Study buddhism what is ethics

ក្រមសីលធម៌គឺជាប្រព័ន្ធនៃគុណតម្លៃសីលធម៌នានាដែលកំណត់នូវអាកប្បកិរិយារបស់យើងដើម្បីធ្វើអោយជីវិតរិតតែមានសេចក្តីសុខ។ដោយមានក្រមសីលធម៌យើងរស់នៅដោយភាពស្មោះត្រង់ហើយដោយមានក្រមសីលធម៌នឹងនាំយើងទៅរកការជឿទុកចិត្តនិងមិត្តភាពជាមួយមនុស្សនៅជុំវិញខ្លួនយើង។ក្រមសីលធម៌គឺជាគន្លឹះទៅកាន់សុខសុភមង្គល៕

ក្រមសីលធម៌នៅក្នុងព្រះពុទ្ធសាសនា

នៅក្នុងព្រះពុទ្ធសាសនាក្រមសីលធម៌គឺពឹងផ្អែលទៅលើការបែងចែករវាងការយល់ដឹង(សម្បជញ្ញៈ)។យើងប្រើប្រាសប្រាជ្ញារបស់យើងដើម្បីធ្វើការបែកចែករវាងអ្វីដែលនាំមកនូវសុខសុភមង្គលយូរអង្វែងនិងអ្វីដែលនាំមកនូវបញ្ហាដ៏ដែលៗ។វាមិនមែនគ្រាន់តែជាការគោរពងងឹតងងុលចំពោះសិក្ខាបទឬច្បាប់វិន័យនោះទេ។ប៉ុន្តែវាជាការជឿជាក់ទៅគោលការណ៏ក្រមសីលធម៌ដែលសមហេតុសមផល។

ប្រសិនបើយើងខ្វល់ខ្វាយអំពីខ្លួនយើងគឺវាពិតជាសមហេតុសមផលណាស់ដែលយើងត្រូវធ្វើការសម្រេចចិត្តប្រកបដោយប្រាជ្ញាអំពីរបៀបដែលយើងស្តែងចេញនិងប្រព្រឹត្តធ្វើ។អ្នករាល់គ្នាប្រាថ្នាចង់បាននិងសមនឹងទទួលបាននូវសេចក្តីសុខហើយនោះរួមទាំងខ្លួនយើងផងដែរ។ការមានភាពមិនជឿជាក់លើខ្លួនឯង(Lowselfesteem)នាំទៅរកឥរិយាបថប្រងើយកន្តើយខាងផ្នែកសីលធម៌។ការមានស្មារតីជឿជាក់លើខ្លួនឯង(អោយតម្លៃខ្លួនឯង)នាំទៅរកភាពថ្លៃថ្នូរ។ដោយមានសេចក្តីថ្លៃថ្នូរយើងមានការគោរពយ៉ាងជ្រាជ្រៅចំពោះខ្លួនឯងដោយមិនមាកងាយឬបណ្តោយខ្លួនឯងអោយប្រព្រឹត្តនូវទង្វើមិនមានក្រមសីលធម៌នោះទេ។វាហាក់បីដូចជាមិនត្រឹមត្រូវទេដែលប្រព្រឹត្តធ្វើទង្វើមិនមានក្រមសីលធម៌។

ដូចឃ្មុំមួយក្បាលដែលក្រេបយកនូវទឹកដមដ៏ផ្អែមដោយមិនមានការយាយីឬរំខានដល់ព័ណ៏និងក្លិនក្រអូបរបស់ផ្កានោះឡើយ។ដូចជាអ្នកប្រាជ្ញរស់ប្រសព្វនៅលើផែនដី។ដកស្រង់ចេញពីគម្ពីធម្មបទស្តីពីផ្កានៅខទី៤៩។

