དབུ་མ་བཞི་བརྒྱ་པ།

འདི་ནི་སྟོང་པ་ཉིད་ཀྱི་སྐོར་གསུངས་པའི་དབུ་མའི་བསྟན་བཅོས་གལ་ཆེ་ཤོས་ནང་གི་གཅིག་ཡིན། འདི་ནི་སློབ་དཔོན་འཕགས་པ་ལྷས་རང་གི་དགེ་བའི་བཤེས་གཉེན་མགོན་པོ་ཀླུ་སྒྲུབ་ནས་ཐོབ་པའི་ཆོས་ལ་གཞི་བྱས་ནས་མཛད་པ་ཞིག་ཡིན། གཞུང་འདིའི་ནང་གི་རབ་བྱེད་དང་པོ་གསུམ་གྱིས་ང་ཚོའི་ལུས་པོ་འདི་རྟག་པ་དང་། བདེ་བ། གཙང་བ། བདག་ཏུ་འཛིན་པ་བཅས་ཕྱིན་ཅི་ལོག་པའི་བློ་སྤང་བའི་ཐབས་རྣམས་སྟོན་གྱི་ཡོད། དེའི་རྗེས་ཀྱི་རབ་བྱེད་བཞིས་བྱང་ཆུབ་སེམས་དཔའི་སྤྱོད་པ་ལ་འཇུག་ཚུལ་དང་། ཉོན་མོངས་པ་དང་འདོད་པའི་ཡོན་ཏན་ལ་ཞེན་པ་སྤོང་ཚུལ། དེ་བཞིན་དུ་སློབ་མ་ཡོངས་སུ་སྦྱོར་བ་བཅས་སྟོན་གྱི་ཡོད། དེ་ནས་གསུམ་པའི་ཚན་པ་བཞིས་དངོས་པོ་རྟག་པ་དགག་པ་དང་། བདག་རྟག་པ་དགག་པ། བདེན་གྲུབ་ཀྱི་དུས་དགག་པ། ཕྱིན་ཅི་ལོག་པའི་ལྟ་བ་ལ་ཞེན་པའམ་ལྟ་བར་བྱས་པ་དགག་པ་བཅས་ཀྱི་ཐད་སྒོམ་པའི་གནད་ཀ་རྣམས་མཁོ་སྤྲོད་བྱེད་ཀྱི་ཡོད། རབ་བྱེད་མཐའ་མ་བཞིས་དབང་པོ་དང་དོན་བདེན་གྲུབ་ཏུ་ཡོད་པར་དགག་པ་དང་། མཐར་འཛིན་པ་དགག་པ། འདུས་བྱས་ཀྱི་དོན་རྣམས་མཐར་ཐུག་བདེན་པར་ཡོད་པ་དགག་པ། དེ་བཞིན་སྟོང་པ་ཉིད་ལ་ངེས་པ་རྙེད་པ་བཅས་ཀྱི་ཐད་སྒོམ་པའི་གནད་ཀ་རྣམས་མཁོ་སྤྲོད་བྱེད་ཀྱི་ཡོད།