ཐོས་བསམ་སྒོམ་གསུམ་གྱི་སྒོ་ནས་ནང་ཆོས་ལ་སློབ་སྦྱོང་བྱེད་སྟངས།

ཆོས་གང་ཞིག་ཐོས་པ་དང་། གང་གི་ཐད་བསམ་པ། དེ་བཞིན་གང་ལ་སྒོམ་པ་བཅས་ནི་ནང་ཆོས་ཀྱི་ཐབས་ལམ་བརྒྱུད་རང་ཉིད་ཡར་རྒྱས་གཏོང་ཡག་ཆེད་ལམ་འགྲིམ་པའི་སྐབས་དགོས་མཁོ་ཅན་གྱི་རིམ་པ་ཁག་རེད། ནང་པ་སངས་རྒྱས་པའི་ཆོས་དང་སྒོམ་གྱིས་སོ་སོའི་དཀའ་ངལ་ཡོད་པ་དེ་ལས་གཡོལ་ཐབས་མི་བྱེད་པར། དེའི་ཚབ་དེ་ལ་གདོང་ལེན་བྱེད་ཡག་གི་ཕན་ཐོགས་བྱེད་ནས་དཀའ་ངལ་དེ་སླར་མི་ཡོང་བ་བྱེད་ཀྱི་ཡོད། ནང་པའི་ཐབས་ལམ་ནི། ཐོག་མ་ནང་ཆོས་ནང་གི་ཕན་ཐོགས་ཡོད་པའི་གནད་དོན་ལ་སྦྱོང་དགོས་པ་དང་བསམ་བློ་གཏོང་དགོས། ང་ཚོས་དེ་དག་ཤེས་སོང་ན། དེའི་ཐོག་ལ་སྒོམ་རྒྱག་ནས་ཕན་ཐོགས་ལྡན་པའི་གོམས་གཤིས་ལྟ་བུར་བཟོ་དགོས། དེའི་མཐར་ཐུག་གི་དམིགས་ཡུལ་ནི། སོ་སོའི་ཉིན་རེའི་མི་ཚེའི་ནང་དེ་ལག་ལེན་བསྟར་ཐུབ་པ་བྱེད་དགོས་རྒྱུ་དེ་ཡིན།