ཕྱི་ལོ་ ༡༩༩༠ ལོར་སུའུ་ལེན་སྤྱི་ཚོགས་སྤྱི་མཐུན་ (USSR) གྱི་སོག་པོ་དང་ཏུར་ཀིའི་ས་ཁུལ་དུ་ནང་ཆོས།

དུས་རབས་ ༡༦ པའི་ནང་སོག་པོ་བྷུརྱ་ཏི་རྣམས་བྱང་སོག་ནས་བྷ་ཏེ་ཀལ་མཚོའི་ས་ཁུལ་དུ་གནས་སྤོ་བྱས་ཤིང་། དེ་ནི་དུས་རབས་ ༡༧ པའི་ནང་དབང་སྒྱུར་བྱས་ཏེ་ཨུ་རུ་སུའི་རྒྱལ་རྒྱུད་ཀྱི་ཆ་ཤས་སུ་བཟོས། དེ་སང་གི་བྱང་ཤིང་ཅང་དུ་ཡོད་པའི་ནུབ་སོག་ཁི་ར་ཏའི་ (Qirat) ཚོགས་སྡེ་གཅིག་ཨུ་རུ་སུའི་ཝོལ་གྷའི་ (Volga) ས་ཁུལ་དུ་དུས་རབས་ ༡༧ པའི་ནང་གནས་སྤོ་བྱས་ནས་དེ་དག་ལ་ཁལ་མུག་པ་ཞེས་སུ་གྲགས། དེ་དུས་རང་འཇགས་སྡོད་མཁན་རྣམས་དུས་རབས་ ༡༧ པའི་དུས་དཀྱིལ་དུ་མན་ཇུས་བཅུ་ཆ་སྡེབ་གསོད་བྱས། ཡིན་ནའང་། ཝོལ་གྷ་ཁལ་མུག་གི་སྡེ་པ་གཅིག་དུས་རབས་ ༡༨ པའི་དུས་མཇུག་ལ་ཤིང་ཅང་ལ་རང་འཇགས་གནས་སྤོ་བྱས། ཏུ་ཝའི་ (Tuva) མི་རྣམས་ཏུར་ཀིའི་སྐད་བེད་སྤྱོད་བྱེད་ཀྱི་ཡོད་ནའང་། སྲོལ་རྒྱུན་གྱི་ཆ་ནས་སོག་པོ་དང་བོད་དུ་སློབ་སྦྱོང་བྱས་ཡོད། ཁོང་ཚོ་མན་ཇུ་ཆིང་རྒྱལ་རྒྱུད་ཀྱི་ཆ་ཤས་སུ་དབང་དུ་བསྡུས་པ་དང་དབང་འཛིན་བྱས་ཡོད། དུས་རབས་ ༢༠ པའི་འགོ་སྟོད་ལ་ཆིང་རྒྱལ་རྒྱུད་ཉམས་པའི་རྗེས་སུ་དེ་ནི་རང་དབང་ལྡན་པའི་རྒྱལ་ཁབ་ཅིག་ཡིན་པ་དང་། དེ་ལ་ཏནྣུ་ཏུ་ཝ་ (Tannu Tuva) ཞེས་ཟེར་གྱི་ཡོད་ཀྱང་། འཛམ་གླིང་དམག་ཆེན་གཉིས་པའི་རྗེས་སུ་སུའུ་ལེན་སྤྱི་ཚོགས་སྤྱི་མཐུན་ (USSR)དང་མཉམ་སྦྲེལ་ཆགས་པ་རེད། ས་ཁུལ་དེ་དག་ཐམས་ཅད་ཀྱིས་སོག་ཡུལ་ནང་གི་གནས་སྟངས་ལྟར་རྒྱུན་སྲོལ་ནས་བོད་བརྒྱུད་ནང་བསྟན་དགེ་ལུགས་པའི་ཆོས་བརྒྱུད་ཀྱི་རྗེས་སུ་འབྲང་སཔ་ཡིན་ནའང་། ཕྱི་ལོ་ ༡༩༩༠ ལོར་བྷུརྱ་ཏི་ཡ་དང་ཆཱི་ཏ་ལ་དགོན་པ་གཉིས་གཅིག་པུ་དང་དེའི་ནང་ཆང་ས་རྒྱག་ཟིན་པའི་གྲྭ་པ་ཉུང་ཤས་ཙམ་ལས་ཁལ་མུག་གམ་ཏུ་ཝའི་ནང་གཅིག་ཀྱང་མེད།