ཕྲག་དོག་ལ་ཞིབ་ཕྲ་དཔྱད་པའི་ཐབས་བྱུས།

ཉོན་མོངས་ནང་གི་ཕྲག་དོག་གི་རྨང་གཞིར་གྱུར་བ་ནི་དངོས་པོའི་གནས་ལུགས་ལ་རྨོངས་པ་དང་། ང་ཚོ་དང་གཞན་རྣམས་ཇི་ལྟར་ཡོད་པ་བཅས་ལ་གཞི་རྩའི་ཆ་ནས་རྨོངས་པ་དེ་ཡིན། བདག་དང་དངོས་པོ་རྣམས་རྡོག་རྡོག་ཚུགས་ཐུབ་ཏུ་རྙེད་རྒྱུ་ཡོད་པ་ལོག་པར་རྟོག་པ་དང་། ང་ཚོའི་འཛམ་གླིང་འདིའམ་ཡང་ན་སོ་སོ་རང་ཉིད་རྒྱལ་ཕམ་གྱི་ནང་དབྱེ་བ་འབྱེད་པས། དེ་ལྟར་དངོས་གནས་ཆགས་ཀྱི་མེད། ཕྲག་དོག་ལས་ཐར་བའི་ཐབས་བྱུས་ཡག་ཤོས་ནི། ང་ཚོ་སོ་སོ་རང་ཉིད་དང་གཞན་དག་ལ་ཡོད་པའི་ཕྱིན་ཅི་ལོག་པའི་བློ་ཇེ་ཉུང་དུ་གཏོང་རྒྱུ་དེ་རེད། ང་ཚོའི་ངོས་ནས་དེ་ལྟ་བུའི་ལམ་ལུགས་དང་སྡེ་ཚན་སྣ་ཚོགས་པ་ལས་ཐར་བར་བྱས་ཏེ། བྱུང་རྐྱེན་དང་མི་ཚེ་དོན་ངོ་མ་གང་ཡིན་པ་མཐོང་ན། ཕྲག་དོག་དང་ཉོན་མོངས་ཅན་གྱི་སེམས་ཚོར་གཞན་དག་ལས་ང་ཚོ་ཐར་ཐུབ།