ឥរិយាបថនៃការគិតថា“អ្វីក៏អ្វីទៅ”គ្រាន់តែនាំយើងទៅរកអារម្មណ៏នៃភាពឯកានិងការធ្លាក់ទឹកចិត្តតែប៉ុណ្ណោះ។ដោយមានស្មារតីនៃក្រមសីលធម៌យើងអាចជម្នះបាននូវឥរិយាបថបែបនេះ។យើងកសាងនូវការជឿទុកចិត្តនិងមិត្តភាពដ៏រឹងមាំដែលជាមូលដ្ឋានគ្រឹះសំរាប់ការទទួលបាននូវជីវិតជាសុខនិងជីវិតជោគជ័យ៕

ក្រមសីលធម៌និងសិក្ខាបទផ្អែកលើហេតុផល

ការបដិបត្តិរបស់ព្រះពុទ្ធសាសនាគឺផ្អែកលើសុភវិនិច្ឆ័យ។ប្រសិនបើយើងជាមនុស្សអត្មានិយមជាមនុស្សខឹងក្រេវក្រោធហើយជាមនុស្សក្រអើតក្រទមចំពោះអ្នកដ៏ទៃនោះតើយើងអាចរំពឹងគិតអោយមានជីវិតសន្តិភាពនិងជីវិតជាសុខចំពោះខ្លួនយើងបានដោយរបៀបណា?

នៅក្នុងព្រះពុទ្ធសាសនាគឺមានសិក្ខាបទជាច្រើនកំរិតដែលបុគ្គលម្នាក់ៗអាចបដិបត្តិបាន។ឧទាហរណ៏ព្រះសង្ឃនៃទំនៀមទីបេត្រូវទ្រទ្រង់២៥៣សិក្ខាបទ។ពុទ្ធបរិស័ទ្ធវិញទ្រទ្រង់តែសិក្ខាបទចំនួនប្រាំតែប៉ុណ្ណោះមានដូចជា៖

  • ជៀសវាងពីការសំលាប់សត្វ
  • ជៀសវាងពីការលួចទ្រព្យគេ
  • ជៀងវាងពីការសេពនូវមេថុនធម្មខុស
  • ជៀងវាងពីការនិយាយកុហក
  • ជៀសវាងពីការសេពគ្រឿងស្រវឹង

សិក្ខាបទទាំងនេះត្រូវបានទ្រទ្រង់ដោយស្ម័គចិត្តដោយអ្នកបដិបត្តិនៅក្នុងព្រះពុទ្ធសាសនាដើម្បើបង្កើតជីវិតមួយរបស់គេដែលមានលក្ខណៈអំណោយផលដល់ការបដិបត្តិនេះ។សិក្ខាបទ(វិន័យ)ទាំងអស់នេះជួយយើងអោយស្ថិតនៅលើទិសដៅមួយដ៏ត្រឹមត្រូវឆ្ពោះទៅមុខហើយក៏ជួយយើងបង្កើតនូវបុព្វហេតុនានាដើម្បីធ្វើការអភិវឌ្ឍន៏នូវជីវិតជាសុខនិងជោគជ័យ។

ក្រមសីលធម៌ដើម្បីអោយជីវិតជោគជ័យ

មនុស្សខ្លះគិតថាជីវិតជោគជ័យគឺជាជីវិតដែលមានអំណាចនិងមានទ្រព្យសម្បត្តិដ៏មហាសាល។បើទោះបីជាយើងមានរបស់ទាំងអស់នោះក៏ដោយក៏យើងនៅតែមិនពេញចិត្ត(មិនស្ងប់ចិត្ត)ហើយយើងមានកង្វល់ថានឹងបាត់បង់របស់នោះទៅវិញ។ជាពិសេសនោះគឺនៅពេលដែលយើងបានរបស់ទាំងអស់នោះមកដោយញើសឈាមរបស់អ្នកដ៏ទៃគឺមានន័យថាយើងមានរិតតែច្រើនយើងរិតតែមានសត្រូវកាន់តែច្រើនដែរ។គ្មានបុគ្គលណាម្នាក់គិតថាជីវិតជោគជ័យគឺជាជីវិតដែលមានមនុស្សជាច្រើនគេស្អប់ខ្ពើមនោះទេ។ជីវិតជោគជ័យគឺជាជីវិតដែលបានបង្កើតមិត្តជាច្រើនហើយមានមនុស្សជាច្រើនដែលមានការសប្បាយរីករាយដោយមានយើងជាមិត្តរបស់គេ។ដូច្នេះវាមិនមានបញ្ហាទេថាតើយើងមានលុយកាក់និងអំណាចច្រើនប៉ុណ្ណាក៏ដោយ។យើងនឹងមានការគាំទ្រផ្នែកចិត្តនិងអារម្មណ៏ពីបណ្តាមិត្តយ៉ាងពេញទំហឹងដែលផ្តល់អោយយើងនូវថាមពលក្នុងការដោះស្រាយរឿងរ៉ាវនានាដែលអាចកើតឡើងនៅក្នុងឆាកជីវិតបាន។

