ཕྱི་ལོ་ ༡༩༩༤ ལོར་རྒྱ་ནག་གི་སོག་པོའི་ས་ཁུལ་ཁག་ཏུ་ནང་ཆོས་དར་ཚུལ།

ད་ལྟའི་དུས་སུ་རྒྱ་ནག་སྤྱི་མཐུན་རྒྱལ་ཁབ་ཀྱི་ཆ་ཤས་སུ་ཡིན་པའི་སོག་པོའི་ས་ཁུལ་ཁག་ནི་གཙོ་བོ་བོད་ཀྱི་དགེ་ལུགས་པའི་ཆོས་བརྒྱུད་འཛིན་མཁན་ཡིན་ནའང་། དེ་དག་ལ་ལོ་རྒྱུས་མི་འདྲ་བ་ཡོད། མོན་གུར་རམ་སོག་པོ་ཧོར་པ་དང་སྟོད་སོག་ཀོ་ཀོ་ནོར་གྱི་མི་རིགས་དེ་དག་དུས་རབས་ ༡༤ པའི་སྔ་རོལ་ནས་བཟུང་སྟེ་དེང་སང་གི་ཆིང་ཧ་ཡེ་ལ་གནས་སྡོད་བྱེད་ཀྱི་ཡོད། དུས་རབས་ ༡༧ པའི་དུས་དཀྱིལ་ལ་མན་ཇུས་དབུས་སོག་དེ་ཕྱི་ནང་གཉིས་སུ་དབྱེ་བ་ཕྱེས་ཏེ་ཕྱི་སོག་དང་ནང་སོག་ཆགས་པ་རེད། ནང་སོག་དེ་མན་ཇུ་རི་ཡའི་བར་དར་ཁྱབ་བྱུང་ཞིང་། ད་ལྟ་རྒྱ་ནག་སྤྱི་མཐུན་རྒྱལ་ཁབ་ཀྱི་ནང་མཉམ་སྦྲེལ་ཆགས་ཡོད། དུས་རབས་ ༡༨ པའི་དུས་དཀྱིལ་ནང་བྱང་ཤིང་ཅང་དུ་ཡོད་པའི་ནུབ་སོག་པོ་ཁལ་མུག་པ་རྣམས་སྔོན་དུས་རབས་ ༡༧ པའི་འགོ་སྟོད་ལ་གནས་སྤོ་བྱེད་སའི་ཨུ་རུ་སུའི་ཝོལ་གྷའི་ས་ཁུལ་ནས་དེར་ཕྱིར་ལོག་བྱས། ཕྱི་ལོ་ ༡༩༩༤ ལོར་ས་ཁུལ་དེ་དག་ཚང་མའི་ནང་ནང་ཆོས་དང་དེའི་དགོན་སྡེ་ཁག་གི་གནས་བབས་ནི་དེའི་སྐབས་ཀྱི་བོད་ནང་གི་གནས་སྟངས་ལས་ཧ་ཅང་སྐྱོ་བ་ཆགས་ཡོད་པ་དང་། གྲྭ་པ་རྒན་གོག་ཉུང་ཤས་ཙམ་ལས་དགེ་རྒན་མེད་པ་རེད།