ཕྱི་ལོ་ ༡༩༩༤ ལོར་ཧན་རྒྱ་ནག་ཏུ་བོད་བརྒྱུད་ནང་བསྟན།

ཕྱི་ལོ་ ༡༩༩༤ ལོར་བོད་བརྒྱུད་ནང་བསྟན་ཐདམཁས་པའི་ཉམས་ཞིབ་ལ་དམིགས་པའི་ཤེས་ཡོན་གྱི་བསྟི་གནས་ཁང་འགའ་ཞིག་ཡོད་པ་དང་། ཁ་ཤས་ཀྱིས་གཙུག་ལག་སློབ་ཐོན་གྱི་ཕྱག་ཁྱེར་སྤྲོད་སྲོལ་ཡོད། དེ་ག་ནང་བཞིན་བོད་ཀྱི་གྲྭ་པ་ཕལ་པ་གྲངས་ཧ་ཅང་ཚད་བཀག་ཅན་རྣམས་ལ་སྦྱོང་བརྡར་སྤྲོད་ཕྱིར་གཞུང་གི་ནང་པའི་མཐོ་སློབ་འགའ་ཞིག་ཀྱང་ཡོད། དེ་དག་ལས་ལོགས་སུ་འདེམས་སྒྲུག་བྱས་པའི་སྤྲུལ་སྐུའི་ཚོགས་སྡེ་ཞིག་ཡོད། སྡེ་ཚན་གཉིས་ཀའི་ནང་ལེ་ཉིན་རིང་ལུགས་ཀྱི་སྐོར་སློབ་སྦྱོང་ཤུགས་ཆེན་བྱེད་ཀྱི་ཡོད། པེ་ཅིང་དང་ཆེང་དེ་ (Chengde) ལ་དགོན་པ་དང་ལྷ་ཁང་མང་པོ་ཡོད་པ་དང་མན་ཇུ་ཆིང་རྒྱལ་རབས་ཀྱི་དབྱར་ཁའི་རྒྱལ་ས་ཡིན་པ་རེད། འོན་ཀྱང་། རྒྱ་ནག་ཁྱོན་ཡོངས་ལ་ཡོད་པའི་ཧན་རྒྱ་རིགས་ཀྱི་དགོན་པ་རྣམས་ནི་ཕལ་ཆེ་ས་འགྲེམས་སྟོན་ཁང་དང་ཡུལ་སྐོར་སྤྲོ་འཆམ་པ་ཚོར་ཡིད་དབང་འཕྲོག་གཞི་ཙམ་དུ་གྱུར་ཡོད། རྒྱ་ནག་རི་བོ་རྩེ་ལྔ་ཞེས་འཇམ་དཔལ་དབྱངས་ཀྱི་གནས་རིར་ཆགས་པའི་དགོན་པ་ཕལ་ཆེ་བའི་ནང་དུ་ནང་སོག་གི་གྲྭ་པ་ཡོད་པ་དང་དེ་དག་གིས་ཆོ་གའི་རིགས་འགའ་ཞིག་སྒྲུབ་པ་ལས་བསླབ་པ་སློབ་གཉེར་གྱི་གོ་སྐབས་ཉུང་། རྒྱ་ནག་ཏུ་ཡོད་པའི་ཧན་རྒྱ་རིགས་ཧ་ཅང་མང་པོ་ལོ་ན་རྒན་གཞོན་ལ་མ་ལྟོས་པར་ནང་ཆོས་ལ་དོ་སྣང་ཡོད་མཁན་ཡིན། ཚང་མས་བོད་ནི་རྒྱ་ནག་གི་ཆ་ཤས་ཤིག་ཡིན་པར་བསམ་གྱི་ཡོད་པས། ཁོང་ཚོས་བོད་བརྒྱུད་ནང་བསྟན་ནི་རྒྱའི་ནང་ཆོས་ཀྱི་རྣམ་པ་ཙམ་ཞིག་ཡིན་པར་ངོས་འཛིན་བྱས་ཀྱང་། ནང་ཆོས་ལ་སློབ་སྦྱོང་དང་ཉམས་ལེན་གྱི་གོ་སྐབས་མེད། ཧན་རྒྱ་རིགས་ཀྱི་དགོན་པ་ཁག་ལ་རིག་གནས་གསར་བརྗེའི་སྐབས་སུ་འཚོ་ཞིང་བཞུགས་པའི་བླ་མ་དང་དགེ་རྒན་ཧ་ཅང་དཀོན་པོ་ཡིན་པ་དང་། མི་ཕལ་པ་མང་ཆེ་བ་ནི་དགོན་པ་དང་ལྷ་ཁང་ལ་རང་སོ་སོའི་མེས་པོ་ཚོ་ལ་སྤོས་དང་ཡང་ལཱ་འབུལ་བ་ཙམ་གྱི་ཆེད་དུ་འགྲོ་ཡི་ཡོད།