ཞེ་ན། དེ་ནི་རྒྱུ་རྐྱེན་གྱིས་བྱས་ཤིང་འགྱུར་བའི་ཆོས་ཅན་ཡིན་པའི་ཕྱིར། དེས་ང་ཚོར་ཐབས་བྱུས་ཤིག་སྤྲོད་ཀྱི་ཡོད། དཔེར་ན། རྐྱེན་རྣམས་འགྱུར་བ་འགྲོ་གི་ཡོད། དཔེར་ན། ཚོད་ལྟ་བྱེད་མཁན་དེས་ལས་དོན་ཞིག་བསྒྲུབ་ཀྱི་མེད་པར་སྟོན་གྱི་ཡོད། དེས་ལས་གཞི་ལ་ཤུགས་རྐྱེན་སྤྲོད་ཀྱི་ཡོད་པ་དང་། ང་ཚོས་དེ་དང་བསྟུན་ནས་བཟོ་བཅོས་རྒྱག་ཆོག

ནང་པའི་རིགས་ལམ་གཉིས་པ་ལ་བརྟེན་ནས་གལ་ཏེ་ངས་བྱེད་བཞིན་པའི་ལས་གཞི་དེ་རྟག་པ་དང་བརྟན་པོ་ཞིག་ཡིན་ན། ང་ཚོས་འཇུག་ངེས་པའི་ཁུངས་མེད་ལུང་མེད་ཀྱི་མཇུག་སྡོམ་སྟོན་གྱི་ཡོད། དེ་ནི་བརྟན་ཚུགས་པ་དང་ནམ་ཡང་འགྱུར་བ་གཏོང་མི་ཐུབ། གལ་ཏེ་གནས་སྟངས་དེ་འདྲ་ཡིན་ན། གནས་ཚད་དང་པོའི་ནང་ནམ་ཡང་བྱུང་མི་ཐུབ། གང་ཡིན་ཞེ་ན། གལ་ཏེ་དེ་དག་རྒྱུ་རྐྱེན་གྱིས་ཤུགས་རྐྱེན་བྱས་མེད་ན། དེ་དགོས་དོན་བསྒྲུབ་པ་ཞིག་བཟོ་དགོས་དོན་མེད། གཞན་ཡང་གནས་སྟངས་གང་འདྲ་བྱུང་ནའང་། དཔེར་ན། ལས་བྱེད་རྣམས་ལས་ཀ་བཞག་ནས་ཕྱིན་པ་དང་དེའི་ཚབ་འཇོག་དགོས་ཐུག་པ་ལྟ་བུར་ཤུགས་རྐྱེན་མེད། ང་ཚོའི་ལས་གཞི་ནི་རྟག་པ་དང་བརྟན་ཚུགས་པ། ལྡེམ་པོ་དང་ལས་སླ་པོ་ཡོང་མི་ཐུབ་པ་དང་། དེ་དག་འགྱུར་བའི་སྐབས་རྐྱེན་དང་བསྟུན་གྱི་ཡོད། དེ་ནི་འགྱུར་བ་འགྲོ་རྒྱུ་ཡིན་པ་ངེས་པ་རེད། དེ་ལྟར་བརྟག་དཔྱད་བྱེད་པས་ཁུངས་མེད་ཀྱི་བསམ་བློ་སྤོང་རྒྱུར་ཕན་གྱི་ཡོད།།

Top