សន្តិភាពផ្លូវចិត្ត

បទបង្ហាញខ្លីៗចំពោះទស្សនៈព្រះពុទ្ធសាសនាស្តីពីសុភមង្គល

សន្តិភាពពិភពលោកគឺចាប់ផ្លើមពីការស្វែងនូវសន្តិភាពផ្លូវចិត្ត ដោយស្តែងចេញតាមរយះការបង្កើតទំនាក់ទំនងល្អរវៀងគ្នានិងគ្នា។

សំភារៈនិយមហាក់បីដូចជានាំមកនូវសេចក្តីពេញចិត្តប៉ុន្តែវាគ្រាន់តែនាំមកនូវរោគស្រ្តិះតែប៉ុណ្ណោះ។ដើម្បីស្វែងរកសន្តិភាពនៃចិត្តពិតប្រាកដយើងត្រូវការទស្សនៈរួមមួយដោយផ្អែកលើសេចក្តីមេត្តា

សុភមង្គលពិតជាក់ស្តែង និងភាពពេញចិត្តពេញថ្លើម គឺបានមកពីខាងក្នុង គឺបានមកពីការមានសេចក្តីមេត្តា និងបានមកពីភាពមានការស្រលាញ់រាប់អានរបស់មនុស្ស។

ប្រភពពិតនៃសុភមង្គលគឺជាការប្រព្រឹត្តទង្វើជាកុសលដោយកាយវាចាចិត្ត និងប្រកបដោយមេត្តា។

សេចក្តីមេត្តាគឺជាគុណតម្លៃដ៏ឋិតឋេរបំផុត នៅពេលណា ដែលផ្អែកលើភាពស្និទស្នាលពីធម្មជាតិ និងលើការស្រលាញ់ថ្នាក់ថ្នមរវាងម្តាយ និងកូនដែលទើបនឹងកើត ហើយនិងផ្អែកលើគុណតម្លៃនៃមនុស្សគ្រប់រូប ដែលប្រាថ្នាចង់បានសេចក្តីសុខ។

មិត្តភាពគឺបានមកពី ការមានភាពខ្វល់ខ្វាយចំពោះសុខទុក្ខអ្នកដ៏ទៃ។

សម្តេចសង្ឃរាជដាឡៃឡាម៉ាបានផ្សព្វផ្សាយធម៌អហិង្សា ជាមធ្យោបាយមួយដើម្បីបង្កើតសន្តិភាពខាងក្រៅនិងក្នុងចិត្តពេញមួយជីវិតរបស់ព្រះអង្គ។

សន្តិភាពផ្លូវចិត្ត គឺបានមកពីការប្រព្រិត្តិ​ និងការបដិបត្តិជាក់ស្តែង ការបដិបត្តិនូវភាពស្មោះត្រង់ ការបដិបត្តិនូវសេចក្តីមេត្តា និងមិនមានភាពអាត្មានិយម។

យើងត្រូវតែចម្រើនការប្តេជ្ញាចិត្តដើម្បីរំដោះខ្លួនឲ្យរួចផុតពីទម្លាប់ប្រចាំថ្ងៃ ជាទម្លាប់ដែលបង្កភាពស្រ្តិះដល់ខ្លួន និងចាប់ផ្តើមហ្វឹកហាត់រក្សាវិន័យ(សីល) សមាធិនិងប្រាជ្ញាវិញ។