គោលការណ៏ណែនាំនៃក្រមសីលធម៌គឺបង្ហាញនូវប្រភេទនៃអាកប្បកិរិយាដែលនាំយើងទៅរកសុខសុភមង្គលនិងបង្ហាញយើងនូវប្រភេទនៃអាកប្បកិរិយាដែលបង្កនូវវិបត្តិនិងបញ្ហានានា។ពេលដែលយើងមានសភាពចិត្តស្មោះត្រង់និងមានបំណងប្រាថ្នាចង់ផ្តល់នូវសុភមង្គលដល់អ្នកដ៏ទៃនោះពួកគេជឿទុកចិត្តលើយើងថាមិនបោកប្រាសមិនកោងកាចនិងមិនកេងប្រវ័ញ្ញពួកគេទេ។ទំនុកចិត្តនេះគឺជាមូលដ្ឋានគ្រឹះនៃមិត្តភាពរបស់យើងជាមួយមនុស្សរាល់គ្នាដែលយើងជួបប្រសព្វនៅក្នុងឆាកជីវិត។ពួកគេមានអារម្មណ៏ធូរស្បើយនិងសប្បាយរីករាយដែលបានស្ថិតនៅជាមួយយើងហើយគេគិតថាគ្មានអ្វីត្រូវខ្លាចនោះទេ។ដូចគ្នានេះដែរយើងក៏មានអារម្មណ៏រិតតែសប្បាយរីករាយដែរ។តើនរណាចង់អោយមនុស្សមានអារម្មណ៏អសុវត្ថិភាពនិងមានការភ័យខ្លាចនៅពេលណាដែលយើងចូលទៅជិតគេនោះ?មនុស្សរាល់គ្នាគេស្វាគមន៏អ្នកដែលមានមុខមាត់ញញឹម។

មនុស្សជាតិជាសត្វសង្គម៖យើងត្រូវការការគាំទ្រនិងជំនួយពីមនុស្សដ៏ទៃទៀតដើម្បីរស់រានមានជីវិត។មិនថាពេលដែលយើងទើបនឹងកើតមកជាកូនង៉ាប៉ុណ្ណោះទេសូម្បីតែពេលដែលយើងជាមនុស្សចាស់ជរាកោងខ្នងស្ថិតនៅក្នុងផ្ទះសំរាប់ថែទាំមនុស្សចាស់ហើយក៏ដោយក៏យើងត្រូវការជំនួយដែរ។យើងត្រូវការជំនួយនិងការយកចិត្តទុកដាក់ខ្វល់ខ្វាយពីអ្នកដ៏ទៃពេញមួយជីវិតរបស់យើង។ការគាំទ្រផ្នែកអារម្មណ៏ដែលយើងទទួលបានពីមិត្តជាទីស្រលាញ់នានាបង្កើតនូវជីវិតដ៏ពេញបរិបូរណ៏។ការមានស្មារតីនៃក្រមសីលធម៌ជ្រាជ្រៅអាចបង្កលក្ខណៈអោយយើងបង្កើតនូវទំនាក់ទំនងជាមិត្តភាពល្អជាមួយបុគ្គលណាដែលយើងជួបប្រសព្វនៅក្នុងឆាកជីវិតរបស់យើង៕

Top