བྱང་ཆུབ་སེམས་ཀྱི་བསླབ་བྱ་དང་སྡོམ་པའི་འགྲེལ་བ།

ང་ཚོ་མང་པོ་ཞིག་གིས་བྱང་ཆུབ་སེམས་ཀྱི་རིམ་པ་ཐོག་མ་རང་རྒྱུད་ལ་ཆ་ཚང་བ་སྐྱེས་མེད་པའི་སྐབས་ཏེ། ཏོག་ཙམ་དུས་ལ་མ་བབས་གོང་ནས་བྱང་སེམས་སྡོམ་པ་ལེན་སྲིད། ང་ཚོ་ལ་ཐོག་མར་དགོས་རྒྱུ་དེ་ནི་སྨོན་པ་བྱང་ཆུབ་ཀྱི་སེམས་རེད། སྨོན་སེམས་ནི་གཞན་ལ་ཕན་པའི་ཕྱིར་སོ་སོ་རང་ཉིད་མ་འོངས་པའི་བྱང་ཆུབ་ཐོབ་པར་ཡིད་སྨོན་བྱེད་པ་དེ་རེད། དེ་ལ་རྣམ་པ་གཉིས་ཡོད་དེ། དང་པོ་ནི་ཡིད་སྨོན་བྱེད་པ་ཙམ་དང་། གཉིས་པ་ནི་དམ་བཅའ་བའི་གནས་བབས་ཟེར་བ་དེ་ཡིན་ཞིང་། དེའི་སྐབས་སུ་ང་ཚོས་བྱང་ཆུབ་མ་ཐོབ་བར་དུ་བློས་གཏོང་བྱེད་ཀྱི་མིན་ཞེས་དམ་བཅའ་འཇོག་གི་ཡོད། དེ་ལྟར་མུ་མཐུད་དེ་ང་ཚོས་འཇུག་པ་བྱང་ཆུབ་སེམས་ཟེར་བ་དེ་སྐྱེད་དགོས་ཤིང་། དེའི་སྐབས་སུ་ང་ཚོ་མཐའ་གཅིག་ཏུ་གྲ་སྒྲིག་ཨང་བསར་དང་བློ་ཐག་ཆོད་པོའི་སྒོ་ནས་ཉམས་ལེན་ལ་དངོས་སུ་ཞུགས་ནས་བྱང་ཆུབ་ཐོབ་པར་བྱ་རྒྱུ་དེ་རེད། རིམ་པ་དེའི་སྐབས་སུ་ང་ཚོས་བྱང་ཆུབ་སེམས་པའི་སྡོམ་པ་ལེན་གྱི་ཡོད།